Torubu 48:9 - Bibeli Gusunɔn Gari

⁹ Yosɛfu u win tundo wisɑ u nɛɛ, nɛn bibɑ mi, be Gusunɔ u mɑn kɑ̃. Mɑ Isireli u nɛɛ, ɑ de bu susimɑ nɛn bɔkuɔ kpɑ n bu domɑru kuɑ.

Torubu 48:9 ပူးပေါင်းရင်းမြစ်များ

Torubu 27:4

Kpɑ ɑ kɑ mɑn ye yɑɑ dibu kuɑ nɡe mɛ nɑ rɑ kɑ̃ ɑ kɑ mɑn nɑɑwɑ n di kpɑ n nun domɑru kuɑ n sere ɡbi.

Torubu 30:2

Yerɑ Yɑkɔbu u kɑ Rɑsɛli mɔru bɛsirɑ u nùn sɔ̃ɔwɑ u nɛɛ, nɛnɑ Gusunɔ n kɑ nun yinɑri ɑ mɑ?

Torubu 33:5

Ye Esɑu u nɔni seeyɑ u Yɑkɔbun kurɔ be kɑ bii be wɑ, yerɑ u nɛɛ, berɑ̀ beni. Yɑkɔbu u nùn wisɑ u nɛɛ, bii be Gusunɔ u mɑn kɑ̃ win durom sɑɑbu, berɑ mi.

Torubu 49:28

Nɡe mɛyɑ Isireli u kɑ win bibu domɑru kuɑ nɛnnɛnkɑ. Ye u mɑɑ bu sɔ̃ɔwɑ, yerɑ mi. Bii beyɑ bɑ kuɑ win bwese kɛri wɔkurɑ yiru ye.

Bɑndun Gɑri I 25:5

Beni kpurowɑ bɑ sɑ̃ɑ Hemɑnin bibun bweseru. Hemɑni wiyɑ u rɑ Yinni Gusunɔn dɑm wɔlle sue kpɑ u sinɑ boko sɔ̃ ye Yinni Gusunɔ u ɡeruɑ. Hemɑni wi, u bii tɔn durɔbu mɑrɑ wɔkurɑ nnɛ, bii tɔn kurɔbu mɑɑ itɑ.

Womusu 127:3

Wee, bibu bɑ sɑ̃ɑwɑ tubi ye yɑ wee Gusunɔn min di. Bɑ sɑ̃ɑwɑ soseru te tɑ wee Gusunɔn min di.

Esɑi 8:18

Nɛ wee kɑ nɛn bii be u mɑn kɑ̃. Bɛsɛn wɑ̃ɑrɑ kuɑ yĩre te Gusunɔ, wɔllu kɑ tem Yinni, u kɑ Isirelibɑ ɡɑri mɔ̀. Yinni Gusunɔ wi, u wɑ̃ɑwɑ Siɔnin ɡuurɔ.

Sɔ̃ɔsiru 33:1

Mɔwisi Gusunɔn tɔnu u sere ɡbi, u Isirelibɑ domɑru kuɑ, u nɛɛ,

Heberu 11:21

Kɑ nɑɑnɛ dokebɑ Yɑkɔbu u Yosɛfun bibu domɑru kuɑ tiɑ tiɑ ye u ɡɔɔ turuku kuɑ, mɑ u dɛkɑ tɑ̃sɑ u kɑ Gusunɔ sɑ̃wɑ.

Sɑmuɛli I 1:20

Sɑnɑm dɔɔ sɑnɑm wee, Hɑnɑ u ɡurɑ suɑ u bii tɔn durɔ mɑrɑ. U nùn yĩsiru kɑ̃ Sɑmuɛli u nɛɛ, domi nɑ nùn nɔnɑ kuɑwɑ Yinni Gusunɔn mi.

Sɑmuɛli I 1:27

Bii winiwɑ nɑ kɑnɑ, mɑ Yinni Gusunɔ u nɛn kɑnɑru mwɑ u mɑn nùn kɑ̃.