Torubu 9:26 - Bibeli Gusunɔn Gari

²⁶ U mɑɑ nɛɛ, bu Gusunɔ siɑro wi u sɑ̃ɑ Sɛmun Yinni. Wiyɑ u koo Kɑnɑni ko Sɛmun yoo,

Torubu 9:26 ပူးပေါင်းရင်းမြစ်များ

Torubu 14:20

Wiɡiɑ siɑrɑbu domi u nun wunɛn wɛrɔbu nɔmu bɛriɑ. Mɑ Aburɑmu u ye u wɑɑmɑ kpuron wɔkuru bɑɑteren wɔllɔ tiɑ tiɑ suɑ u Mɛɛkisidɛki wi wɛ̃.

Torubu 24:27

Gusunɔɡiɑ siɑrɑbu wi u sɑ̃ɑ nɛn yinni Aburɑhɑmun Yinni, wi u kun dere win wɔnwɔndu kɑ win bɔrɔkiniru tu nùn dɛsirɑri. Mɑ u mɑn kpɑrɑ u kɑ dɑ sere win wɔnɔbun yɛnuɔ.

Torubu 27:29

Tɔn dɑbinu nu nun wiru kpĩiyɑ, kpɑ bwese dɑbinu nu nun yiirɑ. Kpɑ ɑ ko wunɛn mɛro bisibun yinni, kpɑ ben tii bu nun yiirɑ. Wi u nun bɔ̃rusi u koo bɔ̃ri wɑ. Wi u mɑɑ nun domɑru kuɑ, yɛ̃ro koo domɑru wɑ.

Torubu 27:37

Isɑki u nùn wisɑ u nɛɛ, wee nɑ nùn kuɑ wunɛn yinni, nɑ mɑɑ nùn win mɛro bisibu kpuro wɛ̃ bu ko win yobu. Nɑ mɑɑ sii dĩɑnu kɑ dɑ̃ɑ bii ni bɑ rɑ kɑ tɑm ko kpuron domɑru kuɑ. Ǹ n mɛn nɑ, mbɑ kon kpĩ n mɑɑ nun kuɑ, nɛn bii.

Torubu 27:40

Kɑɑ mɑɑ ko wunɛn wɔnɔn yoo. Adɑmɑ ɑ̀ n dɑ kɑ tii yinɑ, kɑɑ win yoru yɑri nɡe mɛ kɛtɛ yɑ rɑ yen suɡu fɛ̃re yu kɔ̃.

Womusu 144:15

Doo nɔɔruɡirɑ bwese te tɑ sɑ̃ɑ nɡe mɛ. Doo nɔɔruɡirɑ bwese te tɑ Gusunɔ mɔ Yinni.

Romu 9:5

Bɑ sɑ̃ɑ be Gusunɔ u ɡɔsɑ yellun di. Ben bweseru sɔɔn diyɑ Kirisi wi u kpuro kere u yɑrɑ nɡe tɔnu. U mɑɑ sɑ̃ɑ Gusunɔ wi n weenɛ bu siɑrɑ kɑ bɑɑdommɑɔ. Ami.

Sɔ̃ɔsiru 33:26

Yerɑ Mɔwisi u kpɑm ɡeruɑ u nɛɛ, bɛɛ Isirelibɑ, i n yɛ̃ mɑ Yinni ɡoo sɑri nɡe Gusunɔ. Wee u wɔllu sɔni u kɑ sisi bɛɛn mi kɑ win yiiko bɑkɑ. Guru wirɑ u duɑ u kɑ wee u bɛɛ somi.

Heberu 11:16

Adɑmɑ tɛ̃ bɑ tem kɑsu mɛ mu burɑm bo, tem mɛyɑ tem wɔlluɡim. Yen sɔ̃nɑ sekurɑ kun Gusunɔ mɔ̀ bu kɑ nùn soku ben Yinni domi u bu wuu ɡɑɡu sɔɔru kuɑ.

Yosue 9:23

Tɛ̃ i kuɑ bɔ̃rurobu bɛɛ kpuro. I ko i n sɑ̃ɑwɑ bɛsɛn yobu, kpɑ i n dɑ nim tɑkiri, i dɑ̃ɑ kɑsu bɛsɛn Yinnin sɑ̃ɑ yerun sɔ̃.

Kpɑrobu 1:28

Bɑɑ sɑnɑm mɛ Isirelibɑ bɑ dɑm kuɑ, bɑǹ mɑɑ kpĩɑ bɑ tɔn be ɡire. Adɑmɑ bɑ bu yoo sɔmɑ koosiɑ.