Torubu 18:14 - Bibeli Gusunɔn Gari

¹⁴ Gɑ̃ɑnu ɡɑnu wɑ̃ɑ ni nu kɑ mɑn sɛ̃? Nɡe mɛ nɑ yi, suru nɔɔbɑ nnɛn biru kon wurɑmɑ kpɑ Sɑɑrɑɑ u bii tɔn durɔ mɑ.

Torubu 18:14 ပူးပေါင်းရင်းမြစ်များ

Torubu 17:16

Kon nùn domɑru kuɑ kpɑ u nun bii tɔn durɔ mɑruɑ. Nɛn domɑ ten sɑɑbu bwese dɑbinu kɑ sinɑmbu bɑ koo kɔwɑrɑ win min di.

Torubu 17:21

Adɑmɑ nɛn ɑrukɑwɑni ye, yɑ ko n wɑ̃ɑwɑ Isɑkin mi, wi Sɑɑrɑɑ koo nun mɑruɑ ɡɑsɔku ɑmɑdɑɑre.

Torubu 18:10

Mɑ ben turon min di Gusunɔ u nɛɛ, ɡɑsɔku ɑmɑdɑɑre kon wurɑmɑ wunɛn mi. Sɑɑ ye sɔɔ, wee, wunɛn kurɔ Sɑɑrɑɑ u koo bii tɔn durɔ mɑ. N deemɑ Sɑɑrɑɑ u yɔ̃ u ɡɑri yi swɑɑ dɑki dii kɔnnɔwɔ ɡe ɡɑ wɑ̃ɑ sɔɔ win biruɔ.

Torubu 18:13

Mɑ Yinni Gusunɔ u Aburɑhɑmu sɔ̃ɔwɑ u nɛɛ, mbɑn sɔ̃nɑ Sɑɑrɑɑ u yɛ̃ɛ u nɛɛ, u koo bii mɑwɑ mi kɑ ɡem? Wi, wi u tɔkɔ kuɑ u kpɑ?

Torubu 18:15

Mɑ Sɑɑrɑɑ u siki u nɛɛ, nɑ ǹ yɛ̃ɛ. Domi bɛrum nùn mwɑ. Adɑmɑ Yinni Gusunɔ u nɛɛ, weesɑ, ɑ yɛ̃ɛ.

Torubu 21:1

Yinni Gusunɔ u yɑɑye ye u rɑɑ Sɑɑrɑɑ sɔ̃ɔwɑ. U mɑɑ win nɔɔ mwɛɛru yibiɑ.

Torubu 21:2

Sɑɑrɑɑ u ɡurɑ suɑ mɑ u Aburɑhɑmu bii tɔn durɔ mɑruɑ win tɔkɔru sɔɔ, sɑɑ ye Gusunɔ u rɑɑ nùn burɑ.

Sinɑmbu II 4:16

Elisee u kurɔ wi sɔ̃ɔwɑ u nɛɛ, ɡɑsɔku ɑmɑdɑɑre, kɑɑ bii tɔn durɔ tɑɑru swĩi. Yerɑ kurɔ wi, u nɛɛ, yinni, ɑ ku mɑn nɔni wɔ̃ke, domi ɑ sɑ̃ɑwɑ Gusunɔn tɔnu.

Yoobu 36:5

Gusunɔ u sɑ̃ɑwɑ Dɑm kpuroɡii. U ku rɑ mɑɑ ɡoo ɡɛm. U dɑm mɔ kpuron wɔllɔ. U ku rɑ win ɡere kɔsi.

Yoobu 42:2

nɑ yɛ̃ mɑ kɑɑ kpĩ ɑ kpuro ko. Gɑ̃ɑnu kun kpɛ̃ nu wunɛn himbɑ ɡɔsiɑ.

Womusu 90:13

Yinni Gusunɔ, sere dommɑ kɑɑ ɡɔ̃ru ɡɔsiɑ ɑ wunɛn mɔru deri. A bɛsɛ wunɛn sɔm kowobun wɔnwɔndu wɑɑwo.

Womusu 93:1

Yinni Gusunɔ, ɑ bɑndu dii, mɑ ɑ wunɛn yiiko sebuɑ nɡe yɑberu. Mɑ ɑ dɑm sɛ̃ke nɡe kpɑkɑ. A mɑɑ derɑ tem mu dɑm mɔ, mu ǹ yĩirimɔ.

