Womusu 103:4 - Bibeli Gusunɔn Gari

⁴ U rɑ mɑn yɑre sɑɑ siki wɔrun di. U rɑ mɑn durom kɑ wɔnwɔndu kue.

Womusu 103:4 ပူးပေါင်းရင်းမြစ်များ

Torubu 48:16

Win ɡɔrɑdo u mɑɑ mɑn wɔrɑ kɔ̃sɑ kpuron di. Gusunɔ wiyɑ u koo wunɛn bii beni domɑru kuɑ. Nɛn yĩsiru kɑ nɛn bɑɑbɑbɑ Aburɑhɑmu kɑ Isɑkin yĩsinɑ bɑ koo kɑ bu soku, kpɑ bu mɑrurɑ bu dɑbiɑ.

Womusu 21:3

Domi ɑ nùn wɛ̃ ye win ɡɔ̃ru ɡɑ kĩ. A ǹ nùn yinɑri ye u nun bikiɑ.

Womusu 34:22

Adɑmɑ kɔ̃sɑ yɑ̀ n tɔn kɔ̃so deemɑ, yɑ rɑ nùn ɡowɑ. Mɛyɑ u rɑ mɑɑ ɡemɡiin yibɛrɛbɑ sɛɛyɑsie.

Womusu 5:12

Be bɑ sɑ̃ɑ wunɛɡibu, kɑɑ de bu nuku dobu wɑ. Kɑɑ de bu kɑtinu kɑrɑ. Kɑɑ de bu yɛ̃ɛri. Kɑɑ bu kɔ̃su. Kɑɑ bu domɑru kuɑ. Kɑɑ bu ɡɑnɛ nɡe tɛrɛru wunɛn kĩrun sɑɑbu, domi bɑ nun kĩ, mɑ bɑ nun mɛm nɔɔwɑmmɛ.

Womusu 56:13

Gusunɔ, kon nɛn nɔɔ mwɛɛru yibiɑ te nɑ nun kuɑ. Kon yɑ̃kunu ko n kɑ nun siɑrɑ.

Womusu 65:11

A rɑ ɡberun kpĩin tem kusɑnu kɔsuku kpɑ ɑ nu nim yɛ̃kɑ. A rɑ mɑɑ de ɡurɑ yu nu dwiiyɑsiɑ mɑm mɑm, kpɑ ɑ ye bɑ duurɑ mi domɑru kuɑ yu kɑ kpi.

Womusu 71:23

Nɑ̀ n nun siɑrɑmɔ, bɑ koo nɛn nuku dobu wɑ nɛn wuswɑɑn di. Mɛyɑ mɑɑ nɛn hunde ye ɑ wɔrɑ yɑ koo nun tɑkɑru ko.

Womusu 8:5

Mɑ nɑ bwisikɑ nɑ nɛɛ, mbɑ tɔnu u sɑ̃ɑ ɑ n sere kɑ nùn yɑɑye, wɑrɑ rɑ n tɔnu ɑ n sere kɑ nùn nɔɔrimɔ.

Esɑi 38:17

Wee, nɛn wɑhɑlɑ yɑ ɡɔsirɑ bɔri yɛndu, ɑ wurɑ ɑ mɑn yɑrɑ siki wɔrun di wunɛn kĩrun sɔ̃. Domi ɑ nɛn durum kpuro wɔkɑ ɑ kɔ̃ wunɛn biruɔ.

Esɑi 54:8

Nɑ rɑɑ kɑ nun mɔru kuɑ too sɑɑ fiiko, nɑ nun nɛn wuswɑɑ sĩiyɑri, ɑdɑmɑ tɛ̃, nɑ wunɛn wɔnwɔndu mɔ nɛn kĩi te tɑ ku rɑ kpen sɔ̃. Nɛ wi nɑ nun yɑkiɑmɔ, nɛnɑ nɑ yeni ɡeruɑ.

Yɑkɔbu 1:12

Doo nɔɔruɡiiwɑ wi u lɑɑkɑri mɛɛribun sɑɑ sɔɔ tɛmɑnɑ. Domi win lɑɑkɑri mɛɛribun biru u koo wɑ̃ɑru wɑ tèn nɔɔ mwɛɛru Yinni bu kuɑ be bɑ nùn kĩ.

Piɛɛ I 5:4

Mɑ sɑnɑm mɛ kpɑrobun wiruɡii koo kurɑmɑ, i ko ɑre yiikoɡii mwɑ yìn burɑm kun kpeemɔ.

Kɑ̃siru 5:9

Mɑ bɑ wom kpɔɔ kuɑ bɑ mɔ̀, wunɑ ɑ yiiko mɔ ɑ kɑ tire kure te mwɑ kpɑ ɑ yĩre ni kusiɑ. Domi bɑ rɑɑ kɑ nun yɑ̃kuru kuɑ. Mɑ ɑ Gusunɔn tɔmbu yɑkiɑ kɑ wunɛn yɛm sɑɑ bweseru bɑɑtere kɑ bɑrum bɑɑmɛre kɑ tɔmbu kpuro kɑ tem bɑɑmɛren min di.