Torubu 17:16 - Bibeli Gusunɔn Gari

¹⁶ Kon nùn domɑru kuɑ kpɑ u nun bii tɔn durɔ mɑruɑ. Nɛn domɑ ten sɑɑbu bwese dɑbinu kɑ sinɑmbu bɑ koo kɔwɑrɑ win min di.

Torubu 17:16 ပူးပေါင်းရင်းမြစ်များ

Torubu 1:28

Mɑ u bu domɑru kuɑ u nɛɛ, i mɑruro i dɑbiɑ i hɑnduniɑ yibu yɑ n sɑ̃ɑ bɛɛɡiɑ kpɑ i n yɛɛ kpuro nɔmɑ sikerenɛ. Yiyɑ swɛ̃ɛ kɑ ɡunɔsu kɑ yɛɛ yi yi sĩimɔ temɔ kpuro.

Torubu 12:2

Wunɛn min diyɑ kon de bwese bɑkɑru tu yɑri. Kon nun domɑru kuɑ kpɑ wunɛn yĩsiru tu kpɛ̃ɑ kpɑ ɑ ko domɑrun nuuru.

Torubu 15:4

Yerɑ Yinni Gusunɔ u Aburɑmu sɔ̃ɔwɑ u nɛɛ, n ǹ wi, u koo ko wunɛn tubi dio. Wunɛn tii tiin biiwɑ u koo wunɛn tubi di.

Torubu 17:15

Gusunɔ u kpɑm Aburɑhɑmu sɔ̃ɔwɑ u nɛɛ, ɑ ku mɑɑ wunɛn kurɔ soku Sɑɑrɑi. Sɑɑrɑɑwɑ kɑɑ n dɑ nùn soku.

Torubu 17:19

Mɑ Gusunɔ u nɛɛ, ɑɑwo, wunɛn kurɔ Sɑɑrɑɑwɑ koo nun bii tɔn durɔ mɑruɑ kɑm kɑm, kpɑ ɑ nùn yĩsiru kɛ̃ Isɑki. Wiyɑ kon wure n kɑ nɛn ɑrukɑwɑni bɔke ye yɑ ǹ kpeemɔ win bweserɔ.

Torubu 17:6

Kon de wunɛn bibu bu mɑrurɑ bu sosi sere bɑ ǹ ɡɑrirɔ, kpɑ bwesenu kɑ sinɑmbu bu kɔwɑrɑ wunɛn min di.

Torubu 21:1

Yinni Gusunɔ u yɑɑye ye u rɑɑ Sɑɑrɑɑ sɔ̃ɔwɑ. U mɑɑ win nɔɔ mwɛɛru yibiɑ.

Torubu 24:60

Bɑ Rebekɑ domɑru kuɑ bɑ nɛɛ, wunɑ bɛsɛn sesu, Gusunɔ u de ɑ ko tɔn dɑbinun mɛro, kpɑ wunɛn bibun bweseru tu ten yibɛrɛbɑ tɑɑre tu ben wusu mwɛɛri.

Torubu 25:23

Yerɑ Yinni Gusunɔ u nùn sɔ̃ɔwɑ u nɛɛ, bwesenu yiruwɑ nu wɑ̃ɑ wunɛn nukurɔ. Bwese ni, nu koo kɑbɑnɑ sɑnɑm mɛ nu yɑrɑ wunɛn nukurun di. Nin teerɑ koo tensim dɑm kerɑ. Mɔɔ wiyɑ u koo win wɔnɔ wiru kpĩiyɑ.

Torubu 35:11

U mɑɑ nɛɛ, nɛ Gusunɔ nɑ sɑ̃ɑwɑ Dɑm kpuroɡii. A mɑruro kpɑ wunɛn bibu bu kɔwɑrɑ kpɑ bwese dɑbinu kɑ sinɑmbu bu mɑrurɑ wunɛn min di.

Torubu 36:31

Sinɑm be bɑ bɑndu di di Edɔmuɔ Isirelibɑ bu sere mɑɑ bɑndu swĩi ben temɔ, be wee.

Esɑi 49:23

Sinɑmbu kɑ ben bii tɔn kurɔbu bɑ koo nun nɔɔri. Bɑ koo nun kpunɑ bu wiru tem ɡirɑri, kpɑ bu tii kɑwɑ bu nun bɛɛrɛ bɑkɑ wɛ̃. Sɑnɑm mɛyɑ kɑɑ ɡiɑ mɑ nɛnɑ nɑ sɑ̃ɑ Yinni Gusunɔ. Be bɑ mɑɑ mɑn yĩiyɔ bɑ ǹ sekuru wɑsi.

Romu 9:9

Gɑri yi wee, yi Gusunɔ u kɑ nɔɔ mwɛɛ te kuɑ. U nɛɛ, “Gɑsɔkun ɑmɑdɑɑre kon wurɑmɑ, yen biru Sɑɑrɑɑ koo bii tɔn durɔ mɑ.”

Gɑlɑti 4:23

Yoo wi, u win bii mɑrɑ nɡe mɛ tɔmbu kpuro bɑ rɑ mɑ, ɑdɑmɑ tii mɔwɔ wi, u win bii mɑrɑwɑ kɑ Gusunɔn nɔɔ mwɛɛru.

Piɛɛ I 3:6

Mɛyɑ Sɑɑrɑɑ u kuɑ, u Aburɑhɑmu mɛm nɔɔwɑ sere u nùn sokɑ yinni. Tɛ̃, bɛɛ ì n ɡeɑ mɔ̀ mɑ bɛrum kun bɛɛ mɔ̀, i sɑ̃ɑwɑ win bii tɔn kurɔbu.