Womusu 103:3 - Bibeli Gusunɔn Gari

³ U rɑ mɑn nɛn torɑnu kpuro suuru kue. U rɑ nɛn bɑrɑnu kpuro kpeesie.

Womusu 103:3 ပူးပေါင်းရင်းမြစ်များ

Sɑmuɛli II 12:13

Mɑ Dɑfidi u Nɑtɑni sɔ̃ɔwɑ u nɛɛ, nɛn torɑ te, tɑ kpɑ̃ te nɑ Yinni Gusunɔ kuɑ. Nɑtɑni u nùn wisɑ u nɛɛ, Yinni Gusunɔ u mɑɑ nun wunɛn durum suuru kuɑ. A ǹ mɑɑ ɡbimɔ.

Womusu 130:4

Wunɑ ɑ rɑ tɔmbu suuru kue bu kɑ nun nɑsiɑ.

Womusu 130:8

Wiyɑ u koo bɛɛ Isirelibɑ yɑkiɑ, kpɑ u bɛɛn torɑnu kpuro suuru ko.

Womusu 147:3

U be bɑ nuki sɑnkire nukuru yɛmiɑsiɑmɔ. U ben mɛɛrɑn bosu bɔkumɔ.

Womusu 30:2

Yinni Gusunɔ, kon wunɛn kpɑ̃ɑru kpɑrɑ. Domi ɑ mɑn yɑrɑ sɑɑ wɔrun di. A ǹ mɑɑ dere nɛn yibɛrɛbɑ bu mɑn yɛ̃ɛ.

Womusu 41:8

Nɛn yibɛrɛbɑ kpuro bɑ ɡunnu ɡunnu ɡɑri mɔ̀. Bɑ mɑn kɔ̃sɑ bwisikusimɔ.

Womusu 86:5

Yinni, ɑ sɑ̃ɑwɑ tɔn ɡeo, ɑ rɑ mɑɑ tɔmbu ben durum wɔke. A rɑ be bɑ nun soku kpuro kĩru sɔ̃ɔsi tɑ n kpɑ̃.

Yɑribu 15:26

U nɛɛ, ì n nɛ Gusunɔ bɛɛn Yinnin ɡere nuɑ sɑ̃ɑ sɑ̃ɑ, mɑ i mɔ̀ ye n mɑn wɛ̃re mɑ i nɛn woodɑbɑ mɛm nɔɔwɑ, nɑ ǹ kɑ bɛɛ bɑrɑ ni sɛɛyɑsiɑmɔ ni nɑ Eɡibitiɡibu kpɛ̃ɛ. Nɛnɑ Yinni Gusunɔ nɛ wi nɑ rɑ n bɛɛ bɛkiɑmɔ.

Yɑribu 34:7

Nɑ rɑ tɔmbu nɛn kĩru sɔ̃ɔsi sere kɑ bɑɑdommɑɔ. Nɑ rɑ tɔn be bɑ kɔ̃sɑ kuɑ bu ben durum suuru kue, ɑdɑmɑ nɑ ku rɑ tɑɑrɛɡii ɡɑrisi dɛɛro. Nɑ rɑ bɑɑbɑbɑn durum mɔɔru mwɛ ben bibun mi sere kɑ ben sikɑdominun bibɔ.

Esɑi 33:24

Goo kun mɑɑ ɡerumɔ u nɛɛ, u bɑrɔwɑ. Yinni Gusunɔ u koo Yerusɑlɛmuɡibu ben durum wɔkɑ.

Esɑi 38:17

Wee, nɛn wɑhɑlɑ yɑ ɡɔsirɑ bɔri yɛndu, ɑ wurɑ ɑ mɑn yɑrɑ siki wɔrun di wunɛn kĩrun sɔ̃. Domi ɑ nɛn durum kpuro wɔkɑ ɑ kɔ̃ wunɛn biruɔ.

Esɑi 43:25

Kɑ mɛ, nɛnɑ nɑ bɛɛn durum wɔkɑmɔ yèn sɔ̃ nɑ sɑ̃ɑ Gusunɔ. Nɑ ǹ mɑɑ ye yɑɑyɑmɔ.

Esɑi 53:5

Bɛsɛn durum sɔ̃nɑ bɑ nùn sɔkɑ bɑ yɑbɑ. Bɛsɛn torɑnun sɔ̃nɑ bɑ win wɑsi kɔsiki. Wɑhɑlɑ ye yɑ nùn wɔri mi, yɑ kɑ sun ɑlɑfiɑ nɑɑwɑ. Sɑ bɛkurɑwɑ win mɛɛrɑ yen sɑɑbu.

Yeremi 17:14

Yinni Gusunɔ, ɑ mɑn bɛkio, kpɑ n wɑ n bɛkurɑ mɑm mɑm. A mɑn fɑɑbɑ koowo kpɑ n fɑɑbɑ wɑ. Domi wunɛ turowɑ nɑ rɑ n siɑrɑmɔ.

Gbɑburu 12:13

Yerɑ Mɔwisi u Yinni Gusunɔ nɔɔɡiru sue u nɛɛ, ɑ nùn bɛkio.

Mɑɑku 2:5

Ye Yesu u durɔ ben nɑɑnɛ dokebu wɑ bi bɑ mɔ wi sɔɔ, u bɑrɔ wi sɔ̃ɔwɑ u nɛɛ, bii durɔbu, ɑ wunɛn durum suuru wɑ.

Efesu 1:7

Domi Kirisin yɛm sɑɑbuwɑ sɑ yɑkiɑrɑ mɑ bɑ sun bɛsɛn durum suuru kuɑ. Nɡe mɛyɑ Gusunɔ u sun win durom bɑkɑm sɔ̃ɔsi,

Yɑkɔbu 5:15

Kɑnɑ nɑɑnɛɡii te, tɑ koo bɑrɔ wi fɑɑbɑ ko. Yinni Gusunɔ u koo nùn bwɑ̃ɑ dobu wɛ̃. Ù n dɑɑ mɑɑ torɑ, bɑ koo nùn suuru kuɑ.