Womusu 1:1 - Bibeli Gusunɔn Gari

¹ Wi u sɑ̃ɑ doo nɔɔruɡii, wiyɑ u ku rɑ tɔn kɔ̃sobun ɡɑri nɔ. Wiyɑ u ku rɑ durumɡibu swĩi. Wiyɑ u ku rɑ n wɑ̃ɑ kɑ be bɑ Gusunɔ ɑtɑfiiru mɔ̀.

Womusu 1:1 ပူးပေါင်းရင်းမြစ်များ

Torubu 49:6

Bɛɛn mɔrun sɔ̃ i tɔmbu ɡo. Bɛɛn nuku kɔ̃surun sɔ̃ i kɛtɛ kinɛnun nɑɑ sĩinu bɔɔrɑ. Yen sɔ̃, nɛn ɡɔ̃ru ɡu ku rɑɑ du bɛɛn kɑnkɑm wesiɑnɔ sɔɔ. Nɛn bwɛ̃rɑ yu ku rɑɑ kɑ bɛɛ mɛnnɛ.

Torubu 5:24

U kɑ Gusunɔ swĩinɑ, yen biru u doonɑ wɔllɔ, domi Gusunɔ u nùn suɑwɑ wɑsiru.

Sinɑmbu I 16:31

U ǹ dɑɑ mɑm yɛ̃ Yeroboɑmu Nɛbɑtin bii u durum kuɑ, wiɡiɑn kpɑ̃ɑrun sɑɑbu. Domi u Yesɑbɛli Etibɑɑlin bii suɑ kurɔ. Etibɑɑli wiyɑ u sɑ̃ɑ Sidoniɡibun sunɔ. Yen biru u mɑɑ dɑ u bũu wi bɑ mɔ̀ Bɑɑli sɑ̃ɑmɔ.

Bɑndun Gɑri II 22:3

U sĩɑwɑ Akɑbun yɛnuɡibun yirɑ sɔɔ. Domi bwisi kɔ̃siyɑ win mɛro u nùn kɛ̃mɔ u kɑ kɔ̃sɑ ko.

Yoobu 10:3

Yinni Gusunɔ, n nun wɛ̃re ɑ kɑ mɑn kɔ̃sɑ kuɑ, nɛ wi nɑ sɑ̃ɑ wunɛn nɔmɑn tɑkɑ koorɑ, kpɑ ɑ sere de ɡɑri yi tɔn kɔ̃sobɑ bɔkuɑ yi koorɑ?

Yoobu 21:16

Tɔn ben bweseru, bɑ ǹ doo nɔɔru mɔ ro? Adɑmɑ nɛ, nɑ ǹ tɔn kɔ̃sobun bwisi kɛ̃ru kĩ.

Yoobu 31:5

Gusunɔ u mɑn yĩruo kɑ kilo ye yɑ sɑ̃ɑ dee dee. Kpɑ u wɑ mɑ nɑ dɛɛre, nɑ ǹ wɑ̃ɑ weesu kɑ tɑki sɔɔ.

Womusu 1:6

Domi win swɑɑ dɔɔwɑ kɑm koo yerɔ. Adɑmɑ Yinni Gusunɔwɑ u ɡemɡibu swɑɑ ɡbiiye.

Womusu 106:3

Doo nɔɔruɡibɑ be bɑ win woodɑbɑ mɛm nɔɔwɛ. Doo nɔɔruɡibɑ be bɑ ɡem swĩi bɑɑdommɑ.

Womusu 112:1

I Yinni Gusunɔ siɑro. Doo nɔɔruɡiiwɑ wi u Yinni Gusunɔ nɑsie, mɑ win woodɑbɑ bɑ nùn nuku dobu wɛ̃ɛmɔ.

Womusu 119:115

Tɔn kɔ̃sobu, i kɑ mɑn tondo, kpɑ n wɑ n Gusunɔ nɛn Yinnin woodɑbɑ swĩi.

Womusu 144:15

Doo nɔɔruɡirɑ bwese te tɑ sɑ̃ɑ nɡe mɛ. Doo nɔɔruɡirɑ bwese te tɑ Gusunɔ mɔ Yinni.

Womusu 146:5

Doo nɔɔruɡiiwɑ wìn yĩiyɔbu wɑ̃ɑ wunɛ Gusunɔ Yɑkɔbun Yinni sɔɔ. Doo nɔɔruɡiiwɑ wi u win nɑɑnɛ doke Gusunɔ win Yinni sɔɔ.

Womusu 146:9

U rɑ sɔbu kɔ̃su. U rɑ mɑɑ ɡɔminibu kɑ ɡobekubɑ nɔɔri. Kpɑ u tɔn kɔ̃sobun himbɑ kɑm koosiɑ.

