Torubu 15:1 - Bibeli Gusunɔn Gari

¹ Yenibɑ kpuron biru Yinni Gusunɔ u kɑ Aburɑmu ɡɑri kuɑ kɑ̃siru sɔɔ u nɛɛ, Aburɑmu, ɑ ku bɛrum ko, nɛnɑ nɑ wunɛn tɛrɛru, wunɛn ɑre ko n kpɑ̃ ɡem ɡem.

Torubu 15:1 ပူးပေါင်းရင်းမြစ်များ

Torubu 15:2

Aburɑmu nùn wisɑ u nɛɛ, Yinni Gusunɔ, mbɑ kɑɑ mɑɑ mɑn wɛ̃. Wee nɑ ɡɔɔ dɔɔ bii sɑri kpɑ Ɛliesɛɛ Dɑmɑsiɡii u ko nɛn tubi dio.

Torubu 15:4

Yerɑ Yinni Gusunɔ u Aburɑmu sɔ̃ɔwɑ u nɛɛ, n ǹ wi, u koo ko wunɛn tubi dio. Wunɛn tii tiin biiwɑ u koo wunɛn tubi di.

Torubu 21:17

Gusunɔ u bii win nɔɔ nuɑ mɑ win ɡɔrɑdo u Aɡɑɑ sokɑ wɔllun di u nɛɛ, mbɑ n nun mɔ̀, Aɡɑɑ. A ku nɑndɑ, domi Gusunɔ u bii win nɔɔ nuɑ mi u wɑ̃ɑ.

Torubu 22:1

Yenibɑ kpuron biruwɑ Gusunɔ u Aburɑhɑmun lɑɑkɑri mɛɛrɑ u nùn sokɑ u nɛɛ, Aburɑhɑmu. Mɑ Aburɑhɑmu u wurɑ u nɛɛ, nɛ wee, Yinni.

Torubu 22:20

Yenibɑn biruwɑ Aburɑhɑmu u nuɑ mɑ Milikɑ u mɑɑ kɑ win wɔnɔ Nɑkori bibu mɑrɑ.

Torubu 26:24

Yerɑ Yinni Gusunɔ u nùn kure wɔ̃ku te, u nɛɛ, nɛnɑ nɑ Gusunɔ wunɛn tundo Aburɑhɑmun Yinni. A ku bɛrum ko. Ko nɑ n wɑ̃ɑ kɑ wunɛ. Kon nun domɑru kuɑ kpɑ n de wunɛn bweseru tu dɑbiɑ nɛn bɔ̃ɔ Aburɑhɑmun sɔ̃.

Torubu 31:7

Wee tɛ̃, u mɑn kɑm mɛɛrɑ, u nɛn kɔsiɑrun ɡɑri kɔsɑ sere nɔn wɔkuru. Adɑmɑ Gusunɔ kun dere u mɑn kɔ̃sɑ kuɑ.

Sɑmuɛli II 22:3

A sɑ̃ɑwɑ nɡe kpee bɑɑ yè sɔɔ kon kuke. A sɑ̃ɑwɑ nɛn kuku yee nɑɑnɛɡiru. Wunɑ ɑ sɑ̃ɑ nɛn Yinni wi u mɑn yɑkiɑ. Wunɑ ɑ sɑ̃ɑ nɛn tɛrɛru. Wunɛn dɑmɑ mu mɑn wɔrɑ. Wunɑ ɑ sɑ̃ɑ nɛn kɑri.

Sinɑmbu II 1:15

Sɑɑ yerɑ Yinni Gusunɔn ɡɔrɑdo u Eli sɔ̃ɔwɑ u nɛɛ, ɑ kɑ durɔ wi doo, ɑ ku bɛrum ko. Mɑ u sɑrɑ bɑ dɑ sinɑ bokon mi.

Bɑndun Gɑri I 28:20

Yen biru, Dɑfidi u win bii Sɑlomɔɔ sɔ̃ɔwɑ u nɛɛ, ɑ tii dɑm kɛ̃ɔ, kpɑ ɑ n wɔruɡɔru mɔ, kpɑ ɑ se ɑ sɔmburu ko. A ku bɛrum ko, ɑ ku mɑɑ nɑndɑ. Domi Gusunɔ nɛn Yinni u ko n kɑ nun wɑ̃ɑ. U ǹ nun derimɔ, u ǹ mɑɑ nun biru kisimɔ sere win sɑ̃ɑ yee ten sɔmburu kpuro tu kɑ wiru ɡoorɑ.

