Womusu 103:7 - Bibeli Gusunɔn Gari

⁷ U Mɔwisi win woodɑbɑ sɔ̃ɔsi. Mɑ u Isirelibɑ win sɔm mɑɑmɑɑkiɡinu sɔ̃ɔsi.

Womusu 103:7 ပူးပေါင်းရင်းမြစ်များ

Nɛɛmi 9:14

A derɑ wunɛn sɔm kowo Mɔwisi u bu tɔ̃ɔ wɛ̃rɑruɡiru wɛ̃ te tɑ sɑ̃ɑ nɛnɛm wunɛn sɔ̃. Mɑ ɑ derɑ u bu woodɑ ye yɑ tie sɔ̃ɔsi.

Womusu 111:6

U win tɔmbu win sɔm mɑɑmɑɑkiɡinun dɑm sɔ̃ɔsi ni u kɑ bu tɔn tukobun tem wɛ̃.

Womusu 147:19

U win ɡɑri kɑ win woodɑbɑ kɑ win ɡere Yɑkɔbu wi bɑ mɔ̀ Isireli sɔ̃ɔwɑ.

Womusu 77:20

A sĩɑ nim wɔ̃kun wɔllɔ kɑ mɑɑ mɛn sɔɔwɔ. Adɑmɑ ɡoo kun wunɛn yirɑ wɑ.

Womusu 78:11

Tɑ win sɔm mɑɑmɑɑkiɡii ni duɑri ni u tu sɔ̃ɔsi.

Womusu 78:5

U bɛsɛ Isirelibɑ, Yɑkɔbun bweseru woodɑ wɛ̃. Woodɑ yerɑ u bɛsɛn bɑɑbɑbɑ wɛ̃ bu kɑ ye ben bibu sɔ̃ɔsi.

Womusu 99:7

U kɑ bu ɡɑri kuɑ sɑɑ ɡuru wii wurorun di. Mɑ bɑ win woodɑbɑ mɛm nɔɔwɑ ye u bu wɛ̃.

Yɑribu 19:20

Nɡe mɛyɑ Yinni Gusunɔ u kɑ sɑrɑmɑ ɡuu ten wɔllɔ, mɑ u Mɔwisi sokɑ. Yerɑ Mɔwisi u yɔɔwɑ u dɑ mi.

Yɑribu 19:8

Mɑ tɔn be kpuro bɑ wurɑ bɑ nɛɛ, ye Yinni Gusunɔ u ɡeruɑ kpuro, yeyɑ sɑ ko ko. Mɑ Mɔwisi u mɑɑ kɑ tɔn ben ɡere wurɑ Yinni Gusunɔn mi.

Yɑribu 20:21

Mɑ tɔn be, bɑ yɔ̃ n dɛsire sɑɑ ye Mɔwisi u ɡuru wii sinumɡii te susi mi Gusunɔ u wɑ̃ɑ.

Yɑribu 33:13

Ǹ n mɛn nɑ, tɛ̃, ɑ mɑn wunɛn himbɑ sɔ̃ɔsio kpɑ n nun ɡiɑ, kpɑ n kpɑm wunɛn durom wɑ. A yɑɑyo mɑ tɔn be, bɑ sɑ̃ɑwɑ wunɛn tɔn be ɑ ɡɔsɑ.

Gbɑburu 12:7

Adɑmɑ n ǹ mɛ nɑ rɑ kɑ Mɔwisi nɛn sɔm kowo ɡɑri ko. Domi u sɑ̃ɑwɑ nɑɑnɛɡii nɛn tɔmbu sɔɔ.

Sɔ̃ɔsiru 34:10

Isirelibɑ sɔɔ, Gusunɔn sɔmɔ ɡoo kun mɑɑ yĩsiru yɑrire nɡe Mɔwisi. Domi Yinni Gusunɔ u rɑ kɑ nùn ɡɑri kowɑ nɔɔ kɑ nɔɔ.