Womusu 95:3

Domi u kpɑ̃. U sɑ̃ɑ sinɑ boko wi u ye bɑ sɑ̃ɑmɔ kpuro kere.

Esɑi 50:2

Domi nɑ nɑ n bɛɛ fɑɑbɑ ko. Mbɑn sɔ̃nɑ nɑ ǹ ɡoo wɑ. Nɑ sokɑ sokɑ, mbɑn sɔ̃nɑ nɑ ǹ ɡoon wurɑbu nuɑ. I tɑmɑɑ nɛn nɔmu ɡɑ ǹ dɑm turɑ n kɑ bɛɛ wɔrɑ? Nɑ ǹ dɑm mɔ n kɑ bɛɛ yɑkiɑ? I ǹ yɛ̃ mɑ nɑ̀ n nim wɔ̃ku ɡerusi ɡɑ rɑ ɡberewɑ, kpɑ dɑɑnu nu ko nɡe mi nim ku rɑ sinɛ, kpɑ swɛ̃ɛ yi ɡbi yi kɔ̃si?

Yeremi 32:17

Yinni Gusunɔ, ɑ wɔllu kɑ tem kuɑ wunɛn dɑm bɑkɑm kɑ wunɛn yiikon sɑɑbu. Gɑ̃ɑnu sɑri ni ɑ kpɑnɛ.

Yeremi 32:27

wee, nɛ Gusunɔ, nɑ sɑ̃ɑwɑ hɑnduniɑɡibu kpuron Yinni. Gɑ̃ɑnu sɑri ni nɑ kpɑnɛ.

Dɑniɛli 6:20

Yerɑ sinɑ boko Dɑrusi u seewɑ buru buru yellu u dɑ wɔru ɡen mi fuuku fuuku.

Misee 7:18

Wɑrɑ u kɑ nun weenɛ. Wee, ɑ rɑ kɑ bɛsɛ wunɛn tɔmbun bweserun sukum mɛ mu tie tɛmɑnɛ bɛsɛ be sɑ sɑ̃ɑ wunɛn ɑrumɑni kpɑ ɑ sun bɛsɛn torɑnu suuru kuɑ. Wunɛn mɔru ku rɑ tɛ. Domi kĩrɑ ɑ rɑ sun sɔ̃ɔsi.

Sɑkɑri 8:6

Isireli be bɑ tien nɔni sɔɔ, yɑ ko n sɑ̃ɑ nɡe ye yɑ kun kpɛ̃ yu koorɑ. Adɑmɑ nɛ, Gusunɔ wɔllu kɑ tem Yinni, kon kpĩ n mɑɑmɑɑki ye ko. Nɛnɑ nɑ yeni ɡeruɑ.

Gbɑburu 11:23

Yinni Gusunɔ u Mɔwisi wisɑ u nɛɛ, ɑ tɑmɑɑ nɛ nɔm kpiribuɡiiwɑ? Tɛ̃ kɑɑ wɑ ye nɑ nun sɔ̃ɔwɑ yɑ̀ kun koo koorɑ.

Mɑteu 14:31

Mii mii Yesu nɔmɑ dɛmiɑ u nùn nɛnuɑ mɑ u nɛɛ, nɑɑnɛ doke piibuɡii wunɛ, mbɑn sɔ̃nɑ ɑ sikɑ kuɑ.

Mɑteu 19:26

Yesu bu mɛɛrɑ mɑ u nɛɛ, tɔmbun miyɑ n ǹ koorɔ ɑdɑmɑ ɡɑ̃ɑnu sɑri ni Gusunɔ u kpɑnɛ.

Mɑteu 3:9

I kun tɑmɑɑ i ko ɡɑfɑrɑ wɑ Aburɑhɑmun sɔ̃ domi i ɡerumɔ i mɔ̀ u sɑ̃ɑ bɛɛn bɑɑbɑ. Nɑ bɛɛ sɔ̃ɔmɔ Gusunɔ u koo kpĩ u kpee ni suɑ u kɑ Aburɑhɑmu bibu kuɑ.

Mɑɑku 10:27

Yesu bu mɛɛrɑ tii, mɑ u nɛɛ, tɔmbun miyɑ yɑ ǹ koorɔ, ɑdɑmɑ Gusunɔn mi yɑ koo koorɑ, domi Gusunɔ u ku rɑ ɡɑ̃ɑnu ɡɑnu kpɑnɛ.

