Womusu 104:24 - Bibeli Gusunɔn Gari

²⁴ Yinni Gusunɔ, wunɛn sɔmɑ yɑ dɑbi. A ye kpuro kuɑ kɑ lɑɑkɑri. Wunɛn tɑkɑ koorɑ yɑ wɑ̃ɑ tem sɔɔ kpuro.

Womusu 104:24 ပူးပေါင်းရင်းမြစ်များ

Torubu 1:31

Yerɑ u mɛɛrɑ kpuro ye u kuɑ, mɑ n nùn wɛ̃re ɡem ɡem. Sɑɑ ye u yebɑ mɔ̀, sɔ̃ɔ sɔɔ kɑ wɔ̃kuru n swĩinɑ mɑ n kuɑ tɔ̃ru nɔɔbɑ tiɑse.

Nɛɛmi 9:6

Mɑ Isirelibɑ bɑ kɑnɑ teni kuɑ bɑ nɛɛ, Yinni, wunɛ turowɑ ɑ sɑ̃ɑ Gusunɔ. Wunɑ ɑ wɔllu kuɑ tɑ kpɑ̃. Wunɑ ɑ mɑɑ kperi kuɑ too. Wunɑ ɑ tem tɑkɑ kuɑ kɑ ye yɑ wɑ̃ɑ mɛ sɔɔ. Wunɑ ɑ nim wɔ̃ku kuɑ kɑ ye yɑ wɑ̃ɑ ɡe sɔɔ. Wunɑ ɑ hunde koni kpuro wɑ̃ɑru wɛ̃. Mɑ kperi kɑ suru kɑ sɔ̃ɔ, ye kpuro yɑ nun bɛɛrɛ wɛ̃ɛmɔ.

Yoobu 5:9

U rɑ ɡɑ̃ɑ bɑkɑnu kowɑ ni tɔnu kun kpɛ̃ u ɡiɑ. U rɑ mɑɑmɑɑki dɑbinu ko.

Womusu 107:24

bɑ Yinni Gusunɔn nɔmɑn sɔmɑ wɑ kɑ mɑɑ mɑɑmɑɑki ye u kuɑ nim wɔ̃ku sɔɔ.

Womusu 107:31

Bu Yinni Gusunɔ siɑro win tɔn ɡeeru kɑ win sɔm mɑɑmɑɑkiɡinun sɔ̃ ni u rɑ ko tɔnun sɔ̃.

Womusu 136:5

Wiyɑ u wɔllu kɑ tem tɑkɑ kuɑ kɑ win bwisi. Win wɔnwɔndu tɑ ku rɑ kpe.

Womusu 148:7

Sɑɑ tem sɔɔn di, i Yinni Gusunɔ siɑro. Bɛɛ nim wɔ̃ku kɑ nim bwee bɑkɑnu kɑ yɛɛ nɑnumɡii yi yi wɑ̃ɑ sɔɔ, i Yinni Gusunɔ siɑro.

Womusu 24:1

Dɑfidin womu. Yinni Gusunɔ, wunɑ ɑ tem mɔ kɑ ye yɑ wɑ̃ɑ mɛ sɔɔ. Wunɑ ɑ hɑnduniɑ mɔ kɑ yen hunde konibɑ kpuro.

Womusu 40:5

Doo nɔɔruɡiiwɑ wi u Yinni Gusunɔ nɑɑnɛ sɑ̃ɑ, wi u ku rɑ ɡɛre u tii suobu kɑ wee kowobu swĩi.

Womusu 65:11

A rɑ ɡberun kpĩin tem kusɑnu kɔsuku kpɑ ɑ nu nim yɛ̃kɑ. A rɑ mɑɑ de ɡurɑ yu nu dwiiyɑsiɑ mɑm mɑm, kpɑ ɑ ye bɑ duurɑ mi domɑru kuɑ yu kɑ kpi.

Womusu 8:3

Bɑɑ bii piiminu kɑ bii wɛ̃ɛnu nu nun siɑrɑmɔ kɑ womusu. Nin womu si, su kuɑ nɡe ɡbɑ̃rɑru. Tɑ wunɛn yibɛrɛbɑ ɡɑnuɑ, ɑ kɑ be bɑ nun seesimɔ kɑmiɑ, ɑ kɑ be bɑ mɔru kɔsiɑmɔ kɑmiɑ.

Womusu 92:6

Yinni Gusunɔ, wunɛn sɔmɑ ye ɑ kuɑ yɑ kpɑ̃. Wunɛn bwisikunu nu duku.

Yeremi 10:12

Yinni Gusunɔwɑ u tem tɑkɑ kuɑ kɑ win dɑm, kɑ win yɛ̃ru, mɑ u wɔllu tɛriɑ kɑ win bwisi.

Romu 11:33

Annɑ ɑ Gusunɔn dukiɑ kɑ win bwisi kɑ win yɛ̃run dukum wɑ! Goo kun kpɛ̃ u win himbɑ tubu. Goo kun mɑɑ kpɛ̃ u win swɛɛ ɡiɑ.

Efesu 1:8

mɛ u sun kuɑ n bɑndɑ ye u sun bwisi bɛkɛ kɑ lɑɑkɑri yɑbuɑ.

Efesu 3:10

kpɑ wɔllun wiruɡibu kɑ yiikoɡibu bu kɑ win bwisin ɑsɑnsi ɡiɑ sɑɑ Yesun yiɡbɛrun di sɑɑ yeni sɔɔ.

Timɔte I 6:17

A tem mɛn ɑrumɑniɡibun lɑɑkɑri seeyo bu ku woo kɑnɑ bu ku rɑɑ mɑɑ ben yĩiyɔbu yi dukiɑ ye yɑ koo kpe sɔɔ. Adɑmɑ bu bu yiiyo Gusunɔ sɔɔ wi u sun kpuro wɛ̃ɛmɔ kɑ nuku tiɑ bɛsɛn nuku dobun sɔ̃.