Womusu 106:7 - Bibeli Gusunɔn Gari

⁷ Sɑnɑm mɛ bɛsɛn sikɑdo be, bɑ wɑ̃ɑ Eɡibitiɔ, bɑ ǹ wunɛn sɔm mɑɑmɑɑkiɡii ni ɡɑrisi. Bɑ ǹ wunɛn durom mɛ yɑɑye mɛ ɑ bu sɔ̃ɔsi nɔn dɑbi dɑbinu. Mɑ bɑ nun seesi nim wɔ̃kuɔ ɡe bɑ mɔ̀ Nɑɑ yɑri.

Womusu 106:7 ပူးပေါင်းရင်းမြစ်များ

Womusu 105:5

Bɛɛ Aburɑhɑmu Gusunɔn sɔm kowon bweseru, bɛɛ Yɑkɔbun bweseru, bɛɛ be u ɡɔsɑ, i win sɔm mɑɑmɑɑkiɡii ni yɑɑyo. I siribu yɑɑyo bi u bɛɛ kuɑ.

Womusu 106:45

A wunɛn ɑrukɑwɑni yɑɑyɑ. Mɑ ɑ ben wɔnwɔndu wɑ wunɛn durom bɑkɑm sɔ̃.

Womusu 5:7

A tɔn ɡowobu tusɑ. A tɑki diobu tusɑ. A rɑ wee kowobu kpeerɑsie.

Womusu 51:1

Ye Dɑfidi u kɑ Bɑti Sebɑ kpunɑ u kpɑ, Gusunɔn sɔmɔ Nɑtɑni u dɑ win mi. Yen biruwɑ Dɑfidi u wom kowobun wiruɡii womu ɡeni kuɑ. Ge wee.

Womusu 78:11

Tɑ win sɔm mɑɑmɑɑkiɡii ni duɑri ni u tu sɔ̃ɔsi.

Womusu 78:42

Bɑ ǹ tɔ̃ɔ te yɑɑye tè sɔɔ u bu wɔrɑ yibɛrɛbɑn nɔmɑn di kɑ win dɑm.

Mɔnnu 1:22

yi mɔ̀, bɛɛ lɑɑkɑri sɑribɑ, sere dommɑ i kĩ i n wɑ̃ɑ bwisi sɑriru sɔɔ. Bɛɛ yɑɑko kowobu, sere dommɑ i ko n nuku dobu mɔ̀ bɛɛn yɑɑko kobu sɔɔ, kpɑ bɛɛ ɡɑri bɑkɑsu i n yɛ̃ru tusɑ.

Esɑi 42:20

Wee, u ɡɑ̃ɑ dɑbinu wɑ, ɑdɑmɑ u ǹ nu ɡɑrisi ɡɑ̃ɑnu. U swɑsu wukie, ɑdɑmɑ u ǹ ɡɑri nɔɔmɔ.

Esɑi 44:18

Adɑmɑ tɔn ben bweseru, bɑ ǹ yɛ̃ru mɔ, bɑ ǹ mɑɑ bwisi mɔ. Domi bɑ tii nɔni wɔ̃kuɑ bu ku kɑ yɑm wɑ. Mɛyɑ bɑ mɑɑ ben tiin bwisikunu sĩiyɑ, kpɑ ɡɑ̃ɑnu nu ku kɑ bu yeeri.

Esɑi 63:7

Kon Yinni Gusunɔn durom mɛ u sun kuɑ kpɑrɑ, kpɑ n nùn tɔmɑ ye u sun kuɑn sɔ̃. Kon win tɔn ɡeerun ɡɑri ɡere te u bɛsɛ Isirelibɑ sɔ̃ɔsi win wɔnwɔndu kɑ win kĩi bɑkɑrun sɑɑbu.

Swĩi 3:32

Bɑɑ ù n derɑ yɛ̃ro u nɔni swɑ̃ɑru wɑ, kɑ mɛ, u nùn kĩ too, domi win wɔnwɔndɑ kpɑ̃.

Mɑɑku 4:12

kpɑ “Bu kɑ mɛɛri bɑ kun wɑ. Bɑ̀ n mɑɑ nuɑ, kpɑ n ku bu yeeri, kpɑ bu ku rɑɑ kɑ ɡɔ̃ru ɡɔsie, Gusunɔ u sere bu suuru kuɑ.”

Efesu 2:11

Yen sɔ̃, i ku duɑri mɑ bɑ bɛɛ mɑrɑwɑ tɔn tukobu. Yerɑ n derɑ be bɑ sokumɔ bɑnɡoɡibu, be bɑ ben tiin wɑsi bɑnɡo kuɑ, bɑ rɑ kɑ bɛɛ soku bɑnɡo sɑriruɡibu.

Sɔ̃ɔsiru 15:15

I yɑɑyo mɑ i rɑɑ yoru di Eɡibitiɔ, mɑ Gusunɔ bɛsɛn Yinni u bɛɛ yɑkiɑ. Yen sɔ̃nɑ nɑ bɛɛ woodɑ yeni wɛ̃ɛmɔ ɡisɔ.

Sɔ̃ɔsiru 29:4

U bɛɛ kpɑrɑ ɡbɑburɔ wɔ̃ɔ weeru mɑ bɛɛn yɑ̃ɑ ni i doke nu ǹ ɡɛ̃ɛkire, bɛɛn bɑrɑnu kun mɑɑ diire nu sere kpe.