Torubu 38:25 - Bibeli Gusunɔn Gari

²⁵ Sɑnɑm mɛ bɑ kɑ nùn yɑriɔ wuun di, yerɑ u ɡɔrɑ bu Yudɑ tɑɑbu ɡe kɑ ɡen wɛ̃ɛ yi kɑ dɛkɑ ye sɔ̃ɔsi, kpɑ bu nùn sɔ̃ mɑ wi u ye kpuro mɔ, yɛ̃ron ɡurɑ u mɔ.

Torubu 38:25 ပူးပေါင်းရင်းမြစ်များ

Torubu 37:32

Yerɑ bɑ ɡoo ɡɔrɑ ben tundon mi kɑ tɑko nɔni bwese bwesekɑɡiɑ ye, u nùn sɔ̃ u nɛɛ, u mɛɛrio ye bɑ wɑ. Win biin yɑberɑ mi? Nɡe n ǹ te.

Torubu 38:18

Yudɑ u nùn wisɑ u nɛɛ, mbɑ ɑ kĩ n nun tɔrubɑ yiiyɑ. Mɑ u nɛɛ, ɑ mɑn wunɛn tɑɑbu ɡe ɡɑ wunɛn yĩreru mɔ kɑ ɡen wɛ̃ɛ kɑ dɛkɑ ye ɑ nɛni wɛ̃ɛmɑ. Yerɑ u ye kpuro kurɔ wi wɛ̃, mɑ u dɑ u kɑ nùn kpunɑ. Yen biru kurɔ wi, u seewɑ u doonɑ. U dɑ u sɔnditiɑ ye wunɑ mɑ u mɑɑ win ɡɔmini yɑ̃ɑ ni doke. Amɛn biru u deemɑ wee, u ɡurɑ mɔ.

Womusu 50:21

Yenibɑ kpurowɑ ɑ kuɑ, mɑ nɑ mɑɑri. Domi ɑ tɑmɑɑ nɑ sɑ̃ɑwɑ nɡe wunɛ. Adɑmɑ kon nun tɑɑrɛ wɛ̃ kpɑ n kpuro terɑsiɑ wunɛn wuswɑɑɔ.

Yeremi 2:26

Nɡe mɛ sekuru tɑ rɑ ɡbɛnɔ mwɛ bɑ̀ n nùn mwɑ subɑru sɔɔ, nɡe mɛyɑ bɛɛ Isirelibɑ kɑ bɛɛn sinɑmbu kɑ bɛɛn wiruɡibu kɑ bɛɛn yɑ̃ku kowobu kɑ Gusunɔn sɔmɔbu i ko i sekuru wɑ.

Romu 2:16

Mɛyɑ n ko n sɑ̃ɑ tɔ̃ɔ te Gusunɔ u koo tɔmbun bwisiku ɑsiriɡinu kpuro siri Kirisi Yesun min di, nɡe mɛ nɛn Lɑbɑɑri ɡeɑ yɑ ɡerumɔ.

Korinti I 4:5

Yen sɔ̃, i ku rɑ mɑɑ ɡɑ̃ɑnun siribu ko tɔ̃ɔ te, tu sere nɑ sere Yinni ù n tunumɑ. Wiyɑ u koo kpuro yɑrɑmɑ bɑtumɑɔ ye yɑ beruɑ wɔ̃kuru sɔɔ, kpɑ u tɔmbun ɡɔ̃rusun bwisikunu sɔ̃ɔsi. Sɑnɑm mɛ sɔɔrɑ bɑɑwure u koo win siɑrɑbu nɔ Gusunɔn mi.

Kɑ̃siru 20:12

Yen biru nɑ ɡɔribu wɑ, bɑkɑ kɑ buu, bɑ yɔ̃ sinɑ kitɑ ten wuswɑɑɔ. Mɑ bɑ tirenu wukiɑ kɑ mɑɑ tireru ɡɑru te bɑ mɔ̀ wɑ̃ɑrun tireru. Bɑ ɡɔribu siri nɡe mɛ ben kookoosu nɛ si bɑ yorusi tire ni sɔɔ.