2 I nùn womu kuo. I win sɔm mɑɑmɑɑkiɡinu kpɑro.
A mɑn ben ɑsɑnsi tubusio, kpɑ nɑ n dɑ wunɛn sɔm mɑɑmɑɑkiɡinu bwisiku.
Yinni Gusunɔ, kon wunɛn sɔmɑ yɑɑyɑ. Domi nɑ yɑɑyɑ sɔm mɑɑmɑɑkiɡii ni ɑ kuɑ.
Kon wunɛn sɔmɑ kpuron ɡɑri kpɑrɑ. Kon sɔm mɑɑmɑɑkiɡinun ɡɑri sɑɑri.
I Yinni Gusunɔ wom kpɔɔ kuo, domi u sɔm mɑɑmɑɑkiɡinu kuɑ. Win dɑm sɑɑbu u nɑsɑrɑ wɑ.
I nùn womusu kuo kɑ mɔrɔkunu. I nùn tɔmɔ kɑ ɡɔ̃ɔɡenu.
Bɑɑ siɑ bɛɛn bibu bɑ̀ n dɑ bɛɛ bikiɑ bɑ nɛɛ, mbɑ yenin tubusiɑnu, kpɑ i bu wisi i nɛɛ, tɔ̃ɔ te Yinni Gusunɔ u sun yɑrɑmɑ kɑ win dɑm bɑkɑm Eɡibitin di, mi sɑ rɑɑ yoru di, terɑ sɑ yɑɑyɑmɔ mi.
I de womu si i kɑ Gusunɔ siɑrɑmɔ su n wɑ̃ɑ bɛɛn fɑɑɡi sɔɔ, i n Yinni tɔmɑmɔ kɑ siɑrɑbun womusu bɛɛn ɡɔ̃ruɔ.
I nɔɔwɔ bɛɛ sinɑmbu, i swɑɑ dɑkio bɛɛ tem yɛ̃robu. Nɑ kon Gusunɔ, Isirelibɑn Yinni tɔmɑ kɑ womusu.
