Womusu 1:6 - Bibeli Gusunɔn Gari

⁶ Domi win swɑɑ dɔɔwɑ kɑm koo yerɔ. Adɑmɑ Yinni Gusunɔwɑ u ɡemɡibu swɑɑ ɡbiiye.

Womusu 1:6 ပူးပေါင်းရင်းမြစ်များ

Yoobu 23:10

Kɑ mɛ, u nɛn swɛɛ kpuro yɛ̃ yi nɑ swĩi. Ù n mɑn kpɛ̃ɛ lɑɑkɑri mɛɛribu sɔɔ, kon yɑriwɑ min di, nɑ n dɛɛre nɡe wurɑ ye bɑ dɔ̃ɔ doke.

Womusu 112:10

Tɔn kɔ̃so ù n nùn wɑ, win mɔru rɑ sewɑ, kpɑ u nùn wiru diirisi kɑ nuku ɡbisibu. Tɔn kɔ̃sobun yĩiyɔbu kpuro bu sɑ̃ɑwɑ kɑm dirum.

Womusu 142:3

Nɑ nùn nɛn nuku sɑnkirɑnu sɔ̃ɔmɔ. Nɑ nùn nɛn wɑhɑlɑ sɑɑriɑmmɛ.

Womusu 142:4

Nɑ̀ n mwiɑ kpɑnɑ, wunɑ rɑ n yɛ̃ ye kon ko. Bɑ mɑn yinɑ bɛriɑ swɑɑ yè sɔɔ nɑ sĩimɔ.

Womusu 146:9

U rɑ sɔbu kɔ̃su. U rɑ mɑɑ ɡɔminibu kɑ ɡobekubɑ nɔɔri. Kpɑ u tɔn kɔ̃sobun himbɑ kɑm koosiɑ.

Womusu 9:6

Yinni Gusunɔ, ɑ bwese ni nu ǹ nun yɛ̃ ɡerusi. A tɔn kɔ̃sobu kpeerɑsiɑ. A ben yĩsɑ ɡo sere kɑ bɑɑdommɑɔ.

Mɔnnu 14:12

Tɔnu rɑ n tɑmɑɑ win sɑnu sɑnusu su wɑ̃wɑ, ɑdɑmɑ ɡɔɔwɑ sin kɔkɔrɔ.

Mɔnnu 15:9

Yinni Gusunɔ u tɔn kɔ̃sobun swɑɑ tusɑ, ɑdɑmɑ be bɑ ɡeɑ mɔ̀, beyɑ u kĩ.

Nɑhumu 1:7

Yinni Gusunɔ u sɑ̃ɑwɑ tɔn ɡeo. U sɑ̃ɑwɑ be bɑ wɑ̃ɑ wɑhɑlɑ sɔɔn kuku yeru. Be bɑ nùn nɑɑnɛ sɑ̃ɑ, berɑ u rɑ nɔɔri.

Mɑteu 7:13

Yesu u nɛɛ, i duo kɑ kɔnnɔ ɡe ɡɑ ǹ yɑsu, domi swɑɑ ye yɑ dɔɔ kɑm koo yerɔ yɑ ǹ bɑɑsinɑɑ mɔ, yen kɔnnɔ ɡɑ mɑɑ yɑsu mɑ tɔn dɑbinu dumɔ mi.

Yohɑnu 10:14

Nɛnɑ yɑ̃ɑ kpɑro ɡeo. Nɡe mɛ Bɑɑbɑ mɑn yɛ̃ mɑ nɑ mɑɑ Bɑɑbɑ yɛ̃, nɡe mɛyɑ nɑ nɛn yɑ̃ɑnu yɛ̃, nu mɑɑ mɑn yɛ̃. Nɑ mɑɑ nɛn wɑ̃ɑru wɛ̃ɛmɔ yɑ̃ɑ nin sɔ̃.

Yohɑnu 10:27

Nɛn yɑ̃ɑnu nu nɛn nɔɔ nɔɔmɔ, nɑ nu yɛ̃, nu mɑɑ mɑn swĩi.

Timɔte II 2:19

Adɑmɑ kpɛɛkpɛɛku dɑmɡuu ɡe Gusunɔ u surɑ ɡɑ ǹ yĩirurɔ. Gɑri wee yi bɑ yoruɑ ɡen wɔllɔ. Yinni u wiɡibu yɛ̃. Yen biru mɑɑ, bɑɑwure wi u Yinnin yĩsiru soku, u kom kɔ̃sum kpuro derio.

Piɛɛ II 2:12

Adɑmɑ mɑrumɑrɑ tɔn be, bɑ kɑ yeni mɔ̀ nɡe yɛɛ yi yi wɑ̃ɑ bu kɑ mwɑ bu ɡon sɔ̃. Ye bɑ kun tubɑ yerɑ bɑ wɔmmɔ. Bɑ koo mɑɑ kɑm kowɑ nɡe yɛɛ yi.

Sɑmuɛli I 2:9

U koo win bɔrɔkinibɑn sɑnu sɑnusu kɔ̃su. Adɑmɑ u koo de tɔn kɔ̃sobu bu kɑm ko yɑm wɔ̃kurɔ. Domi ɡoo sɑri wi u koo nɑsɑrɑ wɑ kɑ win tiin dɑm.