Womusu 110:6 - Bibeli Gusunɔn Gari

⁶ U koo bwesenu siri. Sɑnɑm mɛyɑ ɡonu ko n yibɑ yɑm kpuro. Kpɑ u sinɑmbu kpeerɑsiɑ tem kpuro sɔɔ.

Womusu 110:6 ပူးပေါင်းရင်းမြစ်များ

Torubu 3:15

Nɑ kon mɑɑ yibɛrɛ tɛɛru doke wunɛ kɑ kurɔ win bɑɑ sɔɔ, kɑ mɑɑ wunɛn bweseru kɑ win bweserun bɑɑ sɔɔ. Win bweserun ɡoo u koo nun wiru kɔrɑ, kɑɑ mɑɑ win nɑɑ tokuru mɛɛrɑ ko.

Womusu 68:21

Wiyɑ u rɑ tɔnu fɑɑbɑ ko. Wi turowɑ u koo kpĩ u nùn yɑkiɑ sɑɑ ɡɔɔn di.

Womusu 68:22

Wiyɑ u koo win yibɛrɛbɑn wiru kɔrɑ. Kpɑ u be bɑ wɑ̃ɑ durum sɔɔn wii suunu yɑbe.

Esɑi 11:3

U koo nùn mɛm nɔɔwɑwɑ kɑ kĩru. Mɛyɑ u ǹ tɔnu sirimɔ kɑ sɛndɑru, ǹ kun mɛ, bɑ nɛɛn sɔ̃.

Esɑi 2:4

U koo bwese dɑbinu siri, kpɑ bwese ni, nu nin tɑkobibɑ bɔɔri nu kɑ tebonu seku. Mɛyɑ nu koo mɑɑ nin yɑɑsi bɔɔri nu wobɑ so. Bweseru ɡɑrɑ kun mɑɑ ɡɑru seesimɔ. Bɑ ǹ mɑɑ ben bibu tɑbu toobu sɔ̃ɔsimɔ.

Esɑi 42:1

Yinni Gusunɔ u nɛɛ, nɛn sɔm kowo wee, wi nɑ ɡɔsɑ. Wiyɑ nɑ kɑ wɑ̃ɑ, nɑ mɑɑ nùn kĩ. Nɑ nɛn Hunde doke wi sɔɔ. U koo ɡem ɡɑri kpɑrɑ tɔmbu sɔɔ.

Esɑi 42:4

U ǹ mwiɑ kpɑnɑmɔ. U ǹ mɑɑ wɑsirɑmɔ sere u kɑ de ɡem mu n wɑ̃ɑ hɑnduniɑ kpuro sɔɔ, kpɑ tɔn be bɑ wɑ̃ɑ sere mi n tomɑ bɑ n win woodɑbɑ nɑɑnɛ sɑ̃ɑ.

Esɑi 51:5

Nɑ kɑ fɑɑbɑ wee, kpɑ n siri dee dee bwesenu kpuro sɔɔ, kɑ nɛn nɔm dɑmɡuu. Sɑɑ yerɑ be bɑ wɑ̃ɑ n tomɑ bɑ ko n yĩiyɔbu mɔ nɛ sɔɔ, kpɑ bɑ n nɛn dɑm nɑɑnɛ sɑ̃ɑ.

Esɑi 66:24

Adɑmɑ bɑ ko n dɑ tɔn be bɑ mɑn seesin ɡonu wɑwɑ nu kpĩ tɔɔwɔ. Domi kɔkɔ ni nu ko n bu dimɔ, nu ǹ ɡbimɔ. Dɔ̃ɔ wì sɔɔ bɑ ko n wɑ̃ɑ, u ǹ mɑɑ ɡbimɔ. Mɛyɑ ben ɡonu nu ǹ ko n wɑɑbu wɑ̃.

Esekiɛli 39:4

U koo wɔrumɑ Isirelibɑn ɡuunu wɔllɔ wi, kɑ win tɑbu kowobu kɑ tɔn be bɑ nùn swĩimɑ. Kpɑ ɡunɔsu kɑ ɡbeeku yɛɛ yi ben yɑɑ di.

Misee 4:3

U koo bwese dɑbinu siri, ni nu dɑm mɔ nu nɑ tontonden di. Kpɑ bwese ni, nu nin tɑkobibɑ bɔɔri nu kɑ tebonu seku. Mɛyɑ nu koo nin yɑɑsi bɔɔri nu wobɑ so. Bweseru ɡɑrɑ kun ɡɑru seesimɔ. Bɑ ǹ mɑɑ tɑbun ɡɑri mɔ̀ ben suunu sɔɔ.

Hɑbɑkuku 3:13

Wee ɑ yɑrɑ ɑ wunɛn tɔmbu kɑ wunɛn sunɔ wi ɑ ɡɔsɑ somiru nɑ. A tɔn kɔ̃sobun sunɔ ɡo. A win bwɑ̃ɑbu kpeerɑsiɑ mɑm mɑm.

Yohɑnu 5:22

Bɑɑbɑn tii u ku rɑ mɑɑ ɡoo siri, ɑdɑmɑ u siribu kpuro win Bii nɔmu sɔndiɑ,

Kɑ̃siru 14:20

Bɑ resɛm dɑ̃ɑ bii ni ɡɑmɑ nin ɡɑmɑ yerɔ wuun biruɔ. Mɑ dɑ̃ɑ bii ɡɑmɑ yee ten min di yɛm mu kokɑ mu tɛriɑ sere kilo ɡoobɑ wunɔbu (300), mɑ mɛn dukum mɑɑ turɑ sere dumin toro ɡɛndɛɔ.

Kɑ̃siru 19:11

Nɑ mɑɑ wɑ Gusunɔ wɔllɑ wukiɑrɑ mɑ dum kɑɑ ɡɑɑ kurɑmɑ. Wi u ye sɔni win yĩsirɑ Gemɡii kɑ Bɔrɔkini. Gem sɔɔrɑ u rɑ siri, mɛyɑ u rɑ mɑɑ kɑ tɑbu ko.

Sɑmuɛli I 2:10

Yinni Gusunɔ u koo win yibɛrɛbɑ kɔsuku muku muku kɑ ɡuru kpenu. U koo hɑnduniɑ kpuro siri. U koo wi u ɡɔsɑ ko sunɔ, kpɑ u nùn dɑm wɛ̃.