Womusu 104:29 - Bibeli Gusunɔn Gari

²⁹ À n yi biru kisi, yi rɑ nɑndewɑ. À n yi wɛ̃siɑru wunɑri, yi ɡuwɑ mi, kpɑ yi ɡɔsiɑ tem.

Womusu 104:29 ပူးပေါင်းရင်းမြစ်များ

Yoobu 10:9

A yɑɑyo mɑ wunɑ ɑ mɑn mɔmɑ nɡe mɛ bɑ rɑ ɡɑ̃ɑnu mɔm kɑ sɔndu. Yerɑ ɑ kĩ ɑ mɑn kpeerɑsiɑ, n ɡɔsiɑ tuɑ?

Yoobu 13:24

Mbɑn sɔ̃nɑ ɑ mɑn biru kisi, mɑ ɑ mɑn kuɑ nɡe wunɛn yibɛrɛ.

Yoobu 34:29

Gusunɔ ù n nɛɛ, u ǹ ɡoo ɡɑ̃ɑnu kuɑmmɛ, wɑrɑ koo nùn tɑɑrɛ wɛ̃. Ù n tii beruɑ wɑrɑ u koo kpĩ u nùn wɑ.

Womusu 146:4

Ben wɛ̃siɑru tɑ rɑ doonɛwɑ kpɑ bu wurɑ bu ko tem. Yen tɔ̃ɔ te, ben himbɑ kpuro yɑ kɑm kuɑwɑ mi.

Womusu 30:7

Nɑ rɑɑ nɛɛ, nɛn nuku doo bini sɔɔ, nɑ ǹ sokurɑmɔ pɑi.

Womusu 90:3

A rɑ de tɔnu u ɡɔsirɑ tuɑ. A rɑ nùn sɔ̃ ɑ nɛɛ, u ɡɔsiro min di, u we.

Wɑɑsu kowo 12:7

kpɑ tɔnun tii u wurɑ temɔ mìn di u yɑrɑ kpɑ win hunde yu wurɑ Gusunɔ wi u rɑɑ nùn ye wɛ̃n mi.

Gɔrobun Kookoosu 17:25

Tɔmbun nɔmɑ kun kpɛ̃ yu nùn nɔɔri, domi u ǹ ɡɑ̃ɑnu ɡɑnun bukɑtɑ mɔ. Win tii tiiwɑ u yɑbu bɑɑyere wɑ̃ɑru kɑ wɛ̃siɑru kɑ bukɑtɑ kpuro wɛ̃ɛmɔ.

Sɔ̃ɔsiru 31:17

Yen tɔ̃ɔ te, kon kɑ bu mɔru ko kpɑ n bu biru kisi n bu deri. Bɑ koo kɑm kowɑ. Wɑhɑlɑ kɑ nɔni swɑ̃ɑ dɑbinu koo bu deemɑ. Sɑɑ ye sɔɔrɑ bɑ koo tii sɔ̃ bu nɛɛ, nɛ, Gusunɔ ben Yinni nɑ ǹ wɑ̃ɑ ben suunu sɔɔ, yen sɔ̃nɑ wɑhɑlɑ yeni yɑ bu deemɑmɔ.