Torubu 2:5 - Bibeli Gusunɔn Gari

⁵ dɑ̃ru ɡɑrɑ kun ɡinɑ kpiɑ tem sɔɔ, yɑkɑsu ɡɑsu kun mɑɑ kpiɑ domi Yinni Gusunɔ kun ɡinɑ ɡurɑ nɛɛsie sɑnɑm mɛ. Tɔnu mɑɑ sɑri wi u koo tem mɛ wuku.

Torubu 2:5 ပူးပေါင်းရင်းမြစ်များ

Torubu 2:6

Adɑmɑ kɑkoru ɡɑru tɑ rɑ se tem di tu tem mɛ nikererɑsiɑ kpuro.

Torubu 3:23

Yerɑ u nùn ɡirɑ Edɛnin ɡbɑɑ ten min di u dɑ u tem wuku mɛ u kɑ nùn mɔmɑ.

Torubu 4:12

À n tem mɛ wukɑ, mu ǹ mɑɑ nun dĩɑnu kuɑmmɛ sɑ̃ɑ sɑ̃ɑ. Kɑɑ n sɑ̃ɑwɑ kpiko kɑ yɑɑyɑɑre kowo hɑnduniɑ sɔɔ.

Torubu 4:2

Mɑ u mɑɑ ɡurɑ suɑ u Abɛli, Kɑɛnin wɔnɔ mɑrɑ. Abɛli wiyɑ u rɑ yɑ̃ɑnu kpɑre, Kɑɛni mɑɑ kuɑ ɡbee wuko.

Yoobu 5:10

U rɑ de ɡurɑ yu nɛ tem sɔɔ, kpɑ ɡbeɑ yu nim wɑ.

Womusu 104:14

Kpɑ ɑ de yɑkɑsu su kpi yɑɑ sɑbenun sɔ̃ kɑ dĩɑ ni tɔnu u koo din sɔ̃.

Womusu 135:7

U rɑ de ɡuru winu nu sɔ̃ɔsirɑ hɑnduniɑ kpuro sɔɔ. U rɑ de ɡuru mɑɑkinu nu koorɑ kpɑ u de ɡurɑ yu nɛ. Kpɑ u woo kusiɑmɑ ɡen wɑ̃ɑ yerun di.

Yeremi 10:12

Yinni Gusunɔwɑ u tem tɑkɑ kuɑ kɑ win dɑm, kɑ win yɛ̃ru, mɑ u wɔllu tɛriɑ kɑ win bwisi.

Yeremi 10:13

Wiyɑ u rɑ de bukɔ ɡu se wɔllɔ, kpɑ u woo seeyɑmɑ sɑɑ ɡen wɑ̃ɑ yerun di, kpɑ ɡuru winu nu nim kpɑɑsinɑ, kpɑ ɡuru mɑɑkinu nu koorɑ, kpɑ ɡurɑ yu nɛ.

Yeremi 14:22

Bũu ɡoo sɑri wi u koo kpĩ u ɡurɑ nɛɛsiɑ, wɔllun tii, tɑ ǹ kpɛ̃ tu ɡurɑ nɛɛsiɑ. Gusunɔ bɛsɛn Yinni, wunɑ ɑ rɑ de ɡurɑ yu nɛ. Wunɑ sɑ mɑɑ nɑɑnɛ sɑ̃ɑ. Domi wunɑ ɑ rɑ ye kpuro ko.

Mɑteu 5:45

Nɡe mɛyɑ i ko kɑ sɔ̃ɔsi mɑ i sɑ̃ɑ bɛɛn Bɑɑbɑ wɔrukoon bibu. Domi u sɔ̃ɔ yɑrisiɑmɔ tɔn kɔ̃sobu kɑ tɔn ɡeobun mi. U ɡurɑ nɛɛsiɑmɔ ɡeeɡibu kɑ ɡee sɑriruɡibun mi.

Heberu 6:7

Sɑnɑm mɛ tem mu ɡuri nim nɔrumɔ kiri kiri mɑ mu dĩɑnu kpiisiɑmɔ ni nu koo mɛn yɛ̃robu ɑrufɑɑni kuɑ, Gusunɔ u rɑ mu domɑru kuewɑ.