Womusu 105:8 - Bibeli Gusunɔn Gari

⁸ U ku rɑ win ɑrukɑwɑni ye u kɑ tɔmbu bɔkuɑ duɑri sere kɑ bɑɑdommɑɔ. U rɑ n ye yɑɑyewɑ sere kɑ ben bibun bibun wɑɑtiɔ.

Womusu 105:8 ပူးပေါင်းရင်းမြစ်များ

Torubu 17:7

Kon wure n kɑ bɛɛ nɛn ɑrukɑwɑni bɔke, wunɛ kɑ wunɛn bibu kɑ ben bweseru kpuro kpɑ nɑ n sɑ̃ɑ wunɛn Yinni kɑ wunɛn bweserun Yinni sere kɑ bɑɑdommɑɔ.

Torubu 26:3

A ku doonɑ tem minin di. Ko nɑ n wɑ̃ɑ kɑ wunɛ kpɑ n nun domɑru kuɑ. Domi wunɛn bibun bweserɑ kon tem mɛ wɛ̃. Mɛsumɑ kon kɑ nɛn nɔɔ mwɛɛru yibiɑ te nɑ wunɛn tundo Aburɑhɑmu kuɑ.

Bɑndun Gɑri I 16:15

I ɑrukɑwɑni ye yɑɑyo bɑɑdommɑ ye u kɑ Aburɑhɑmu bɔkuɑ kɑ mɑɑ nɔɔ mwɛɛ te u Isɑki kuɑ.

Nɛɛmi 1:5

Yinni, wunɛ wi ɑ wɑ̃ɑ wɔllɔ, ɑ kpɑ̃. A dɑm kpuro mɔ. A rɑ wunɛn ɑrukɑwɑni yibie be bɑ nun mɛm nɔɔwɑmmɛn mi, kpɑ ɑ be bɑ nun kĩ wɔnwɔndu kuɑ.

Womusu 105:42

Domi u win nɔɔ mwɛɛ dɛɛrɑ te yɑɑye te u win sɔm kowo Aburɑhɑmu kuɑ.

Womusu 106:45

A wunɛn ɑrukɑwɑni yɑɑyɑ. Mɑ ɑ ben wɔnwɔndu wɑ wunɛn durom bɑkɑm sɔ̃.

Womusu 111:5

U rɑ be bɑ nùn nɑsie dĩɑnu wɛ̃, kpɑ u win ɑrukɑwɑni yɑɑyɑ.

Womusu 111:9

U derɑ bɑ win tɔmbu yɑkiɑ. Mɑ u kɑ bu ɑrukɑwɑni bɔkuɑ sere kɑ bɑɑdommɑɔ. Win yĩsiru tɑ dɛɛre, tɑ mɑɑ nɑnum mɔ.

Yɑribu 2:24

mɑ u ben weeweenu nuɑ. N deemɑ u ǹ win ɑrukɑwɑni duɑri ye u kɑ ben bɑɑbɑbɑ Aburɑhɑmu kɑ Isɑki kɑ Yɑkɔbu bɔkuɑ.

Yeremi 11:5

Nɡe mɛyɑ kon kɑ nɛn nɔɔ mwɛɛru yibiɑ te nɑ bɛɛn bɑɑbɑbɑ kuɑ nɑ nɛɛ, kon bu tem wɛ̃ mɛ̀ sɔɔ tim kɑ bom mu kokumɔ. Tem mɛyɑ i wɑɑmɔ ɡisɔ. Mɑ Yeremi u Yinni Gusunɔ wisɑ u nɛɛ, ɑmi.

Dɑniɛli 9:4

u win tɔmbun torɑnu tuubɑ mɔ̀. U nɛɛ, Yinni Gusunɔ, ɑ kpɑ̃ mɑ sɑ nun nɑsie. A rɑ wunɛn nɔɔ mwɛɛru yibie kpɑ ɑ wunɛɡibu kĩru sɔ̃ɔsi be bɑ nun kĩ bɑ wunɛn woodɑbɑ mɛm nɔɔwɑmmɛ.

Misee 7:20

Kɑɑ bɛsɛ be sɑ sɑ̃ɑ Aburɑhɑmu kɑ Yɑkɔbun sikɑdominu kĩru kɑ bɔrɔkiniru sɔ̃ɔsi nɡe mɛ ɑ bɛsɛn sikɑdobɑ nɔɔ mwɛɛru kuɑ sɑɑ yellun di.

Sɔ̃ɔsiru 7:12

Ì n woodɑ be swɑɑ dɑki, mɑ i bu mɛm nɔɔwɑ, u ko n ɑrukɑwɑni ye nɛniwɑ mɑm mɑm ye u kɑ bɛsɛn bɑɑbɑbɑ bɔkuɑ kɑ bɔ̃ri.

Sɔ̃ɔsiru 7:8

Adɑmɑ Yinni Gusunɔ u bɛɛ kĩwɑ mɑ u kĩ u win nɔɔ mwɛɛru yibiɑ te u bɛɛn bɑɑbɑbɑ kuɑ. Yen sɔ̃nɑ u bɛɛ yɑrɑmɑ kɑ win dɑm bɑkɑm Eɡibiti sunɔn yorun di.

Sɔ̃ɔsiru 7:9

Yen sɔ̃, i de i n yɛ̃ mɑ Gusunɔ bɛsɛn Yinniwɑ u sɑ̃ɑ Gusunɔ. U rɑ win ɑrukɑwɑni nɛnɛ kɑ be bɑ win woodɑbɑ mɛm nɔɔwɑmmɛ sere kɑ ben bibun bweserun nɔrɔm nɔrɔmwɔ (1.000). Be bɑ nùn kĩ, u ku rɑ bu tɔnu kɑndu kue.

Yosue 21:43

Nɡe mɛsumɑ Yinni Gusunɔ u kɑ Isirelibɑ tem mɛ kpuro wɛ̃ nɡe mɛ u ben sikɑdobɑ nɔɔ mwɛɛru kuɑ. Mɑ bɑ sinɑ mɛ sɔɔ, mu kuɑ beɡim.