Torubu 15:14 - Bibeli Gusunɔn Gari

^14-16 Adɑmɑ kon tem mɛn tɔmbu siri be bɑ koo bu yoo te diisiɑ. Wɔ̃ɔ dɑbirun biru bɑ koo yɑri tem min di kɑ dukiɑ bɑkɑ kpɑ bu kpɑm ɡɔsirɑmɑ mini, domi Amɔrebɑn durum kun ɡinɑ yibɑ n kɑ bu kpeerɑsiɑ. Adɑmɑ wunɛ kɑɑ tɔkɔ kowɑ kɔ̃ɔ kɔ̃ɔ kpɑ ɑ dɑ ɑ wunɛn bɑɑbɑbɑ deemɑ kɑ ɑlɑfiɑ.

Torubu 15:14 ပူးပေါင်းရင်းမြစ်များ

Torubu 48:21

Mɑ Isireli u Yosɛfu sɔ̃ɔwɑ u nɛɛ, wee, nɑ ɡɔɔ turuku kuɑ. Adɑmɑ Gusunɔ u ko n kɑ bɛɛ wɑ̃ɑ kpɑ u kɑ bɛɛ wurɑ bɛɛn bɑɑbɑbɑn temɔ.

Torubu 50:24

Yen biru u win mɑɑbu sɔ̃ɔwɑ u nɛɛ, nɑ kon ɡbi ɑdɑmɑ Gusunɔ u koo nɑ u bɛɛ yɑrɑ tem mɛn di, kpɑ u kɑ bɛɛ dɑ tem mɛ sɔɔ, mɛ̀n nɔɔ mwɛɛru u Aburɑhɑmu kɑ Isɑki kɑ Yɑkɔbu kuɑ.

Womusu 105:42

Domi u win nɔɔ mwɛɛ dɛɛrɑ te yɑɑye te u win sɔm kowo Aburɑhɑmu kuɑ.

Womusu 135:14

Yinni Gusunɔ u koo win tɔmbu siriɑ, kpɑ u win sɔm kowobun wɔnwɔndu wɑ.

Womusu 135:9

U sɔm mɑɑmɑɑkiɡinu kuɑ Eɡibitiɔ u kɑ yen sinɑ boko kɑ win sɔm kowobu kpuro sɛɛyɑsiɑ.

Womusu 51:4

A mɑn woburuo sɑ̃ɑ sɑ̃ɑ kpɑ ɑ nɛn kom kɔ̃sum wɔkɑ. A nɛn durum wunɔ kpɑ n sɑ̃rɑ.

Yɑribu 12:29

Ye n kuɑ wɔ̃kurun bɔnu, Yinni Gusunɔ u bii ɡbiikobu kpuro ɡo Eɡibitin temɔ, sɑɑ Eɡibiti sunɔn tiin bii ɡbiikoon di wi u koo win sinɑ ɡɔnɑ tubi di, sere kɑ be bɑ wɑ̃ɑ pirisɔm sɔɔn bii ɡbiikobu, n kɑ dɑ yɑɑ sɑbenun bii ɡbiikinɔ.

Yɑribu 3:10

A doo n nun ɡɔri tɛ̃ Eɡibiti sunɔn mi, ɑ nɛn tɔmbu Isirelibɑ yɑrɑmɑ win tem di.

Gɔrobun Kookoosu 7:7

Gusunɔ u mɑɑ nɛɛ, win tii koo kɑ bwese te siri te tɑ koo bu ko yobu. Yen biru bɑ koo yɑri tem min di bu nɑ tem mɛ sɔɔ mi bɑ koo nùn sɑ̃.

Sɔ̃ɔsiru 4:20

Adɑmɑ bɛɛ, u bɛɛ nɔmɑ nɛnuɑ u yɑrɑ Eɡibitiɡibun nɔni yi bɑ bɛɛ sɔ̃ɔmɔn di kpɑ i n kɑ sɑ̃ɑ win tɔmbu nɡe mɛ i sɑ̃ɑ ɡisɔ.

Sɔ̃ɔsiru 6:22

U sɔm mɑɑmɑɑkiɡinu kuɑ nu kpɑ̃ bɛsɛn nɔni biru. Niyɑ u kɑ Eɡibitiɡii be, kɑ ben sinɑ boko kɑ win yɛnuɡibu nɔni swɑ̃ɑru kpɛ̃ɛ.

Yosue 24:17

Domi wiyɑ bɛsɛn Yinni wi u sun yɑrɑmɑ sɑɑ Eɡibitiɡibun yorun di, bɛsɛ kɑ bɛsɛn bɑɑbɑbɑ. U mɑɑ sɔm mɑɑmɑɑkiɡii dɑbinu kuɑ bɛsɛn nɔni biru. Mɑ u sun kɔ̃su bɑɑmɑ mi sɑ dɑ kpuro bɛsɛn sɑnum sɔɔ kɑ bwese tukunun suunu sɔɔ.

Sɑmuɛli I 12:8

Yɑkɔbu kɑ wiɡibu bɑ dɑ Eɡibitiɔ. Mɑ Eɡibitiɡibu bɑ ben bibun bweseru nɔni sɔ̃ɔwɑ, mɑ bɑ Yinni Gusunɔ nɔɔɡiru sue u kɑ bu somi. Mɑ u bu Mɔwisi kɑ Aroni ɡɔriɑ. Beyɑ bɑ bu yɑrɑ Eɡibitin di, mɑ bɑ derɑ bɑ sinɑ tem mini.