Luku 1:13

Mɑ ɡɔrɑdo wi, u nùn sɔ̃ɔwɑ u nɛɛ, ɑ ku bɛrum ko Sɑkɑri, domi bɑ wunɛn kɑnɑru mwɑ. Wunɛn kurɔ Elisɑbɛti u koo nun bii tɔn durɔ mɑruɑ, kpɑ ɑ nùn yĩsiru kɛ̃ Yohɑnu.

Luku 1:18

Sɑkɑri u ɡɔrɑdo wi bikiɑ u nɛɛ, ɑmɔnɑ ko nɑ n kɑ yɛ̃ mɑ ɡɑri yi ɡemɑ. Domi nɛ durɔ tɔkɔrɑ, nɛn kurɔn tii mɑɑ tɔkɔru kuɑ.

Luku 1:37

Domi ɡɑ̃ɑnu sɑri ni Gusunɔ kpɑnɛ.

Luku 8:50

Yesu u ye nuɑ, mɑ u nùn sɔ̃ɔwɑ u nɛɛ, ɑ ku bɛrum ko, ɑ ɡesi nɑɑnɛ dokeo, u koo bɛkurɑ.

Romu 4:21

Domi u yɛ̃ kɑm kɑm mɑ Gusunɔ u dɑm mɔ u kɑ ko yèn nɔɔ mwɛɛru u kuɑ.

Efesu 3:20

Gusunɔ u yiiko mɔ u kɑ ko n kere ye sɑ bikiɑmɔ, ǹ kun mɛ ye sɑ mɑm bwisikumɔ win dɑm sɑɑbu mɛ mu sɔmburu mɔ̀ bɛsɛ sɔɔ.

Sɔ̃ɔsiru 30:3

sɑɑ ye sɔɔrɑ wi, Yinni Gusunɔ u koo bɛɛ wɔnwɔndu kuɑ kpɑ u kɑ bɛɛ wurɑmɑ mìn di u rɑɑ bɛɛ yɑrinɑsiɑ i yoru dimɔ.

Sɔ̃ɔsiru 7:21

I ku diiri bwese nin sɔ̃. Domi Gusunɔ bɛsɛn Yinni u kɑ bɛɛ wɑ̃ɑ wi, wi u kpɑ̃ mɑ u nɑnum mɔ.

Filipi 3:21

Wiyɑ koo bɛsɛn wɑsi yiiko sɑriruɡii kɔsi kɑ win dɑm mɛ mu koo de kpuro nùn wiru kpĩiyɑ, kpɑ yi kɑ win wɑsi yiikoɡii weenɑ.

Filipi 4:13

Kon ye kpuro kpĩ sɑɑ Kirisin min di wi u mɑn dɑm kɛ̃mɔ.

Heberu 11:19

U bwisikɑ mɑ Gusunɔ u dɑm mɔ u kɑ tɔnu seesiɑ ɡɔrin di mɑm, mɑ kɑ ɡem u Isɑki wɑ nɡe u wurɑmɑ ɡɔrin di.

Kpɑrobu 13:3

Sɔ̃ɔ teeru Yinni Gusunɔn ɡɔrɑdo ɡoo u kurɔ wi kure u nɛɛ, wee, ɑ sɑ̃ɑ wĩro, ɑdɑmɑ kɑɑ ɡurɑ suɑ kpɑ ɑ bii tɔn durɔ mɑ. U ko n sɑ̃ɑwɑ wi bɑ wunɑ nɛnɛm Gusunɔn sɔ̃ sɑɑ win mɑrubun di. Yen sɔ̃, ɑ n tii sɛ, ɑ ku tɑm ɡɑm nɔ, kpɑ ɑ ku ɡɑ̃ɑ seseruɡinu di. A ku rɑ mɑɑ de bu bii win seri burɑ, domi wiyɑ u koo Isirelibɑ wɔrɑm tore sɑɑ Filisitibɑn nɔmɑn di.

Sɑmuɛli I 14:6

Yonɑtɑm u win bɔ̃ɔ ɑluwɑɑsi wi sɔ̃ɔwɑ u nɛɛ, ɑ nɑ su dɑ bɑnɡo sɑri ben mi. Sɔrɔkudo Yinni Gusunɔ u koo sun somi. Domi ɡɑ̃ɑnu sɑri ni nu koo nùn ɡɑnɛ u kun kɑ sun fɑɑbɑ kue, bɑɑ sɑ̀ kun dɑbi.