Womusu 106:38 - Bibeli Gusunɔn Gari

³⁸ Nɡe mɛyɑ bɑ ɡemɡibun yɛm yɑri. Bɑ kɑ ben bibu Kɑnɑnin bũnu yɑ̃kuru kuɑ. Mɑ tem mɛ kpuro mu disi duurɑ tɔn ɡobe ten sɔ̃.

Womusu 106:38 ပူးပေါင်းရင်းမြစ်များ

Sinɑmbu II 17:17

Kɔ̃sɑ bɑ mɔ̀ Yinni Gusunɔn wuswɑɑɔ. Domi bɑ kɑ ben bibu yɑ̃kunu mɔ̀, bɑ wɔ̃ɔmɔ dɔ̃ɔ sɔɔ. Yen biru bɑ sɔronu mɔ̀. Yenibɑ kpurowɑ yɑ Yinni Gusunɔn mɔru seeyɑ.

Sinɑmbu II 21:16

Mi sɔɔrɑ Mɑnɑse u torɑ teni sosi, u tɑɑrɛ sɑriruɡibun yɛm yɑri sere mu kokɑ Yerusɑlɛmun swɛɛ kpuro sɔɔ, torɑ ni u Yudɑbɑ koosiɑ Yinni Gusunɔn wuswɑɑɔ bɑɑsi, ye u kɑ derɑ bɑ bũnu sɑ̃wɑ.

Sinɑmbu II 24:4

Domi Mɑnɑse wi, u tɑɑrɛ sɑriruɡibun yɛm yɑri mu kokɑ Yerusɑlɛmun swɛɛ sɔɔ. Yeni kpuron sɔ̃nɑ Yinni Gusunɔ u ǹ bu suuru kue.

Esɑi 1:15

Bɑɑ ì n bɛɛn kɑnɑru dɛnyɑsiɑmɔ, nɑ ku rɑ nu swɑɑ dɑki. Ì n nɔmɑ yiiyɑ wɔllɔ i kɑ kɑnɑru ko, nɑ rɑ nɛn wuswɑɑ sĩiyɛwɑ, nɑ kun bɛɛ mɛɛrɑ. Domi bɛɛn nɔmɑ tɔmbun yɛm yibɑ be i ɡo.

Esɑi 24:5

Domi mɛn tɔmbu bɑ mu disi doke, bɑ Yinni Gusunɔn woodɑbɑ kɑ win yiirebu yinɑ. Mɑ bɑ ɑrukɑwɑni nɔru sɑriɡiɑ ye u rɑɑ kɑ bu bɔkuɑ kusiɑ.

Esɑi 26:21

Wee Yinni Gusunɔ u yɑrimɑ win wɑ̃ɑ yerun di u kɑ hɑnduniɑn tɔmbu siri kɔ̃sɑ ye bɑ kuɑn sɔ̃. Tem mu koo tɔn be bɑ ɡon yɛm terɑsiɑ, kpɑ ben ɡonu nu sɔ̃ɔsirɑ.

Yeremi 19:4

Domi bɑ mɑn deri, mɑ bɑ yɑm mi disi doke. Bɑ bũnu turɑre dɔ̃ɔ dokeɑ mi, ni be kɑ ben sikɑdobɑ kɑ ben sinɑmbu bɑ ǹ yɛ̃. Mɑ bɑ tɔn dɑbinu ɡo mi, be bɑ ǹ ɡɑ̃ɑnu kue.

Yeremi 2:34

Wee tɔn be bɑ ǹ toren yɛm mu yibɑ bɛɛn yɑbenɔ be, be i ǹ kɑ ɡɑ̃ɑ kɔ̃sunu ɡɑnu mwɛ.

Esekiɛli 16:20

Adɑmɑ sɑkɑrɑ te, tɑ ǹ nun turɑ. Mɑ ɑ wunɛn bii be ɑ mɑn mɑruɑ mwɛɛrɑ ɑ kɑ bũu ni yɑ̃kuru kuɑ.

Esekiɛli 22:3

A bu sɔ̃ɔwɔ ɑ nɛɛ, nɛ, Yinni Gusunɔwɑ nɑ yeni ɡeruɑ. Wee bɑ tɔmbu ɡoomɔ. Yerɑ yɑ koo de ben wuu Yerusɑlɛmun tii yu kɑm ko. Wee bɑ bwɑ̃ɑrokunu sekumɔ mɑ bɑ ben tem disi doke.

Esekiɛli 7:23

A yɔni sɔɔru koowo domi tem mɛ, mu tɔn ɡowobu yibɑwɑ. Mɛyɑ bɛɛn wuu ɡe, ɡɑ tɔmbu yibɑ be bɑ dɑɑ bɔɔbɔyɑ mɔ.

Sɑ̃ɑrun Woodɑ 18:21

I ku kɑ bɛɛn bii yɑ̃kuru ko bũu wi bɑ mɔ̀ Mɔlɔkun mi. Domi ì n kuɑ mɛ, nɛ, Yinni Gusunɔn yĩsirɑ i sɑnkɑ mi. I n yɛ̃ mɑ nɛnɑ nɑ sɑ̃ɑ Gusunɔ bɛɛn Yinni.

Sɑ̃ɑrun Woodɑ 18:25

Bɑ tem mɛn tii disi doke, mɑ nɑ mu sɛɛyɑsiɑ mɑ mu mɛn tɔmbu yɑrinɑsiɑ.

Gbɑburu 35:33

Bu ku rɑɑ tɔnu ɡo, domi yerɑ yɑ koo ben tem disi doke. N ǹ mɑɑ koorɔ bu mɛ dɛɛrɑsiɑ mɑ n kun mɔ bɑ yɛ̃ro ɡo, wi u tɔnu ɡo mi.

Sɔ̃ɔsiru 21:9

Nɡe mɛyɑ i ko i kɑ torɑru sɑriruɡiin yɛm wunɑ bɛɛ sɔɔn di kpɑ i n mɔ̀ ye yɑ koo Gusunɔ wɛ̃re.