Torubu 32:11 - Bibeli Gusunɔn Gari

¹¹ Nɑ ǹ turɑ n kɑ wunɛn durom bɑkɑm kɑ wunɛn bɔrɔkiniru kpuro wɑ te ɑ mɑn sɔ̃ɔsi, nɛ wi nɑ sɑ̃ɑ wunɛn bɔ̃ɔ. Domi nɑ Yuudɛni yeni tɔburɑwɑ kɑ nɛn dɛkɑ tɔnɑ. Adɑmɑ tɛ̃ nɛn tɔmbu kɑ nɛn sɑbenu kuɑ wuunu yiru.

Torubu 32:11 ပူးပေါင်းရင်းမြစ်များ

Torubu 24:27

Gusunɔɡiɑ siɑrɑbu wi u sɑ̃ɑ nɛn yinni Aburɑhɑmun Yinni, wi u kun dere win wɔnwɔndu kɑ win bɔrɔkiniru tu nùn dɛsirɑri. Mɑ u mɑn kpɑrɑ u kɑ dɑ sere win wɔnɔbun yɛnuɔ.

Torubu 27:41

Sɑɑ dɔmɑ ten diyɑ Esɑu u Yɑkɔbu tusɑ domɑ te ben tundo nùn kuɑn sɔ̃. Mɑ u ɡeruɑ win tii sɔɔ u nɛɛ, nɛn bɑɑbɑn ɡɔɔ turuku kuɑ. Win ɡɔɔ ɡbɑbu sindun biruwɑ kon nɛn wɔnɔ ɡo.

Torubu 27:42

Bɑ Rebekɑ ɡɑri yi dɔmɛyɑ yi win bii ɡbiikoo Esɑu u ɡeruɑ. Mɑ u win bii dɑ̃ɑko Yɑkɔbu sokusiɑ u nùn sɔ̃ɔwɑ u nɛɛ, n wee, wunɛn mɔɔ u kĩ u win mɔru kɔsiɑ u nun ɡo.

Torubu 32:3

Ye Yɑkɔbu u ɡɔrɑdo be wɑ, yerɑ u nɛɛ, Gusunɔn tɑbu kowobɑ beni. Mɑ u yɑm mi yĩsiru kɑ̃ Mɑhɑnɑimu. Yĩsi ten tubusiɑnɑ, sɑnsɑni yiru.

Torubu 32:7

Sɔmɔ be, bɑ dɑ bɑ wurɑmɑ Yɑkɔbun mi, bɑ nɛɛ, sɑ turɑ wunɛn mɔɔ Esɑun mi, u mɑɑ sun sennɔ sisi kɑ tɑbu kowobu tɔmbu nɛɛru (400).

Torubu 33:4

Yerɑ Esɑun tii u mɑɑ dukɑ nɑ u Yɑkɔbu ɡɑbɑ wĩirɔ bɑ bɔkɑsinɑ bɑ sɔ̃sunɑ. Mɑ be yiru kpuro bɑ swĩ.

Sɑmuɛli II 7:18

Mɑ Dɑfidi u seewɑ u dɑ Yinni Gusunɔn sɑ̃ɑ yerɔ u ɡeruɑ u nɛɛ, Yinni Gusunɔ, nɑ yɛ̃ mɑ nɑ ǹ sɑ̃ɑ ɡɑ̃ɑnu. Nɛn bweserɑ kun mɑɑ ɡɑ̃ɑnu turɑ. Kɑ mɛ, ɑ mɑn kuɑ sunɔ Yerusɑlɛmu mini.

Womusu 119:134

A mɑn wɔro tɔmbun dɑm dɔrebun di, kpɑ n kpĩ n wunɛn sɔ̃ɔsiru mɛm nɔɔwɑ.

Womusu 142:6

Yinni Gusunɔ, wunɑ nɑ sokumɔ. Nɑ nɛɛ, wunɑ ɑ sɑ̃ɑ nɛn kuku yeru. Wunɛ turowɑ ɑ sɑ̃ɑ nɛɡii duniɑ ye sɔɔ.

