Womusu 11:7 - Bibeli Gusunɔn Gari

⁷ Adɑmɑ u rɑ ɡemɡii dɑm koosie, domi win tii u sɑ̃ɑwɑ ɡemɡii, u rɑ mɑɑ dɑɑ ɡeɑ kɑ̃.

Womusu 11:7 ပူးပေါင်းရင်းမြစ်များ

Yoobu 36:7

U ku rɑ ɡemɡibu deri. U rɑ bu swĩiwɑ nɡe sinɑmbu kpɑ bɑ n bɛɛrɛ mɔ sere kɑ bɑɑdommɑɔ.

Womusu 146:8

U rɑ wɔ̃kobu nɔni wukie. U rɑ be bɑ tɑɑre seeye. U rɑ ɡemɡibu kɑ̃.

Womusu 17:15

Adɑmɑ nɛ, nɑ̀ n seewɑ, kon wunɛn wuswɑɑ wɑ yèn sɔ̃ nɑ dɛɛre, kpɑ nɑ n nuku dobu yibɑ.

Womusu 21:6

Wunɛn somirun sɑɑbuwɑ win bɛɛrɛ yɑ kɑ kpɛ̃ɑ. Wunɛn fɑɑbɑn sɑɑbuwɑ u kɑ ɡirimɑ bɑkɑ wɑ.

Womusu 33:18

Adɑmɑ be bɑ Yinni Gusunɔ nɑsie, mɑ bɑ ben yĩiyɔbu doke win durom sɔɔ, beyɑ u kɔ̃su,

Womusu 33:5

U rɑ ye yɑ woodɑ kɑ ɡem swĩi kɑ̃. Win durom mu yibɑ tem kpuro sɔɔ.

Womusu 34:15

U kɔ̃sɑ suurio, kpɑ u ɡeɑ ko. U ɑlɑfiɑ nɑɑ ɡiro.

Womusu 37:28

Yinni Gusunɔ u ɡem kĩ. U ǹ win tɔmbu derimɔ, u rɑ n bu kɔ̃su. Adɑmɑ bɑ koo tɔn kɔ̃sobun bweseru kpeerɑsiɑ.

Womusu 42:5

Nɛn tororu tɑ rɑ kɑrewɑ nɑ̀ n yɑɑyɑ sɑnɑm mɛ tɔn dɑbiru tɑ rɑ n mɑn sikerenɛ, nɑ n tu ɡbiiye su kɑ dɑ Gusunɔn sɑ̃ɑ yerɔ, sɑ n nuku dobu mɔ̀, sɑ n Gusunɔ siɑrɑmɔ sɑnnu.

Womusu 45:7

Gusunɔ, bɑ wunɛn bɑndu swĩi sere kɑ bɑɑdommɑɔ. Gemɑ ɑ kɑ wunɛn bɑndu nɛni.

Womusu 45:8

A ɡeɑ kĩ, mɑ ɑ kɔ̃sɑ tusɑ. Yen sɔ̃nɑ Gusunɔ wi u sɑ̃ɑ wunɛn Yinni, u nun ɡɔsɑ. U mɑɑ nun nuku dobu wɛ̃ ye u kɑ nun ɑye bɛɛrɛɡiru wɛ̃ te tɑ wunɛn kpɑɑsibuɡiru kpɑ̃ɑru kere.

Womusu 5:12

Be bɑ sɑ̃ɑ wunɛɡibu, kɑɑ de bu nuku dobu wɑ. Kɑɑ de bu kɑtinu kɑrɑ. Kɑɑ de bu yɛ̃ɛri. Kɑɑ bu kɔ̃su. Kɑɑ bu domɑru kuɑ. Kɑɑ bu ɡɑnɛ nɡe tɛrɛru wunɛn kĩrun sɑɑbu, domi bɑ nun kĩ, mɑ bɑ nun mɛm nɔɔwɑmmɛ.

Womusu 7:11

Wunɑ ɑ rɑ mɑn ɡɑnɛ nɡe tɛrɛru. Wunɑ ɑ rɑ bèn ɡɔ̃ru ɡɑ dɛɛre fɑɑbɑ ko.

Womusu 7:9

Yinni Gusunɔ, wunɑ kɑɑ tɔmbu siri. A mɑn sirio nɡe mɛ nɛn dɛɛrɑrɑ nɛ. A mɑn nɛn ɡem wɛ̃ɛyɔ.

Womusu 99:4

I Yinni Gusunɔn dɑm wɔlle suo. Domi u sɑ̃ɑwɑ sinɑ boko wi u rɑ ɡem kɑ̃. Yinni Gusunɔ, wunɑ ɑ sun sɔ̃ɔsi nɡe mɛ sɑ ko kɑ bɛsɛn wɑ̃ɑru diisinɑ. Wunɑ ɑ Yɑkɔbun bweseru woodɑ wɛ̃ Isireliɔ.

Mɔnnu 15:9

Yinni Gusunɔ u tɔn kɔ̃sobun swɑɑ tusɑ, ɑdɑmɑ be bɑ ɡeɑ mɔ̀, beyɑ u kĩ.

Esɑi 61:8

Wi, Yinni Gusunɔ, ɡemɑ u rɑ kɑ̃. U dɑm dɔrebu kɑ kom kɔ̃sum tusɑ. U koo win tɔmbu ben ɑre wɛ̃ dee dee, kpɑ u kɑ bu ɑrukɑwɑni bɔke ye yɑ ko n wɑ̃ɑ sere kɑ bɑɑdommɑɔ.

Piɛɛ I 3:12

Domi ɡemɡibɑ Yinni Gusunɔ u nɔni wɛ̃ɛ. Mɑ u ben kɑnɑru swɑɑ dɑki. Adɑmɑ u kɔ̃sɑn kowobu nɔni mɛnimɔ.”

Yohɑnu I 3:2

Nɛn kĩnɑsibu, tɛ̃ sɔɔ sɑ sɑ̃ɑ Gusunɔn bibu, sɑ ǹ yɛ̃ ɡinɑ ɑmɔnɑ sɑ ko n sɑ̃ɑ siɑ. Adɑmɑ sɑ yɛ̃ mɑ sɑnɑm mɛ Kirisi u koo kurɑmɑ sɑ ko n kɑ nùn weenɛ domi sɑ ko nùn wɑ nɡe mɛ u sɑ̃ɑ.

Kɑ̃siru 22:4

Bɑ koo win wuswɑɑ wɑ kpɑ win yĩsiru tɑ n yoruɑ ben sirinɔ.