Womusu 104:2 - Bibeli Gusunɔn Gari

² A rɑ tii yɑm bururɑm wukiri nɡe bekuru. A rɑ wɔllu tɛrie nɡe beku bɑkɑru.

Womusu 104:2 ပူးပေါင်းရင်းမြစ်များ

Yoobu 36:30

Yoobu, ɑ yɛ̃ mɑ Gusunɔwɑ u ɡuru mɑɑkinu kuɑ nu kɑ nùn sikerenɛ. Mɑ yɑm wɔ̃kurɑ wɑ̃ɑ nim wɔ̃kun sɔɔwɔ.

Yoobu 9:8

Wi turowɑ u wɔllu tɛriɑ. Mɑ u sĩimɔ nim kurenun wɔllɔ.

Esɑi 40:22

Gusunɔwɑ u ɡu swĩi, wi, wi u wɑ̃ɑ wɔllɔ u tɔmbu mɛɛrɑ bɑ sɑ̃ɑ nɡe twee. U wɔllu tɛriɑ nɡe beku te tɑ ǹ bunu. U tu dɛmiɑ nɡe kuu bekuruɡiru u kɑ win wɑ̃ɑ yeru kuɑ.

Esɑi 45:12

Nɛnɑ nɑ tem kuɑ mɑ nɑ tɔnu tɑkɑ kuɑ u n kɑ wɑ̃ɑ mɛ sɔɔ. Nɛn nɔmuwɑ ɡɑ mɑɑ wɔllu tɛriɑ, mɑ nɑ sɔ̃ɔ kɑ suru kɑ kperi yi yi mi.

Dɑniɛli 7:9

Ye nɑ mɛɛrɑ tii, yerɑ nɑ wɑ bɑ sinɑ kitɑru yiimɔ. Mɑ nɑ ɡoo wɑ nɡe durɔ tɔkɔ u nɑ u sinɑ win sinɑ kitɑru sɔɔ. Yɑ̃ɑ kpikinu fɑrɑ fɑrɑwɑ u doke. Mɑ win seri yi buriri fem fem. Win sinɑ kitɑ te, tɑ bɑllimɔwɑ nɡe dɔ̃ɔ yɑri bɑkɑru. Mɛyɑ mɑɑ ten nɑɑsun tii.

Hɑbɑkuku 3:4

A nɑ, mɑ yɑm mu bururɑ. Sɔ̃ɔ yɑ̃nɑ yɑrɑ wunɛn nɔmɑn di, mi wunɛn dɑm mu wɑ̃ɑ.

Sɑkɑri 12:1

Gɑri yi Yinni Gusunɔ u ɡeruɑ Isirelibɑn sɔ̃ wee. Wi, wi u wɔllu kɑ tem mɔmɑ, mɑ u mɑɑ tɔnu hunde dokeɑ

Mɑteu 17:2

Win wɑsi ɡɔsiɑ tuki ben nɔni sɔɔ, mɑ win wuswɑɑ bɑllimɔ nɡe sɔ̃ɔ, win yɑ̃nu mɑɑ bururɑ fem fem nɡe suru.

Timɔte I 6:16

Wi turowɑ sɑ̃ɑ wi u kun ɡbimɔ. U wɑ̃ɑ yɑm bururɑm sɔɔ mɛ ɡoo kun kpɛ̃ u susi. Goo kun nùn wɑɑre, ɡoo u ǹ kpɛ̃ u mɑm nùn wɑ. Wiɡiɑ bɛɛrɛ kɑ sinɑru te tɑ ku rɑ kpe. Ami.

Yohɑnu I 1:5

Lɑbɑɑri wee ye sɑ nuɑ sɑɑ Yesu Kirisi win min di, mɑ sɑ bɛɛ ye nɔɔsiɑmɔ. Gusunɔ sɑ̃ɑwɑ yɑm bururɑm, yɑm wɔ̃kuru sɑri win mi.