Womusu 2:12

kpɑ u ku rɑɑ mɔru ko subɑru sɔɔ. Domi win mɔru yɑ̀ n seewɑ, u koo de i kɑm ko. Adɑmɑ doo nɔɔruɡibɑ be bɑ nùn nɑɑnɛ sɑ̃ɑ kpuro.

Womusu 26:12

Nɑ yɔ̃wɑ dim dim swɑɑ ɡeɑ sɔɔ. Yen sɔ̃nɑ kon nun siɑrɑ mi wunɛn tɔmbɑ mɛnnɛ.

Womusu 34:8

Win ɡɔrɑdo u rɑ be bɑ nùn nɑsie kɔ̃su, kpɑ u bu yɑrɑ kɑrin di.

Womusu 36:4

Win ɡɑri kpuro, weesɑ yi sɑ̃ɑ. U ku rɑ wure u ɡɑ̃ɑnu ko kɑ lɑɑkɑri u sere ɡeɑ ko.

Womusu 64:2

Gusunɔ, ɑ nɛn nɔɔ nɔɔwɔ sɑnɑm mɛ nɑ weeweenu mɔ̀. A mɑn kɔ̃suo nɛn yibɛrɛ wi nɑ nɑsien sɔ̃.

Womusu 81:12

Adɑmɑ bɛɛ nɛn tɔmbu, i ǹ mɑn swɑɑ dɑki, i ǹ mɑɑ mɑn mɛm nɔɔwɛ.

Womusu 84:12

Yinni Gusunɔ, ɑ sɑ̃ɑwɑ nɡe sɔ̃ɔ. A mɑɑ sɑ̃ɑwɑ nɡe tɛrɛru. Wunɑ ɑ rɑ tɔmbu durom kɑ bɛɛrɛ kue. Be bɑ sĩimɔ ɡem sɔɔ, ɑ ku rɑ kɑ bu ɡeɑ yinɑri.

Mɔnnu 1:15

Wunɛ, nɛn bii durɔbu, ɑ ku kɑ tɔn ben bweseru swĩinɑ. A ku ben yirɑ du.

Mɔnnu 1:22

yi mɔ̀, bɛɛ lɑɑkɑri sɑribɑ, sere dommɑ i kĩ i n wɑ̃ɑ bwisi sɑriru sɔɔ. Bɛɛ yɑɑko kowobu, sere dommɑ i ko n nuku dobu mɔ̀ bɛɛn yɑɑko kobu sɔɔ, kpɑ bɛɛ ɡɑri bɑkɑsu i n yɛ̃ru tusɑ.

Mɔnnu 13:15

Bwisiɡiin bwisi yi rɑ dewɑ bu nùn bɛɛrɛ wɛ̃, ɑdɑmɑ tɔn kɔ̃son sɑnu sɑnusu su rɑ nùn kɑm kowɑ.

Mɔnnu 13:20

Wi u rɑ bwisiɡii bere, u koo bwisi wɑ. Wi u rɑ n mɑɑ wɑ̃ɑ kɑ ɡɑri bɑkɑsu, u koo kɔ̃sɑ wɑ.

Mɔnnu 19:29

Tii suo u rɑ n wɑ̃ɑwɑ sɛɛyɑsiɑbun kɑri sɔɔ. Gɑri bɔkɔ u ku rɑ mɑɑ soberu bie.

Mɔnnu 2:12

kpɑ yu kɑ nun ɡbɑrɑ swɑɑ kɔ̃sɑn di, kpɑ yu nun yɑrɑ ɡɑri kɔ̃siɡiin nɔmɑn di,

Mɔnnu 3:34

Be bɑ rɑ nùn yɑɑkoru ko, beyɑ u rɑ mɑɑ yɑɑkoru ko. Adɑmɑ be bɑ tii kɑwe, beyɑ u rɑ durom kue.

Mɔnnu 4:19

Adɑmɑ tɔn kɔ̃sobun kookoosu su sɑ̃ɑwɑ nɡe yɑm wɔ̃kuru. Bɑ ǹ yɛ̃ yèn sɔ̃ bɑ sokurɑmɔ.

Mɔnnu 9:12

À n kuɑ bwisiɡii, wunɑ kɑɑ yen ɑre di. À n mɑɑ sɑ̃ɑ tɔn yɑɑ kɑsikio, wunɑ kɑɑ yen wɑhɑlɑ wɑ.

