Womusu 10:14 - Bibeli Gusunɔn Gari

¹⁴ Yinni Gusunɔ, ɑ rɑ n yɛ̃ nɔni swɑ̃ɑ te tɔmbɑ mɔ hɑnduniɑ sɔɔ. A rɑ bu somi. A rɑ mɑɑ ɡobekubɑ nɔɔri. Yen sɔ̃nɑ bɑ rɑ nun tii wɛ̃.

Womusu 10:14 ပူးပေါင်းရင်းမြစ်များ

Torubu 21:17

Gusunɔ u bii win nɔɔ nuɑ mɑ win ɡɔrɑdo u Aɡɑɑ sokɑ wɔllun di u nɛɛ, mbɑ n nun mɔ̀, Aɡɑɑ. A ku nɑndɑ, domi Gusunɔ u bii win nɔɔ nuɑ mi u wɑ̃ɑ.

Torubu 31:12

Mɑ u nɛɛ, wiyɑ Gusunɔ, wi, wi u mɑn kure Betɛliɔ mi nɑ kperu ɡirɑ nɑ ɡum wisi tɑ n kɑ sɑ̃ɑ yĩreru. Miyɑ nɑ mɑɑ nùn nɔɔ mwɛɛru kuɑ. Tɛ̃, n nɔni seeyo kpɑ n wɑ mɑ sɑbe nin dwɑnu kpuro bɑusu mɔwɑ. Domi u wɑ ye Lɑbɑni u mɑn kuɑ. Kpɑ n se tem minin di n wurɑ tem mi bɑ mɑn mɑrɑ.

Sɑmuɛli II 16:12

Sɔrɔkudo Yinni Gusunɔ u koo nɛn wɔnwɔndu wɑ kpɑ u kɔ̃sɑ ye ɡɔsiɑ ɡeɑ.

Bɑndun Gɑri II 24:22

Sinɑ boko Yoɑsi u duɑri ɡeɑ ye Sɑkɑrin tundo Yehoyɑdɑ u nùn kuɑ. Ye Sɑkɑri u ɡɔɔ dɔɔ, yerɑ u nɛɛ, Yinni Gusunɔ, ɑ wɑɑwo kpɑ ɑ bɑɑwure siriɑ.

Bɑndun Gɑri II 6:23

nɑ nun kɑnɑmɔ ɑ yɛ̃ro swɑɑ dɑkio wɔllun di kpɑ ɑ bu siriɑ. A tɔn kɔ̃so nùn win kɔ̃sɑ kɔsieyo, kpɑ ɑ mɑɑ ɡemɡii nùn win ɡem wɛ̃.

Womusu 146:9

U rɑ sɔbu kɔ̃su. U rɑ mɑɑ ɡɔminibu kɑ ɡobekubɑ nɔɔri. Kpɑ u tɔn kɔ̃sobun himbɑ kɑm koosiɑ.

Womusu 22:11

Wunɑ ɑ mɑn kɔ̃su sɑɑ mìn di bɑ mɑn mɑrɑ. Wunɑ ɑ sɑ̃ɑ nɛn Yinni sɑɑ nɛn mɛron nukurun di.

Womusu 31:8

Ko nɑ n wɑ̃ɑwɑ nuku dobu sɔɔ wunɛn durom sɑɑbu, domi ɑ nɛn nɔni swɑ̃ɑru yɛ̃. Mɛyɑ ɑ mɑɑ yɛ̃ nɡe mɛ nɑ nuki sɑnkire.

Womusu 35:22

Yinni Gusunɔ, wunɑ ɑ ye kpuro wɑɑmɔ. Yen sɔ̃, ɑ ku nɔɔ mɑri, ɑ ku mɑɑ kɑ mɑn tondɑ.

Womusu 55:22

Gɑri doriyɑ yi rɑ n wɑ̃ɑ tɔn kɔ̃so win nɔɔwɔ. Adɑmɑ tɑbun ɡɑriyɑ yi rɑ n wɑ̃ɑ win nukurɔ. Mɛyɑ mɑɑ win ɡɑri yi rɑ n kokumɔwɑ nɡe ɡum yɑrum. Adɑmɑ yi rɑ n sɑ̃ɑwɑ nɡe tɑkobibɑ.