Womusu 115:10

Bɛɛ yɑ̃ku kowobu Aronin bweseru, i bɛɛn nɑɑnɛ dokeo Yinni Gusunɔ sɔɔ. U sɑ̃ɑwɑ bɛɛn fɑɑbɑ kowo kɑ bɛɛn tɛrɛru.

Womusu 119:114

Wunɑ ɑ sɑ̃ɑ nɛn kuku yeru kɑ nɛn tɛrɛru. Wunɛn nɔɔ mwɛɛru sɔɔrɑ nɛn yĩiyɔbu wɑ̃ɑ.

Womusu 142:5

A mɛɛrio nɔm ɡeuɔ ɑ wɑ mɑ ɡoo sɑri wi u kɑ mɑn yɔ̃. Nɑ ǹ kuku yeru mɔ. Goo sɑri wi u mɑɑ nɛn bwisikunu mɔ̀.

Womusu 18:2

Yinni Gusunɔ, wunɑ ɑ sɑ̃ɑ nɛn dɑm. Wunɑ nɑ kĩ.

Womusu 27:1

Dɑfidin womu. Yinni Gusunɔwɑ u rɑ nɛn swɑɑ yɑm bururɑsie, u mɑn fɑɑbɑ mɔ̀. Nɑ ǹ ɡoon bɛrum mɔ. Yinni Gusunɔ u sɑ̃ɑwɑ nɛn kuku yeru. Nɑ ǹ ɡɑ̃ɑnun bɛrum mɔ.

Womusu 3:3

Geemɑ dɑbirɑ tɑ ɡerumɔ, nɑ ǹ somiru wɑsi wunɛn min di.

Womusu 3:4

Adɑmɑ nɛ, nɑ nɛɛ, wunɑ ɑ rɑ mɑn ɡɑnɛ nɡe tɛrɛru, wunɑ ɑ rɑ mɑn nɑsɑrɑ wɛ̃, wunɑ ɑ rɑ mɑn sekuru yɑre.

Womusu 5:12

Be bɑ sɑ̃ɑ wunɛɡibu, kɑɑ de bu nuku dobu wɑ. Kɑɑ de bu kɑtinu kɑrɑ. Kɑɑ de bu yɛ̃ɛri. Kɑɑ bu kɔ̃su. Kɑɑ bu domɑru kuɑ. Kɑɑ bu ɡɑnɛ nɡe tɛrɛru wunɛn kĩrun sɑɑbu, domi bɑ nun kĩ, mɑ bɑ nun mɛm nɔɔwɑmmɛ.

Womusu 58:11

Adɑmɑ ɡemɡii u ko n nuku dobu mɔwɑ ù n wɑ bɑ nùn mɔru bɑrɑ. U koo win nɑɑsu kpɑkiɑ tɔn kɔ̃sobun yɛm sɔɔ,

Womusu 84:11

Nɛn sɔ̃ɔ teerun wɑ̃ɑru wunɛn sɑ̃ɑ yerɔ, tɑ nɛn yɑm tukum wɑ̃ɑrun sɔ̃ɔ dɑbi dɑbinu kere. N burɑm bo nɑ n wɑ̃ɑ wunɛn sɑ̃ɑ yerun kɔnnɔwɔ, ye ko nɑ n kɑ wɑ̃ɑ diru mi tɔn kɔ̃sobɑ wɑ̃ɑ.

Womusu 84:9

Gusunɔ wɔllu kɑ tem Yinni, ɑ mɑn swɑɑ dɑkio. Gusunɔ Yɑkɔbun Yinni, ɑ nɛn kɑnɑru nɔɔwɔ.

Womusu 91:4

U koo nun win sɑnsu wukiri. Kɑɑ kuku yeru wɑ win kɑsɑn sɔɔwɔ. Win bɔrɔkinirɑ sɑ̃ɑwɑ nɡe tɛrɛru kɑ tɑrɑkpe.

Yɑribu 14:13

Yerɑ Mɔwisi u tɔn be wisɑ u nɛɛ, i ku bɛrum ko, i yɔ̃ro sɛ̃ɛ, kpɑ i wɑ nɡe mɛ Yinni Gusunɔ u koo bɛɛ fɑɑbɑ ko ɡisɔ. Domi Eɡibitiɡii be i wɑɑmɔ mini, i ǹ mɑɑ bu wɑsi sere kɑ bɑɑdommɑɔ.

Mɔnnu 11:18

Tɔn kɔ̃son sɔmburun ɑre kun ɑrufɑɑni mɔ, ɑdɑmɑ wi u ɡem swĩi, ɑre ɡeeyɑ u rɑ n mɔ.

Mɔnnu 30:5

Gusunɔn nɔɔ mwɛɛnu kpuro nu nɑɑnɛ mɔ. Wi u kukuɑ win mi, u sɑ̃ɑwɑ yɛ̃ron tɑrɑkpe.

Esɑi 35:4

Bɛɛ bèn ɡɔ̃ru ɡɑ ǹ kpĩ, i ku nɑndɑ. I tii dɑm kɛ̃ɔ. Domi Gusunɔ bɛɛn Yinni u sisi u bɛɛ mɔru bɑrɑ, kpɑ u bɛɛn yibɛrɛbɑ kɔsie ye bɑ bɛɛ kuɑ. Win tiiwɑ u koo nɑ u bɛɛ fɑɑbɑ ko.

Esɑi 40:10

U wee kɑ dɑm u woodɑ wɛ̃ɛmɔ. U win tɔn be u yɑkiɑmɑ kpɑre win wuswɑɑɔ.

Esɑi 41:10

Yen sɔ̃, i ku nɑndɑ, domi nɑ wɑ̃ɑ kɑ bɛɛ. I ku wururɑ i n yɑm mɛɛrɑ nɡe wɔnwɔndobu, domi nɛnɑ nɑ sɑ̃ɑ bɛɛn Yinni. Kon mɑɑ bɛɛ dɑm kɛ̃. Wee nɑ wee n bɛɛ somi, kpɑ n bɛɛ kɔ̃su kɑ nɛn dɑm.

Esɑi 41:14

Yɑkɔbun bweseru, bɛɛ be i tie i ǹ dɑm mɔ mɑ bɑ bɛɛ ɡɑrisi nɡe kɔkɔminu, i ku nɑndɑ. Nɛ, Gusunɔ Isirelibɑn Yinni Dɛɛro, nɑ bɛɛ somiru wee. Nɑ sɑ̃ɑwɑ bɛɛn fɑɑbɑ kowo.

Esɑi 43:1

Yinni Gusunɔ u nɛɛ, Isireli, Yɑkɔbun bweseru, wunɛ wi nɑ mɔmɑ nɑ tɑkɑ kuɑ, ɑ ku bɛrum ko, domi nɛnɑ nɑ nun yɑkiɑ. Nɑ nun sokɑ kɑ wunɛn yĩsiru, ɑ sɑ̃ɑwɑ nɛɡii.

Esɑi 43:5

Yen sɔ̃, ɑ ku bɛrum ko, domi nɑ kɑ nun wɑ̃ɑ. Kon de wunɛɡii be bɑ ɡurɑ bɑ kɑ dɑ sɔ̃ɔ yɑri yeru ɡiɑ mi, bu wurɑmɑ, kpɑ n mɑɑ be bɑ wɑ̃ɑ sɔ̃ɔ duu yeru ɡiɑ mɛnnɑmɑ.

Esɑi 44:2

Nɛnɑ nɑ nun tɑkɑ kuɑ. Nɑ nun mɔmɑ bɑ sere nun mɑrɑ. Mɛyɑ nɑ mɑɑ nun somimɔ. Yen sɔ̃, ɑ ku bɛrum ko, wunɛ nɛn sɔm kowo wi nɑ ɡɔsɑ.

Esɑi 44:8

I ku nɑndɑ bɛɛ Isirelibɑ, i ku mɑɑ diiri. Nɑ ǹ bɛɛ ye sɔ̃ɔwɑ sɑɑ yellun di ro? Bɛɛyɑ i sɑ̃ɑ nɛn seedɑɡibu. Goo mɑɑ wɑ̃ɑ wi u sɑ̃ɑ Gusunɔ nɛ bɑɑsi ro? Aɑwo, ɡoo mɑɑ sɑri wi u dɑm mɔ nɡe nɛ.

Esɑi 51:12

Gusunɔ u nɛɛ, nɛnɑ mi, nɛ wi nɑ bɛɛ nukuru yɛmiɑsiɑmɔ. Tɔnu u sɑ̃ɑwɑ nɡe yɑkɑsu. Mbɑn sɔ̃nɑ i ko i win bɛrum ko, wi, wi u rɑ ɡbi.

