Torubu 27:40 - Bibeli Gusunɔn Gari

⁴⁰ Kɑɑ mɑɑ ko wunɛn wɔnɔn yoo. Adɑmɑ ɑ̀ n dɑ kɑ tii yinɑ, kɑɑ win yoru yɑri nɡe mɛ kɛtɛ yɑ rɑ yen suɡu fɛ̃re yu kɔ̃.

Torubu 27:40 ပူးပေါင်းရင်းမြစ်များ

Torubu 25:23

Yerɑ Yinni Gusunɔ u nùn sɔ̃ɔwɑ u nɛɛ, bwesenu yiruwɑ nu wɑ̃ɑ wunɛn nukurɔ. Bwese ni, nu koo kɑbɑnɑ sɑnɑm mɛ nu yɑrɑ wunɛn nukurun di. Nin teerɑ koo tensim dɑm kerɑ. Mɔɔ wiyɑ u koo win wɔnɔ wiru kpĩiyɑ.

Torubu 27:29

Tɔn dɑbinu nu nun wiru kpĩiyɑ, kpɑ bwese dɑbinu nu nun yiirɑ. Kpɑ ɑ ko wunɛn mɛro bisibun yinni, kpɑ ben tii bu nun yiirɑ. Wi u nun bɔ̃rusi u koo bɔ̃ri wɑ. Wi u mɑɑ nun domɑru kuɑ, yɛ̃ro koo domɑru wɑ.

Torubu 32:6

Nɑ nɛɛ mɔ kɑ kɛtɛkunu kɑ yɑ̃ɑnu kɑ yoo tɔn durɔbu kɑ tɔn kurɔbu. Yerɑ nɑ nùn nɔɔsiɑmɔ u kɑ mɑn nɔnu ɡeu mɛɛri, wi, wi u sɑ̃ɑ nɛn tɔnwero.

Torubu 33:9

Mɑ Esɑu u nɛɛ, nɛn wɔnɔ, sɑbe ni nɑ mɔ nɛn tii nu mɑn turɑ, ɑ wunɛɡinu nɛnuɔ.

Sɑmuɛli II 8:14

Yerɑ u tɑbu kowobu yi yi Edɔmun tem kpuro sɔɔ. Edɔmubɑ bɑ kuɑ wiɡibu, bɑ kɑ win woodɑbɑ sɔmburu mɔ̀. Mi Dɑfidi u ɡesi duɑ kpuro Gusunɔ u rɑ nùn nɑsɑrɑ wɛ̃wɑ.

Sinɑmbu II 14:10

Geemɑ Amɑsiɑ, wee tɛ̃ ɑ Edɔmubɑ kɑmiɑ mɑ ɑ tii sue. A ǹ sinɑmɔ wunɛn yɛnuɔ sɛ̃ɛ? Kpɑ ɑ n nuku dobu mɔ̀ wunɛn nɑsɑrɑn sɔ̃? Mbɑn sɔ̃nɑ kɑɑ mɑɑ tii tɑbu kpɛ̃ɛ bi bu koo kɑ nun kɔ̃sɑ nɑɑwɑ kpɑ wunɛ kɑ Yudɑbɑ i kɑm ko.

Sinɑmbu II 14:7

Amɑsiɑ wiyɑ, u mɑɑ Edɔmubɑn tɑbu kowobu nɔrɔbun subɑ wɔkuru (10.000) ɡo wɔwɑ sɔɔ ye bɑ sokumɔ Bɔru. Tɑɑ bi sɔɔrɑ u wuu ɡe bɑ sokumɔ Silɑ mwɑ, mɑ u ɡen yĩsiru ɡɔsiɑ Yokutɛɛli. Yĩsi terɑ bɑ kɑ ɡu sokumɔ sere kɑ ɡisɔ.

Bɑndun Gɑri II 21:10

Sɑɑ yen dɔmɑ ten diyɑ Edɔmubɑ bɑ kɑ tii yinɛ sere kɑ ɡisɔn ɡisɔ. Mɑ Libinɑɡibu bɑ mɑɑ Yudɑbɑ seesi yèn sɔ̃ bɑ Gusunɔ ben bɑɑbɑbɑn Yinni deri.

Bɑndun Gɑri II 21:8

Yorɑmun wɑɑti ye sɔɔ, Edɔmubɑ bɑ kɑ tii yinɑ, mɑ bɑ ben sunɔ kuɑ.

Bɑndun Gɑri II 28:17

Edɔmubɑ bɑ nɑ bɑ kpɑm Yudɑbɑ wɔri bɑ kɑmiɑ, mɑ bɑ Yudɑ be, yoru mwɛɛrɑ bɑ kɑ doonɑ.

Womusu 60:8

Gusunɔ u ɡeruɑ win sɑ̃ɑ yee dɛɛrɑrɔ u nɛɛ, u koo nɑsɑrɑ wɑ. U koo Sikɛmu bɔnu ko kpɑ u tɔmbu Sukɔtun wɔwɑ yɑbuɑ.

Mɑteu 10:34

Yesu mɑɑ nɛɛ, i kun tɑmɑɑ nɑ nɑwɑ hɑnduniɑɔ n kɑ ɑlɑfiɑ wɛ̃, ɑɑwo, tɑkobiwɑ nɑ kɑ nɑ.