Womusu 16:1

Dɑfidin womu. Yinni Gusunɔ, wunɑ nɑ nɑɑnɛ sɑ̃ɑ. Wunɛn miyɑ kon kuku yeru wɑ. A mɑn kɔ̃suo.

Womusu 25:20

A mɑn wɔro, ɑ mɑn kɔ̃suo. A ku de n sekuru wɑ domi nɑ kukuɑ wunɛn mi.

Womusu 31:2

Yinni Gusunɔ, wunɑ ɑ sɑ̃ɑ nɛn kuku yeru. A ku de n sekuru wɑ. A mɑn wɔro domi wunɑ ɑ sɑ̃ɑ ɡemɡii.

Womusu 43:1

A mɑn ɡem wɛ̃ɛyɔ Gusunɔ nɛn Yinni. A kɑ mɑn yinɔ be bɑ ǹ nun nɑsien wuswɑɑɔ. A mɑn yɑkio wee kowobu kɑ tɔn kɔ̃sobun min di.

Mɔnnu 18:19

À n wunɛn bɔrɔ torɑri, yɑ sɛ̃ ɑ kɑ nùn susi n kere ɑ ɡbɑ̃rɑ dɑmɡiru surɑ. Ì n mɑɑ sɑnnɑ, i kɑ dorɑ, yen sɛ̃sɔ ɡɑ kpɑ̃ ɡɑ kere dii te bɑ kɑ kɔkɔrɔ dɑmɡiɑ kɛnuɑn dubu.

Dɑniɛli 3:17

À n sun kpɛ̃ɛ dɔ̃ɔ boko wi sɔɔ, Gusunɔ wi sɑ sɑ̃ɑmɔ u koo kpĩ u sun yɑrɑ dɔ̃ɔ win min di kpɑ u sun wɔrɑ wunɛn nɔmɑn di.

Osee 10:14

Yen sɔ̃nɑ tɑbun wurenu koo nɔɔrɑ bɛɛn suunu sɔɔ. Kpɑ bu bɛɛn ɡbɑ̃rɑnu kpuro kɔsuku nɡe mɛ Sɑlumɑn sinɑ boko u Bɛti Aribɛli wɔri, mɑ u bii mɛrobu kɑ ben bibu munkɑ.

Mɑteu 6:13

A ku kɑ sun dɑ kɔkiribun berɑ ɡiɑ. Adɑmɑ ɑ sun wunɑ sɑɑ tɔn kɔ̃son nɔmun di. [Domi wunɑ ɑ bɑndu kɑ dɑm kɑ yiiko mɔ sere kɑ bɑɑdommɑɔ. Ami.]

Sɔ̃ɔsiru 22:6

Ì n wuu dɔɔ mɑ i ɡunɔ wɑ ɡɑ sɛ̃ɑ wɔkusi ǹ kun mɛ ɡɑ binu wɔkusi dɑ̃ɑɔ ǹ kun mɛ temɔ, i ku ɡu mwɑ kɑ ɡen binu sɑnnu.

Sɑmuɛli I 12:10

Yerɑ bɑ Yinni Gusunɔ sokɑ bɑ nùn sɔ̃ɔwɑ bɑ nɛɛ, bɑ durum kuɑ domi bɑ nùn deri bɑ bũu tɔn durɔ be bɑ mɔ̀ Bɑɑlibɑ kɑ bũu tɔn kurɔ wi bɑ mɔ̀ Asitɑɑte sɑ̃ɑmɔ. Adɑmɑ ù n bu wɔrɑ ben yibɛrɛbɑn nɔmɑn di, bɑ koo nu deri bu nùn sɑ̃.

Sɑmuɛli I 24:15

Weren sɔ̃nɑ wunɛ Isirelibɑn sunɔ ɑ yɑrimɑ. Wɑrɑ ɑ nɑɑ ɡire. Nɛ wi nɑ sɑ̃ɑ nɡe bɔ̃ɔ ɡoru? Ǹ kun mɛ nɡe ɡoo dɛ̃ɛ?