Torubu 10:6 - Bibeli Gusunɔn Gari

⁶ Be bɑ mɑɑ sɑ̃ɑ Kɑmun bibu, be wee, Kusi kɑ Misirɑimu kɑ Puti kɑ Kɑnɑni.

Torubu 10:6 ပူးပေါင်းရင်းမြစ်များ

Torubu 10:5

Yɑfɛtin bwese terɑ tɑ dɑ tɑ sinɑ nim wɔ̃kun bɔkuɔ kɑ tem burenɔ. Miyɑ bɑ mɑrurɑ mɑ ben bɑɑwure u dɑ u sinɑ yɑm tem kɑ win bwese kɛrɑ, bɑ ben bɑrum ɡerumɔ.

Torubu 2:13

Kɛrɑ yirusen yĩsirɑ mɑɑ Gihoni. Yeyɑ yɑ tem mɛ bɑ mɔ̀ Kusi sikerenɛ.

Torubu 5:32

Ye Nɔwɛ u kuɑ wɔ̃ɔ nɛɛrɑ wunɔbu (500), yerɑ u Sɛmu kɑ Kɑmu kɑ Yɑfɛti mɑrɑ.

Torubu 9:18

Nɔwɛn bibu itɑ be bɑ rɑɑ duɑ kpɑkoro te sɔɔ bɑ yɑrɑ, berɑ Sɛmu kɑ Kɑmu kɑ Yɑfɛti. Kɑmu sɑ̃ɑwɑ Kɑnɑnin tundo.

Torubu 9:22

Ye Kɑmu Kɑnɑnin tundo u win bɑɑn tere te wɑ u dɑ tɔɔwɔ u win mɔɔ kɑ wɔnɔ, Sɛmu kɑ Yɑfɛti sɔ̃ɔwɑ.

Bɑndun Gɑri I 4:40

Bɑ yɑkɑ ɡeesu wɑ mi. Ben tem mɛ, mu kpɑ̃. Mɑ mu wɑ̃ɑ bɔri yɛndu sɔɔ. Domi be bɑ rɑɑ wɑ̃ɑ mi yellu bɑ sɑ̃ɑwɑ Kɑmun bweseru.

Womusu 105:23

Sɑɑ yerɑ Yɑkɔbu kɑ wiɡibu bɑ nɑ bɑ sinɑ Eɡibitiɔ Kɑmun bweserun temɔ.

Womusu 105:27

Mɑ bɑ mɑɑmɑɑki kuɑ kɑ win dɑm tɔn ben suunu sɔɔ Kɑmun tem mi.

Womusu 78:51

U Eɡibitiɡibu be, be bɑ sɑ̃ɑ Kɑmun bibun bweserun bii tɔn durɔ ɡbiikoo bɑɑwure ɡo, be, be bɑ sɑ̃ɑ ben ɑluwɑɑsirun bibu.

Esɑi 11:11

Sɑɑ ye sɔɔ, Yinni Gusunɔ u koo mɑɑ win dɑm sɔ̃ɔsi u kɑ win tɔn be bɑ tie yɑkiɑ be bɑ yɑrinɛ bɑ wɑ̃ɑ Asiriɔ kɑ Eɡibitiɔ kɑ Pɑturɔsiɔ kɑ Etiopiɔ kɑ Elɑmuɔ kɑ Bɑbiloniɔ kɑ Hɑmɑtiɔ Sirin temɔ, kɑ sere be bɑ wɑ̃ɑ nim wɔ̃kun ɡoonɔ.

Yeremi 46:9

Wee bɑ mɔ̀, ben mɑɑsɔbu bu seewo fuuku. Be bɑ tɑbu kɛkɛ be dumi ɡɑwe duɑ, bu duki doo. Ben tɑbu durɔbu bu seewo. Puti kɑ Kusin tɑbu durɔbu be bɑ tɛrɛ piiminu nɛni, kɑ sere Ludibɑ be bɑ sɑ̃ɑ tɛn towobu, bu seewo.

Esekiɛli 27:10

Pɛɛsibɑ kɑ Ludibɑ kɑ Putiɡibun tii bɑ rɑɑ sɑ̃ɑwɑ wunɛn tɑbu kowobu. Bɑ sɑ̃ɑwɑ tɑbu durