Torubu 18:12 - Bibeli Gusunɔn Gari

¹² Mɑ u tii yɛ̃ɛ u nɛɛ, tɛ̃ ye nɑ tɔkɔ kuɑ nɑ kpɑ, nɛn durɔn tii mɑɑ tɔkɔ kuɑ, yerɑ sɑ ko mɑɑ kpĩ su mɛnnɑbun nuku dobu wɑ?

Torubu 18:12 ပူးပေါင်းရင်းမြစ်များ

Torubu 17:17

Yerɑ Aburɑhɑmu u Gusunɔ yiirɑ mii mii u siriru tem ɡirɑri u yɛ̃ɛ mɑ u ɡeruɑ win tii sɔɔ u nɛɛ, bɑ koo mɑɑ tɔnu wɔ̃ɔ wunɔbuɡii bii mɑruɑ? Sɑɑrɑɑ wi u kuɑ wɔ̃ɔ wɛnɛ kɑ wɔkuru mini, u koo bii mɑ?

Torubu 18:13

Mɑ Yinni Gusunɔ u Aburɑhɑmu sɔ̃ɔwɑ u nɛɛ, mbɑn sɔ̃nɑ Sɑɑrɑɑ u yɛ̃ɛ u nɛɛ, u koo bii mɑwɑ mi kɑ ɡem? Wi, wi u tɔkɔ kuɑ u kpɑ?

Sinɑmbu II 4:16

Elisee u kurɔ wi sɔ̃ɔwɑ u nɛɛ, ɡɑsɔku ɑmɑdɑɑre, kɑɑ bii tɔn durɔ tɑɑru swĩi. Yerɑ kurɔ wi, u nɛɛ, yinni, ɑ ku mɑn nɔni wɔ̃ke, domi ɑ sɑ̃ɑwɑ Gusunɔn tɔnu.

Womusu 126:2

Mɑ sɑ nuku dobu mɔ̀ sɑ yɛ̃ɛmɔ. Mɑ sɑ nɑsɑrɑn kuuki mɔ̀. Mɑ bɑ ɡerumɔ bwesenun suunu sɔɔ bɑ mɔ̀, Yinni Gusunɔ u sun ɡɑ̃ɑ bɑkɑnu kuɑ.

Womusu 45:11

A swɑɑ dɑkio, bii kurɔbu ɑ nɛn ɡɑri nɔ, kpɑ ɑ yi bwisiku. A wunɛn tɔmbu duɑrio kɑ wunɛn bɑɑn yɛnuɡibu.

Efesu 5:33

Kɑ mɛ, i de durɔ bɑɑwure u n win kurɔ kĩ nɡe win tii, kpɑ kurɔ bɑɑwure u n win durɔn bɛɛrɛ yɛ̃.

Piɛɛ I 3:6

Mɛyɑ Sɑɑrɑɑ u kuɑ, u Aburɑhɑmu mɛm nɔɔwɑ sere u nùn sokɑ yinni. Tɛ̃, bɛɛ ì n ɡeɑ mɔ̀ mɑ bɛrum kun bɛɛ mɔ̀, i sɑ̃ɑwɑ win bii tɔn kurɔbu.

Kpɑrobu 19:26

Yerɑ kurɔ wi, u seewɑ u nɑ u wɔrumɑ yɛnu ɡèn mi win durɔ u wɑ̃ɑn kɔnnɔwɔ.