Womusu 68:5

I Gusunɔn yĩsiru wɔlle suo kɑ womusu. I nùn swɑɑ kuo, u ɡbɑburu mɔ̀, u ɡuru winu sɔni u wee. Win yĩsirɑ Yinni Gusunɔ. I nuku dobu koowo win wuswɑɑɔ.

Womusu 68:6

Yinni Gusunɔ, wunɑ ɑ sɑ̃ɑ ɡobekubɑn bɑɑbɑ kɑ ɡɔminibun kɔ̃so. A wɑ̃ɑ wunɛn wɑ̃ɑ yee dɛɛrɑrɔ.

Yɑribu 2:25

Yerɑ u bu mɛɛrimɑ u ben wɔnwɔndu wɑ.

Yɑribu 22:22

Wi u bu nɔni sɔ̃ɔmɔ mɑ bɑ mɑn somiru kɑnɑ, kɑ ɡeemɑ nɑ bɛɛ sɔ̃ɔmɔ, kon bu somi.

Yɑribu 22:26

Domi beku tee terɑ u mɔ mi, u kɑ win wɑsi wukiri. Yen sɔ̃, ɑ̀ n tu nɛni mbɑ u koo wukiri wɔ̃kuru. Sɑnɑm mɛ sɔɔ, ù n mɑn wuri koosimɑ, kon nùn wɔnwɔndu kuɑ, n nùn swɑɑ dɑki.

Mɔnnu 15:25

Yinni Gusunɔ u rɑ tii suon diru surewɑ, ɑdɑmɑ u ku rɑ de bu ɡɔminin tem kɔɔrɔ mure.

Mɔnnu 15:3

Yinni Gusunɔn nɔni wɑ̃ɑwɑ yɑm kpuro. Yi tɔn kɔ̃sobu kɑ ɡemɡibu mɛɛrɑ.

Esɑi 10:3

Sɑnɑm mɛ Yinni Gusunɔ u koo bɛɛ sɛɛyɑsiɑ, mbɑ i ko i ko. Sɑnɑm mɛ kɑm kobu bu koo bɛɛ wɔri sɑɑ tontonden di, mbɑ i ko i ko. Weren miyɑ i ko i duki dɑ i kɑ fɑɑbɑ wɑ. Mɑ ɡiɑ i ko i bɛɛn ɑrumɑni bere.

Yeremi 16:17

Domi nɛn nɔni yi ben sɑnu sɑnusu mɛɛrɑ, sin ɡɑsu kun beruɑ nɛn nɔni sɔɔ. Mɛyɑ nɑ mɑɑ ben torɑnu kpuro wɑɑmɔ.

Yeremi 23:24

Goo u koo kpĩ u kuke nɑ kun nùn wɑ? Nɑ wɑ̃ɑwɑ yɑm kpuro, wɔllɔ kɑ temɔ.

Yeremi 49:11

Bɑɑ bɑ̀ n ben bibu deri bɑ kuɑ ɡobekubɑ, nɛnɑ kon de bɑ n wɑ̃ɑ, kpɑ ben ɡɔminibu bu mɑn nɑɑnɛ ko.

Yeremi 51:56

Bɑ wee bu Bɑbiloniɡii be wɔri, kpɑ bu ben tɑbu kowo dɑmɡibu mwɛɛri bu ben tɛnnu bɔɔku. Domi Gusunɔ u sɑ̃ɑwɑ Yinni wi u rɑ bɑɑwure kɔsie ye u kuɑ.

Swĩi 3:59

A wɑ kɔ̃sɑ ye bɑ mɑn kuɑ, ɑ mɑn sirio.

Swĩi 3:60

A wɑ mɔru ye bɑ mɑn kɔsiemɔ kɑ nɔɔ tiɑ ye bɑ mɔ̀ bu kɑ mɑn seesi.