Yeremi 39:17

Adɑmɑ yen tɔ̃ɔ te, kon nùn yɑkiɑ. Bèn bɛrum u mɔ̀ mi, bɑ ǹ nùn nɔmɑ turi.

Swĩi 3:24

Nɑ nɛɛ, Yinni Gusunɔ u sɑ̃ɑwɑ nɛɡii. Yen sɔ̃nɑ nɑ yĩiyɔbu mɔ wi sɔɔ.

Esekiɛli 1:1

Wɔ̃ɔ tɛnɑsen suru nnɛsen sɔ̃ɔ nɔɔbuse sɔɔrɑ Esekiɛli, yɑ̃ku kowo Busin bii u wɑ̃ɑ dɑɑ te bɑ mɔ̀ Kebɑrin ɡoorɔ kɑ Yuu be bɑ yoru mwɛɛrimɑ sɑnnu. Miyɑ u wɑ wɔllɑ kɛniɑrɑ mɑ Gusunɔ u derɑ u kɑ̃siru wɑ. U kɑ nùn ɡɑri kuɑ mɑ win dɑm nùn nɛnuɑ. N deemɑ sinɑ boko Yoyɑkimun wɔ̃ɔ nɔɔbusewɑ mi, ye u kɑ wɑ̃ɑ yoru sɔɔ Bɑbiloniɔ.

Esekiɛli 11:24

Mɑ Gusunɔn Hunde u Esekiɛli suɑ kɑ̃si te sɔɔ, u kɑ wurɑmɑ Bɑbiloniɔ mi Isirelibɑ bɑ yoru dimɔ. Sɑɑ yerɑ kɑ̃si te u wɑɑmɔ mi, tɑ kpɑ.

Esekiɛli 3:4

Yerɑ u mɑɑ nɛɛ, Esekiɛli, ɑ seewo ɑ dɑ Isirelibɑn mi kpɑ ɑ bu nɛn ɡɑri sɔ̃.

Gbɑburu 12:6

Mɑ u bu sɔ̃ɔwɑ u nɛɛ, i nɛn ɡɑri swɑɑ dɑkio. Nɛn sɔmɔ be bɑ wɑ̃ɑ bɛɛn suunu sɔɔ, kɑ̃siru sɔɔrɑ nɑ rɑ bu tii sɔ̃ɔsi, kpɑ n kɑ bu ɡɑri ko dosu sɔɔ.

Gbɑburu 18:20

Yinni Gusunɔ u mɑɑ Aroni sɔ̃ɔwɑ u nɛɛ, ɑǹ tem wɑsi Isirelibɑn suunu sɔɔ. Nɛnɑ kɑɑ n mɔ. Nɛnɑ nɑ sɑ̃ɑ wunɛn ɑrumɑni.

Gbɑburu 24:4

Nɑ rɑ Gusunɔn nɔɔ nɔ. Wi, Dɑm kpuroɡii u rɑ de n kɑ̃sinu wɑ. Domi u rɑ mɑn tii sɔ̃ɔsi nɑ̀ n nùn sɑ̃ɑmɔ.

Mɑteu 28:5

Gɔrɑdo wi, u kurɔ be sɔ̃ɔwɑ u nɛɛ, i ku bɛrum ko bɛɛ! Nɑ yɛ̃ mɑ Yesuwɑ i kɑsu, wi bɑ kpɑre dɑ̃ɑ bunɑnɑrɔ.

Mɑteu 8:26

Yesu u nɛɛ, mbɑn sɔ̃nɑ i bɛrum mɔ̀, bɛɛ nɑɑnɛ doke piibuɡibu. Mɑ u seewɑ u woo kɑ nim kure ni yiire nu mɑri mɑ n mɑri sɔ̃ɔ sɔ̃ɔ.

Luku 1:13

Mɑ ɡɔrɑdo wi, u nùn sɔ̃ɔwɑ u nɛɛ, ɑ ku bɛrum ko Sɑkɑri, domi bɑ wunɛn kɑnɑru mwɑ. Wunɛn kurɔ Elisɑbɛti u koo nun bii tɔn durɔ mɑruɑ, kpɑ ɑ nùn yĩsiru kɛ̃ Yohɑnu.

Luku 1:30

Gɔrɑdo u nùn sɔ̃ɔwɑ u nɛɛ, ɑ ku bɛrum ko Mɑɑri domi Gusunɔ u nun durom kuɑ.

