Torubu 32:26 - Bibeli Gusunɔn Gari

²⁶ Ye durɔ wi, u wɑ mɑ u ǹ kpɛ̃ u Yɑkɔbu surɑ, mɑ u win ɡɑ̃ɑ kpɔɔ so, ɡɑ sɔsiɑrɑ ye bɑ wɔri mɔ̀.

Torubu 32:26 ပူးပေါင်းရင်းမြစ်များ

Torubu 32:25

Yɑkɔbu u tiɑ wi turo. Yerɑ durɔ ɡoo u nɑ u kɑ nùn ɡɑbirinɑ sere yɑm kɑ sɑ̃rɑ.

Torubu 32:27

Yen biru durɔ wi, u nɛɛ, ɑ de n doonɑ, domi yɑm sɑ̃rerɑ wee. Yɑkɔbu u nùn wisɑ u nɛɛ, nɑ ǹ nun derimɔ ɑ doonɑ mɑ n kun mɔ ɑ mɑn domɑru kuɑ.

Bɑndun Gɑri I 4:10

Yɑbɛsi wi, u kɑnɑru kuɑ u nɛɛ, Gusunɔ, Isirelibɑn Yinni, ɑ de wunɛn domɑru tɑ n mɑn wɑ̃ɑsi. A nɛn tem kpɑ̃ɑru sosio. A wunɛn nɔmu dɛmiɔ ɑ mɑn kɔ̃su. Kpɑ ɑ de nɔni swɑ̃ɑru kɑ wɑhɑlɑ yu kɑ mɑn tondɑ. Mɑ Gusunɔ u nùn kuɑ ye u bikiɑ.

Womusu 67:1

Womu ɡe Dɑfidi u wom kowobun wiruɡii kuɑ kɑ mɔrɔku. Ge wee.

Yɑribu 32:10

Tɛ̃ nɛn mɔru yɑ seewɑ. A de n bu kɑm koosiɑ. Adɑmɑ wunɛ, kon de wunɛn tɔmbu bu ko bwese bɑkɑru.

Womu Duro 3:4

Ye nɑ bu deri kese, yerɑ nɑ nɛn kĩnɑsi wi wɑ. Nɑ nùn sɛ̃re, nɑ ǹ nùn yɔ̃su sere nɑ kɑ nùn dɑ nɛn mɛro wi u mɑn mɑrɑn dirɔ.

Womu Duro 7:5

Wunɛn wĩiru tɑ buririwɑ nɡe suunu donnu. Wunɛn nɔni yi dɛɛrewɑ nɡe Hɛsibonin yɛru si su wɑ̃ɑ wuu bɔkɔ ɡen kɔnnɔn bɔkuɔ. Wunɛn wɛ̃ru tɑ dɛndewɑ mɑm mɑm nɡe Libɑnin kɔ̃su yeru te tɑ Dɑmɑsi mɛɛrɑ.

Esɑi 45:11

Amɛniwɑ Gusunɔ Isirelibɑn Yinni Dɛɛro wi u bu tɑkɑ kuɑ u bu sɔ̃ɔwɑ. U nɛɛ, n ǹ bɛɛ i ko mɑn bikiɑ ye kon kɑ nɛn bibu ko, kpɑ i mɑn woodɑ wɛ̃ nɛn nɔmɑn sɔmburun sɔ̃.

Esɑi 64:7

Kɑ yen de, Yinni, wunɑ ɑ sɑ̃ɑ bɛsɛn bɑɑbɑ. Sɑ sɑ̃ɑwɑ nɡe sɔndu, wunɑ ɑ sun mɔmɑ kɑ wunɛn nɔmɑ.

Osee 12:4

Ben bɑɑbɑ Yɑkɔbu u win mɔɔn nɑɑ tokuru nɛnuɑ sɑɑ win mɛron nukurun di. Ye bɑ nùn mɑrɑ u kpɛ̃ɑ, mɑ u kɑ nɛ Gusunɔ wɔri kuɑ kɑ win dɑm kpuro.

Romu 8:37

Adɑmɑ ye kpuro sɔɔrɑ sɑ nɑsɑrɑ wɑ mɑm mɑm sɑɑ win min di wi u sun kĩɑ.

Korinti I 15:58

Ǹ n mɛn nɑ kĩnɑsibu, i yɔ̃ro dim dim kɑ tɛmɑnɑbu, i n hɑniɑ mɔ̀ Yinnin sɔmburu sɔɔ bɑɑdommɑ kpɑ i n yɛ̃ mɑ sɔmbu te i Yinni kuɑmmɛ tɑ ǹ kɑm mɔ̀.

Sɔ̃ɔsiru 9:14

N be de u bɛɛ kpeerɑsiɑ, kpɑ u bɛɛn yĩsiru ɡo hɑnduniɑ sɔɔ, kpɑ u mɑn ko bwese dɑmɡiru te tɑ koo bɛɛ dɑbiru kerɑ.

Heberu 5:7

Yesun hɑnduniɑn wɑ̃ɑru sɔɔ u Gusunɔ kɑnɑ wi u koo kpĩ u nùn wɔrɑ ɡɔɔn nɔmɑn di. U mɑɑ nùn suuru kɑnɑ kɑ wuri bɛkɛ kɑ yĩresu. Mɑ Gusunɔ u nùn swɑɑ dɑki win wii kpĩibun sɔ̃.