Womusu 107:22 - Bibeli Gusunɔn Gari

²² Bu nùn siɑrɑbun yɑ̃kunu kuo. Kpɑ bu win sɔm mɑɑmɑɑkiɡii nin ɡɑri kpɑrɑ kɑ nuku dobu.

Womusu 107:22 ပူးပေါင်းရင်းမြစ်များ

Womusu 116:12

Mbɑ kon Yinni Gusunɔ dibu kɔsiɑ ɡeɑ ye u mɑn kuɑn sɔ̃.

Womusu 116:17

Yen sɔ̃nɑ kon nun siɑrɑbun yɑ̃kuru kuɑ, kpɑ n wunɛn yĩsiru soku.

Womusu 118:17

Nɑ ǹ mɑɑ ɡbimɔ, ko nɑ n wɑ̃ɑwɑ, kpɑ n win sɔmɑ ye u kuɑn ɡɑri kpɑrɑ.

Womusu 27:6

Yen sɔ̃nɑ kon kpĩ n nɛn yibɛrɛbɑ yɛ̃ɛ be bɑ kɑ mɑn sikerenɛ. Kon dɑ Yinni Gusunɔn wɑ̃ɑ yee dɛɛrɑru mi, kpɑ n nùn yɑ̃kunu kuɑ, kpɑ n nùn siɑrɑ kɑ womusu.

Womusu 50:14

Ye n burɑm bo, yerɑ i nɛ Gusunɔ bɛɛn Yinni siɑrɑ. Kpɑ i bɛɛn nɔɔ mwɛɛnu yibiɑ ni i mɑn kuɑ.

Womusu 73:28

Adɑmɑ nɛ, n mɑn wɛ̃re nɑ n wɑ̃ɑ wunɛn bɔkuɔ Yinni Gusunɔ. Domi nɑ kuku yee nɑɑnɛɡiru wɑ wunɛ sɔɔ. Kon kpɑrɑ ye ɑ mɑn kuɑ kpuro.

Womusu 9:11

Yinni Gusunɔ, be bɑ wunɛn yĩsirun bɛɛrɛ yɛ̃, bɑ rɑ n nun nɑɑnɛ sɑ̃ɑ. Be bɑ nun kɑsu, ɑ ku rɑ bu biru kisi.

Womusu 9:15

kpɑ n kpĩ nɑ n wɑ̃ɑ Siɔnin tɔmbun suunu sɔɔ, nɑ n tɑkɑru mɔ̀ ye ɑ mɑn kuɑn sɔ̃, nɑ n nuku dobu mɔ̀ fɑɑbɑ ye ɑ mɑn kuɑn sɔ̃.

Esɑi 12:4

kpɑ tɔ̃ɔ te sɔɔ, bu ɡere bu nɛɛ, i Yinni Gusunɔ siɑro, i win yĩsiru wɔlle suo. I win sɔm bɑkɑ ni u kuɑ kpɑro bwesenu kpuro sɔɔ. I tɔmbu yɑɑyɑsio mɑ win yĩsirɑ kpɑ̃.

Sɑ̃ɑrun Woodɑ 7:12

Goo ù n siɑrɑbun yɑ̃kuru mɔ̀, u koo kirɑ bwesenu itɑ kowɑ. U koo ɡbiikinu ko kɑ ɡum nu kun seeyɑtiɑ mɔ, kpɑ u yirusenun som ɡum yɛ̃kɑ nu kun seeyɑtiɑ mɔ, kpɑ u itɑsenun som burinɑ kɑ ɡum u sɔmɛ.

Heberu 13:15

Ǹ n mɛn nɑ, sɑ n Gusunɔ siɑrɑmɔ sɑɑ Yesun min di kpeetim sɑri nɡe yɑ̃ku kobu, yerɑ sɑ n dɑ win yĩsiru siɑre kɑ bɛsɛn nɔɔ.

Piɛɛ I 2:5

I nɑ bɛɛn tii nɡe kpee wɑsinu bu kɑ bɛɛ dendi bu kɑ hunden wɑ̃ɑ yeru bɑni. Miyɑ i ko n sɑ̃ɑ yɑ̃ku kowo dɛɛrobu be bɑ tii Gusunɔ wɛ̃ɛmɔ nɡe yɑ̃ku ni u koo mwɑ Yesu Kirisin sɑɑbu.

Piɛɛ I 2:9

Adɑmɑ bɛɛ i sɑ̃ɑwɑ bwese te bɑ ɡɔsɑ, i mɑɑ sɑ̃ɑ sinɑ bokon yɑ̃ku kowobu, i sɑ̃ɑ bwese te Gusunɔ u yɑkiɑ u yii nɛnɛm, kpɑ i kɑ win tɔn ɡeeru kpɑrɑ wi, wi u bɛɛ sokɑ yɑm wɔ̃kurun di i kɑ du win yɑm bururɑm mɑɑmɑɑkiɡim sɔɔ.