Yeremi 15:17

Mɛyɑ nɑ ǹ wure n sinɑ kɑ tɔn yɑɑ kɑsikiobu su kɑ nuku dobu ko sɑnnu. Nɑ tii ɡɔwɑwɑ nɑ sɔ̃ nɛ turo, domi ɑ derɑ nɛn mɔru seewɑ.

Yeremi 17:7

Adɑmɑ domɑruɡiiwɑ wi u win nɑɑnɛ doke nɛ, Yinni Gusunɔ sɔɔ, mɑ win toro sindu tɑ wɑ̃ɑ nɛ sɔɔ.

Esekiɛli 20:18

Nɑ ben bibu sɔ̃ɔwɑ ɡbɑburɔ nɑ nɛɛ, bu ku ben bɑɑbɑbɑn yirɑ swĩi, bu ku ko ye bɑ bu sɔ̃ɔwɑ, bu ku mɑɑ tii disi koosi kɑ ben bũnu.

Mɑteu 16:17

Yerɑ Yesu nùn wisɑ u nɛɛ, doo nɔɔruɡiiwɑ wunɛ Simɔɔ, Yohɑnun Bii, domi n ǹ mɔ tɔnu u nun yeni sɔ̃ɔsi, mɑ n kun mɔ nɛn Bɑɑbɑ wi u wɑ̃ɑ wɔllɔ.

Luku 11:28

Mɑ Yesu u nɛɛ, n sɑnɔ ɑ ɡere, doo nɔɔruɡibɑ be bɑ Gusunɔn ɡɑri swɑɑ dɑkimɔ, mɑ bɑ yi nɛnumɔ.

Yohɑnu 13:17

Tɛ̃ wee, i sɔ̃ɔsi teni ɡiɑ. Doo nɔɔruɡibɑ bɛɛ, ì n tu swĩi.

Yohɑnu 20:29

Yesu u nùn bikiɑ u nɛɛ, ɑ nɑɑnɛ doke yèn sɔ̃ ɑ mɑn wɑɑmɔ? Doo nɔɔruɡibɑ be bɑ kun mɑn wɑ, bɑ kɑ nɑɑnɛ doke.

Romu 5:2

Win min diyɑ nɑɑnɛ dokebun sɑɑbu sɑ durom mɛ wɑ mɛ̀ sɔɔ sɑ yɔ̃ dim dim, mɑ sɑ nuku dobu mɔ yèn sɔ̃ sɑ yĩiyɔ sɑ ko bɔnu wɑ Gusunɔn yiiko sɔɔ.

Efesu 6:13

Yen sɔ̃, i Gusunɔn tɑbu yɑ̃nu kpuro suo i sebe kpɑ i kɑ kpĩ i kɑ tii yinɑ wɑhɑlɑn tɔ̃ru sɔɔ, kpɑ i yɔ̃rɑ dim dim ye kpuron biru.

Sɔ̃ɔsiru 14:6

Yɛɛ yi yi nɑɑ kɑburosu yiru mɔ mɑ yi rɑ tukɑ ko, yi kpurowɑ i ko i di.

Sɔ̃ɔsiru 33:29

Bɛɛ Isirelibɑ, i sɑ̃ɑwɑ doo nɔɔruɡibu. I ǹ kɑ bweseru ɡɑru weenɛ. Domi i sɑ̃ɑwɑ bwese te Yinni Gusunɔ u fɑɑbɑ kuɑ. U sɑ̃ɑwɑ nɡe bɛɛn tɛrɛru te tɑ bɛɛ kɔ̃su. U sɑ̃ɑwɑ nɡe bɛɛn tɑkobi ye yɑ bɛɛ nɑsɑrɑ wɛ̃ɛmɔ. Bɛɛn yibɛrɛbɑ bɑ koo nɑ bu bɛɛ suuru kɑnɑ kpɑ i ben tii suɑbu kpeerɑsiɑ.

Piɛɛ I 4:3

Geemɑ, ɡɑsɔn sɑɑ ye i rɑɑ di i kɑ kuɑ ye tɔn tukobɑ rɑ kɑ̃, yɑ turɑ. I rɑɑ wɑ̃ɑ dɑɑ bɛrɛtɛkɛ sɔɔ kɑ binɛ kɑ ɑkɑ tɑm nɔrubu kɑ tɑm nɔrubun wɔrusu kɑ bũu sɑ̃ɑru te Gusunɔ u yinɑ.

Kɑ̃siru 22:14

Doo nɔruɡibɑ be bɑ ben yɑ̃nu teɑ wɑsɑ wɑsɑ, bɑ n kɑ bɔnu mɔ dɑ̃ɑ wɑ̃ɑruɡirun binu sɔɔ kpɑ bu du wuu ɡe sɔɔ, sɑɑ ɡen kɔnnɔn di.