Womusu 109:31 - Bibeli Gusunɔn Gari

³¹ Domi u rɑ n wɑ̃ɑ bwɛ̃ɛbwɛ̃ɛbun bɔkuɔ u kɑ bu fɑɑbɑ ko be bɑ bu tɑɑrɛ wɛ̃ɛmɔn nɔmɑn di.

Womusu 109:31 ပူးပေါင်းရင်းမြစ်များ

Womusu 10:14

Yinni Gusunɔ, ɑ rɑ n yɛ̃ nɔni swɑ̃ɑ te tɔmbɑ mɔ hɑnduniɑ sɔɔ. A rɑ bu somi. A rɑ mɑɑ ɡobekubɑ nɔɔri. Yen sɔ̃nɑ bɑ rɑ nun tii wɛ̃.

Womusu 109:16

Domi u ǹ wɔnwɔndu sɔ̃ɔsi. U sɑ̃ɑrobu kɑ wɔnwɔndobu nɔni sɔ̃ɔwɑwɑ sere u tɔnu ɡo wi u nuki sɑnkire.

Womusu 110:5

Gusunɔ u wɑ̃ɑ wunɛn nɔm ɡeuɔ. U koo sinɑmbu kɑm koosiɑ dɔmɑ te win mɔru seewɑ.

Womusu 121:5

Yinni Gusunɔ u sɑ̃ɑwɑ wunɛn kɔ̃so. U wɑ̃ɑ wunɛn nɔn ɡeuɔ u nun sɑɑru sɑ̃ɑwɛ.

Womusu 140:12

Wi u weesu mɔ̀ u ǹ tɑ̃simɔ tem mɛ sɔɔ. Kɔ̃sɑ yɑ ko n mɑɑ ɡbɑnɑɡii swĩiwɑ sere u kɑ kɑm ko.

Womusu 16:8

Wunɑ nɑ rɑ n mɛɛrɑ bɑɑdommɑ. Wunɑ ɑ rɑ n wɑ̃ɑ kɑ nɛ. Wunɑ ɑ rɑ n mɑn kɔ̃su. Gɑ̃ɑnu kun kpɛ̃ nu mɑn surɑ.

Womusu 68:5

I Gusunɔn yĩsiru wɔlle suo kɑ womusu. I nùn swɑɑ kuo, u ɡbɑburu mɔ̀, u ɡuru winu sɔni u wee. Win yĩsirɑ Yinni Gusunɔ. I nuku dobu koowo win wuswɑɑɔ.

Womusu 72:4

Kon sɑ̃ɑrobu siriɑ kpɑ n bu ben ɡem wɛ̃, kpɑ n bwɛ̃ɛbwɛ̃ɛbun bibu fɑɑbɑ ko, n be bɑ bu dɑm dɔremɔ kɔsuku.

Womusu 73:23

Adɑmɑ kɑ mɛ, nɑ wɑ̃ɑ kɑ wunɛ. Mɑ ɑ mɑn mwɑ kɑ wunɛn nɔm ɡeu.

Wɑɑsu kowo 5:8

Adɑmɑ ɡɑ̃ɑnu nu wɑ̃ɑ be kpuron sɔ̃. Niyɑ, tem mɑrum, bɑɑ kɑ mɑm sinɑ bokon tii.

Esɑi 54:17

Yen sɔ̃nɑ tɑbu yɑ̃ɑ ni bɑ sekumɔ wunɛn sɔ̃, nu ǹ ɡɑ̃ɑnu mɔ̀. Wi u kɑ mɑɑ nun dɑ siri ɡbɑburɔ, siribu koo yɛ̃ro di. Yeniwɑ kon nɛn sɔm kowobu kuɑ. Nɡe mɛyɑ kon mɑɑ bu fɑɑbɑ ko. Nɛ, Yinni Gusunɔwɑ nɑ ɡeruɑ mɛ.