Womusu 107:39 - Bibeli Gusunɔn Gari

³⁹ Adɑmɑ ɡɑbu bɑ dɑbiru kɑɑre bɑ wɑ̃ɑ sekuru sɔɔ yèn sɔ̃ bɑ yoru dimɔ bɑ nɔni sɔ̃ɔre.

Womusu 107:39 ပူးပေါင်းရင်းမြစ်များ

Torubu 45:11

Yèn bukɑtɑ u mɔ kpuro kon nùn wɛ̃, domi ɡɔ̃ɔrɑ mɑɑ tie wɔ̃ɔ nɔɔbu. Ù n wɑ̃ɑ nɛn bɔkuɔ, ɡɔ̃ɔ te, tɑ ǹ mɑɑ bu ɡoomɔ kɑ win yɛnuɡibu kɑ win ye u mɔ kpuro.

Sinɑmbu II 10:32

Sɑɑ ye sɔɔrɑ Yinni Gusunɔ u Isirelibɑn tem kɑwɑbu toruɑ. Mɑ u derɑ Hɑsɑɛli u bu seesi u ben tem nɔɔ burɑ yenu kpuro mwɛɛrɑ. Nɡe mɛyɑ n kuɑ bɑ ǹ kɑ Yuudɛnin sɔ̃ɔ yɑri yerun berɑ kpuro mɔ n kɑ dɑ sere dɑɑ te bɑ mɔ̀ Aɑnɔɔwɔ, Anɛɛn berɑ ɡiɑ, Gɑlɑdi kɑ Bɑsɑnin temɔ, mi Gɑdiɡibu kɑ Rubɛnibɑ kɑ Mɑnɑsebɑ bɑ wɑ̃ɑ.

Sinɑmbu II 13:22

Hɑsɑɛli, Sirin sinɑ boko u rɑɑ Isirelibɑ dɑm dɔre Yoɑkɑsin wɑ̃ɑrun tɔ̃ru kpuro sɔɔ.

Sinɑmbu II 13:7

Yoɑkɑsin tɑbu kowobu sɔɔ, Yinni Gusunɔ u derɑ Sirin sinɑ boko u ben dɑbiru ɡo, u nɑmɑ muku muku bɑ kuɑ nɡe tuɑ. Mɑɑsɔbu weerɑɑkuru tɔnɑwɑ u nùn deriɑ kɑ tɑbu kowobu nɔrɔbun subɑ wɔkuru (10.000) kɑ tɑbu kɛkɛ yi dumi ɡɑwe wɔkuru.

Sinɑmbu II 14:26

Mɛyɑ Yinni Gusunɔ u Isirelibɑn nɔni swɑ̃ɑru wɑ tɑ kpɑ̃. Domi be kpurowɑ bɑ yoru dimɔ, bɑ ǹ mɑɑ ɡoo mɔ wi u koo bu wɔrɑ.

Sinɑmbu II 4:8

Sɔ̃ɔ teeru Elisee u sɑrɔ Sunɛmuɔ. N deemɑ kurɔ ɡobiɡii ɡoo wɑ̃ɑ mi, mɑ kurɔ wi, u nùn suuru kɑnɑ u nɑ u di win mi. Sɑɑ mɑɑ dɔmɑ ten di, ù n sɑrɔ mi, miyɑ u rɑ ɡɛre u di.

Sinɑmbu II 8:3

Wɔ̃ɔ nɔɔbɑ yiru yen biruwɑ kurɔ wi, u ɡɔsirɑmɑ win temɔ Isireliɔ. Mɑ u dɑ u sinɑ boko deemɑ u nùn win yɛnu kɑ win ɡbeɑ wesiɑ.

Yoobu 12:23

Wiyɑ u rɑ bwesenu dɑbiɑsie, kpɑ u mɑɑ nu kpeerɑsiɑ. Wiyɑ u rɑ de nu tɛriɑ, kpɑ u mɑɑ nu kɑwɑ.