Osee 14:3

Bu wurɑmɑ win mi bu kɑnɑ teni ko te tɑ nɛɛ, Yinni Gusunɔ, ɑ sun bɛsɛn torɑnu kpuro suuru kuo. Kpɑ ɑ sun mɛɛri kɑ nɔnu ɡeu. Ye sɑ ko kɑ nun yɑ̃kuru kuɑ, sɑ ko nun siɑrɑ.

Osee 14:4

Asiriɡii wi, u ǹ kpɛ̃ u sun fɑɑbɑ ko. Sɑ mɑɑ yɛ̃ mɑ dumi kun sun fɑɑbɑ mɔ̀ tɑbu sɔɔ. Sɑ ǹ mɑɑ bwɑ̃ɑroku ni sɑ tii kuɑ sokumɔ bɛsɛn yinnibu pɑi. Domi wunɑ ɑ rɑ ɡobekubɑ wɔnwɔndu kue.

Yoɛli 3:4

Sɔ̃ɔ u koo yɑm tĩrɑ, kpɑ suru u swɛ̃rɑ nɡe yɛm, Yinni Gusunɔn tɔ̃ɔ nɑnumɡii te, tu sere tunumɑ.

Hɑbɑkuku 1:13

Adɑmɑ ɑ ǹ kpɛ̃ ɑ yɔ̃rɑ ɑ n kɔ̃sɑ mɛɛrɑ, domi ɑ dɛɛre too. Ǹ n mɛn nɑ, mbɑn sɔ̃nɑ ɑ mɛɛrɑ ye tɔn kɔ̃sobɑ mɔ̀, mɑ ɑ ǹ ɡɑ̃ɑnu ɡerumɔ. Mbɑn sɔ̃nɑ ɑ mɑɑri tɔn kɔ̃sobu bɑ ɡemɡibu ɡoomɔ.

Sɔ̃ɔsiru 10:18

U rɑ ɡobekubɑ kɑ ɡɔminibu ben ɡem wɛ̃, kpɑ u sɔbu kĩru sɔ̃ɔsi u bu dĩɑnu kɑ yɑ̃nu wɛ̃.

Timɔte II 1:12

Yen sɑɑbun sɔ̃nɑ nɑ nɔni swɑ̃ɑ teni wɑɑmɔ. Adɑmɑ sekurɑ kun mɑn mɔ̀, domi nɑ yɛ̃ wi nɑ nɑɑnɛ doke, nɑ mɑɑ yɛ̃ kɑm kɑm u koo kpĩ u ye u mɑn kereɑ kɔ̃su sere tɔ̃ɔ te, tu kɑ turi.

Heberu 4:13

Gɑ̃ɑnu sɑri ni nu Gusunɔ berue win tɑkɑ koorɑ sɔɔ. Kpuro yɑ wukiɑrewɑ yɑ yii win wuswɑɑɔ. Wiyɑ bɛsɛ kpuro sɑ ko mɑɑ bɛsɛn wɑ̃ɑru tusiɑ.

Piɛɛ I 4:19

Nɡe mɛyɑ, be Gusunɔ u derɑ bɑ nɔni swɑ̃ɑru wɑɑmɔ, bɑ n dɑ ɡeɑ ko, kpɑ bu kɑ ben Tɑkɑ kowo wi u nɑɑnɛ mɔ yɔ̃rɑ.

Piɛɛ I 5:7

I bɛɛn wɑhɑlɑ kpuro sɔbio win mi, u koo bɛɛ nɔɔri.

Kpɑrobu 1:7

Yerɑ Besɛkin sunɔ wi, u ɡeruɑ u nɛɛ, sinɑmbu wɑtɑ kɑ wɔkurɑ nɑ derɑ bɑ ben nɔmɑn niki bii bɑkɑnu bɔɔrɑ kɑ ben nɑɑsuɡinu. Dĩɑ buri yi nɑ deri, yiyɑ bɑ rɑ n dimɔ. Wee tɛ̃ Gusunɔ u mɑn ye kpuro kɔsiemɔ. Mɑ bɑ kɑ nùn dɑ Yerusɑlɛmuɔ. Miyɑ u ɡu.