Torubu 16:2 - Bibeli Gusunɔn Gari

² Mɑ Sɑɑrɑi u win durɔ sɔ̃ɔwɑ u nɛɛ, wee, Yinni Gusunɔ u mɑn kuɑ wĩro. Nɑ nun kɑnɑmɔ, ɑ kɑ nɛn yoo duo. Sɔrɔkudo kon bibu wɑ sɑɑ win min di. M ɑ Aburɑmu u win kurɔn ɡɑri wurɑ.

Torubu 16:2 ပူးပေါင်းရင်းမြစ်များ

Torubu 11:30

Sɑɑrɑi u sɑ̃ɑwɑ wĩro, u ǹ bii mɑrɑ.

Torubu 17:16

Kon nùn domɑru kuɑ kpɑ u nun bii tɔn durɔ mɑruɑ. Nɛn domɑ ten sɑɑbu bwese dɑbinu kɑ sinɑmbu bɑ koo kɔwɑrɑ win min di.

Torubu 18:10

Mɑ ben turon min di Gusunɔ u nɛɛ, ɡɑsɔku ɑmɑdɑɑre kon wurɑmɑ wunɛn mi. Sɑɑ ye sɔɔ, wee, wunɛn kurɔ Sɑɑrɑɑ u koo bii tɔn durɔ mɑ. N deemɑ Sɑɑrɑɑ u yɔ̃ u ɡɑri yi swɑɑ dɑki dii kɔnnɔwɔ ɡe ɡɑ wɑ̃ɑ sɔɔ win biruɔ.

Torubu 19:31

Yerɑ win bii yerumɑ u win wɔnɔ sɔ̃ɔwɑ u nɛɛ, bɛsɛn tundo wee, u tɔkɔ kuɑ. Tɔn durɔ ɡoo mɑɑ sɑri berɑ mi, wi u koo sun suɑ nɡe mɛ sibɑ mɔ̀ tem bɑɑmɑ.

Torubu 25:21

Isɑki u Yinni Gusunɔ kɑnɑ win kurɔn sɔ̃ domi u kuɑ wĩro. Gusunɔ u win kɑnɑru mwɑ, mɑ win kurɔ Rebekɑ u ɡurɑ suɑ.

Torubu 3:12

Durɔ wi, u nɛɛ, kurɔ wi ɑ mɑn wɛ̃ u n kɑ mɑn wɑ̃ɑ wiyɑ mɑn dɑ̃ɑ ten binu wɛ̃ mɑ nɑ di.

Torubu 3:17

U mɑɑ durɔ wi sɔ̃ɔwɑ u nɛɛ, yèn sɔ̃ ɑ wunɛn kurɔn ɡɑri wurɑ, mɑ ɑ dɑ̃ɑ ten binu di te nɑ nɛɛ, ɑ ku di, nɑ tem bɔ̃rusi wunɛn sɔ̃. Sɑ̃kunu kɑ ɑwĩiyɑ mu koo nun kpiiyɑ, wunɛn wɑ̃ɑru kpuro sɔɔ, nɔwiɑwɑ kɑɑ n dɑ ko kpɑ ɑ wɛnyɑ ɑ sere wunɛn dĩɑnu wɑ ɡberɔ. Yen biru kɑɑ ɡbi kpɑ bu nun sike temɔ, domi temɑ nɑ kɑ nun kuɑ. Kɑɑ mɑɑ wurɑ ɑ ko tem mɛ.

Torubu 30:22

Gusunɔ u mɑɑ Rɑsɛlin tii yɑɑye u win kɑnɑru mwɑ mɑ u nùn kuɑ bii mɛro.

Torubu 30:6

Rɑsɛli u nɛɛ, Gusunɔ u nɛn kɑnɑru nuɑ mɑ u mɑn siriɑ mɑ u mɑn bii tɔn durɔ kɑ̃. Yen sɔ̃nɑ u bii wi yĩsiru kɑ̃ Dɑnu.

Womusu 127:3

Wee, bibu bɑ sɑ̃ɑwɑ tubi ye yɑ wee Gusunɔn min di. Bɑ sɑ̃ɑwɑ soseru te tɑ wee Gusunɔn min di.

Yɑribu 21:4

Ǹ n win yinnin nɑ, u nùn kurɔ wɛ̃, mɑ u kɑ kurɔ wi bibu mɑrɑ, dɔmɑ te u yɑriɔ yorun di, u koo kurɔ kɑ win bibu win yinni deriɑwɑ kpɑ u yɑri wi turo.

Rutu 4:11

Mɑ ɡuro ɡuro be, kɑ tɔn be bɑ wɑ̃ɑ mi, bɑ nɛɛ, mɛyɑ sɑ sɑ̃ɑ wunɛn seedɑɡibu. Yinni Gusunɔ u de kurɔ wi u duɔ wunɛn yɛnuɔ mi, u ko nɡe Rɑsɛli kɑ Leɑ. Domi be yiru yerɑ bɑ Isirelin bweseru mɑrɑ. Gusunɔ u mɑɑ nun ko tɔn boko kpɑ ɑ yĩsiru yɑri Bɛtelehɛmu ye sɔɔ Efɑrɑtɑn bweseru sɔɔ.