Torubu 21:6 - Bibeli Gusunɔn Gari

⁶ Sɑɑ ye sɔɔrɑ Sɑɑrɑɑ nɛɛ, Gusunɔ u mɑn yɛ̃ɛsu ɡo. Be bɑ mɑɑ nuɑ kpuro bɑ koo kɑ mɑn yɛ̃ɛwɑ.

Torubu 21:6 ပူးပေါင်းရင်းမြစ်များ

Torubu 17:17

Yerɑ Aburɑhɑmu u Gusunɔ yiirɑ mii mii u siriru tem ɡirɑri u yɛ̃ɛ mɑ u ɡeruɑ win tii sɔɔ u nɛɛ, bɑ koo mɑɑ tɔnu wɔ̃ɔ wunɔbuɡii bii mɑruɑ? Sɑɑrɑɑ wi u kuɑ wɔ̃ɔ wɛnɛ kɑ wɔkuru mini, u koo bii mɑ?

Womusu 113:9

U rɑ wĩro yɛnu bɑniɛ u sinɑ, kpɑ u nùn ko bii mɛro wi u nuku dobu mɔ win bibun suunu sɔɔ. Yen sɔ̃, i Yinni Gusunɔ siɑro.

Womusu 126:2

Mɑ sɑ nuku dobu mɔ̀ sɑ yɛ̃ɛmɔ. Mɑ sɑ nɑsɑrɑn kuuki mɔ̀. Mɑ bɑ ɡerumɔ bwesenun suunu sɔɔ bɑ mɔ̀, Yinni Gusunɔ u sun ɡɑ̃ɑ bɑkɑnu kuɑ.

Esɑi 49:15

Adɑmɑ Gusunɔ u nɛɛ, tɔn kurɔ u rɑ win bii wi u bɔm kɛ̃mɔ duɑri? U ku rɑ win wɔnwɔndu ko? Bɑɑ ù n duɑri, nɛ, nɑ ǹ nun duɑrimɔ, Yerusɑlɛmu.

Esɑi 49:21

Sɑɑ yerɑ kɑɑ tii bikiɑ ɑ nɛɛ, wɑrɑ u nun bii beni mɑruɑ. Domi ɑ wunɛn bibu biɑ, ɑ ǹ mɑɑ ɡɑbu wɑ ɑ mɑrɑ ye bɑ nun yinɑ bɑ doonɑ. Wɑrɑ u bii beni seeyɑ. A rɑɑ wɑ̃ɑwɑ wunɛ turo, mɑn diyɑ bii beni bɑ nɑ.

Esɑi 54:1

Wunɛ Yerusɑlɛmu, wunɛ wi ɑ sɑ̃ɑ nɡe kurɔ wi u kun bii mɔ, ɑ nuku dobu koowo kɑ kuuki, domi wunɛ wi bɑ rɑɑ yinɑ, kɑɑ bibu mɑ bɑ n dɑbi, n kere wi u rɑ n mɑrumɔn bibu.

Yeremi 20:15

Bɔ̃rurowɑ wi u dɑ u nɛn tundo sɔ̃ɔwɑ u nɛɛ, wee, bɑ nùn bii tɔn durɔ mɑruɑ. Mɑ lɑbɑɑri ye, yɑ nùn nuku doo bɑkɑbu wɛ̃.

Luku 1:14

Kɑɑ nuku doo bɑkɑbu wɑ, tɔn dɑbirɑ koo mɑɑ yɛ̃ɛri win mɑrubun sɔ̃.

Luku 1:58

Win berusebu kɑ win dusibu bɑ nuɑ mɑ Yinni u nùn durom bɑkɑm kuɑ, mɑ bɑ kɑ nùn nuku dobu mɔ̀ sɑnnu.

Romu 12:15

I kɑ bu nuku dobu koowo be bɑ nuku dobu mɔ̀, kpɑ i kɑ bu swĩ be bɑ sumɔ.

Heberu 11:11

Nɑɑnɛ dokebun sɑɑbuwɑ Sɑɑrɑɑn tii mɑɑ dɑm wɑ u kɑ ɡurɑ suɑ bɑɑ mɛ u yen sɑɑ doonɑ. U yɛ̃ mɑ Gusunɔ wi u nɔɔ mwɛɛru kuɑ u sɑ̃ɑ nɑɑnɛɡii.

Sɑmuɛli I 1:26

Mɑ Hɑnɑ u ɡeruɑ u nɛɛ, nɛn yinni, ɑ mɑn ɡɑfɑrɑ kuo. Sere kɑ wunɛn wɑ̃ɑru, nɛnɑ kurɔ wi u dɔmɑ te yɔ̃rɑ wunɛn bɔkuɔ mini, u kɑnɑru kuɑ Yinni Gusunɔn mi.