Womusu 105:36 - Bibeli Gusunɔn Gari

³⁶ U mɑɑ Eɡibitiɡibun bii ɡbiikobu ɡo, be, be bɑ mɑrɑ ben ɑluwɑɑsiru sɔɔ.

Womusu 105:36 ပူးပေါင်းရင်းမြစ်များ

Torubu 49:3

Rubɛni, wunɛ nɛn bii yerumɑ, ɑ sɑ̃ɑwɑ nɛn dɑm. Wunɑ nɑ mɑrɑ nɛn ɑluwɑɑsiru sɔɔ. Wunɑ ɑ yiiko kɑ dɑm bo nɛn bibu sɔɔ.

Womusu 135:8

U Eɡibitiɡibun bii ɡbiikobu ɡo sere kɑ ben yɑɑ sɑbenun bii ɡbiikinɔ.

Womusu 136:10

Wiyɑ u Eɡibitiɡibun bii ɡbiikobu ɡo. Mɑ u Isirelibɑ yɑrɑ Eɡibitiɡii ben suunu sɔɔn di. Win wɔnwɔndu tɑ ku rɑ kpe.

Womusu 78:51

U Eɡibitiɡibu be, be bɑ sɑ̃ɑ Kɑmun bibun bweserun bii tɔn durɔ ɡbiikoo bɑɑwure ɡo, be, be bɑ sɑ̃ɑ ben ɑluwɑɑsirun bibu.

Yɑribu 12:12

Wɔ̃ku terɑ kon Eɡibitin tem bukiɑnɑ kpɑ n bii tɔn durɔ ɡbiikoo bɑɑwure ɡo, tɔmbun bibu kɑ yɑɑ sɑbenun binu. Mɛyɑ kon kɑ sɔ̃ɔsi mɑ Eɡibitiɡibun bũnu nu ǹ dɑm mɔ. Nɛ, Yinni Gusunɔwɑ kon ye ko.

Yɑribu 4:23

Yen sɔ̃, u de nɛn bii wi, u doonɑ u kɑ mɑn sɑ̃. Ù n mɑɑ yinɑ, kon win bii yerumɑ ɡo.

Heberu 11:28

Kɑ nɑɑnɛ dokebɑ u kɑ Gɔɔ sɑrɑribun tɔ̃ɔ bɑkɑru toruɑ mɑ u derɑ bɑ yɛm yɛ̃kɑ dii kɔnnɔsɔ kpɑ wi u bii yerumɑbɑ ɡoomɔ u ku Isirelibɑɡibu bɑbɑ.