Luku 12:32

Yesu mɑɑ nɛɛ, ɑ ku nɑndɑ yɑ̃ɑ ɡɔ̃ɔ piibu, domi n bɛɛn Bɑɑbɑn ɡɔ̃ru duɑ u kɑ bɛɛ doke bɑn te u swĩi sɔɔ.

Gɔrobun Kookoosu 10:22

Bɑ nɛɛ, Kɔɔnɛru tɑbu sunɔwɑ nun kɑsu, wi u sɑ̃ɑ ɡeeɡii u Gusunɔ sɑ̃ɑmɔ mɑ Yuubɑ kpuro bɑ win seedɑ ɡeɑ dimɔ. Wɔllun ɡɔrɑdo dɛɛro ɡoowɑ nùn sɔ̃ɔwɑ u nun kɑsusio kpɑ u wunɛn nɔɔn ɡɑri nɔ.

Korinti I 3:22

Pɔlu kɑ Apolo kɑ Sefɑ kɑ hɑnduniɑ kɑ wɑ̃ɑru kɑ ɡɔɔ kɑ ye n wɑ̃ɑ ɡisɔ kɑ ye n sisi siɑ, ye kpuro yɑ sɑ̃ɑwɑ bɛɛɡiɑ.

Sɔ̃ɔsiru 18:2

Bɑ ǹ tem wɑsi mu n sɑ̃ɑ ben tubi nɡe Isireli be bɑ tie. Adɑmɑ Yinni Gusunɔɡiɑ yɑ ko n sɑ̃ɑ ben tubi nɡe mɛ u bu sɔ̃ɔwɑ.

Sɔ̃ɔsiru 31:6

Yen sɔ̃, i tii dɑm kɛ̃ɛyɔ kpɑ i n wɔruɡɔru mɔ. I ku nɑndɑ, i ku mɑɑ diiri ben wuswɑɑɔ. Domi Gusunɔ bɛsɛn Yinnin tiiwɑ u koo bɛɛ swɑɑ ɡbiiyɑ. U ǹ bɛɛ derimɔ, u ǹ mɑɑ bɛɛ biru kisimɔ.

Heberu 1:1

Gɑsɔ Gusunɔ u kɑ bɛsɛn sikɑdobɑ ɡɑri kuɑ nɔn dɑbinu kɑ swɑɑ dɑbinu sɑɑ win sɔmɔbun min di.

Kɑ̃siru 1:17

Ye nɑ nùn wɑ, nɑ wɔrumɑ win nɑɑsɔ nɡe ɡoru. Mɑ u mɑn win nɔm ɡeu sɔndi u nɛɛ, n ku bɛrum ko, wiyɑ u sɑ̃ɑ ɡbiikoo kɑ dɑ̃ɑko.

Rutu 2:12

Ǹ n mɛn nɑ, Gusunɔ Isirelibɑn Yinni wi, wìn mi ɑ nɑ u kɑ nun kɔ̃su u nun yen dibu kɔsiɑ mɑm mɑm ye ɑ kuɑ kpuron sɔ̃.

Sɑmuɛli I 15:10

Sɑɑ ye sɔɔrɑ Yinni Gusunɔ u kɑ Sɑmuɛli ɡɑri kuɑ u nùn sɔ̃ɔwɑ u nɛɛ,

Sɑmuɛli I 9:9

Sɑɑ yerɑ Sɔɔlu u sɔm kowo wi sɔ̃ɔwɑ u nɛɛ, ɡeemɑ ɑ ɡeruɑ. A nɑ su dɑ. Mɑ bɑ dɑ wuu mi, mi Gusunɔn tɔnu wi, u wɑ̃ɑ. Ye bɑ wuu ɡen tureru yɔɔmɔ, yerɑ bɑ kɑ wɔndiɑ ɡɑbu yinnɑ bɑ yɑrimɑ bɑ nim tɑkɑm dɔɔ. Bɑ bu bikiɑ bɑ nɛɛ, yɑm wɑo wi, u wɑ̃ɑ mini? N deemɑ yellu Isirelibɑn ɡoo ù n kĩ u ɡɑ̃ɑnu bikiɑ Gusunɔn mi, bɑ rɑ nɛɛwɑ, ɑ nɑ su dɑ yɑm wɑon mi. Wi sɑ tɛ̃ sokumɔ Gusunɔn sɔmɔ, wiyɑ bɑ rɑ sɑnɑm mɛ soku yɑm wɑo.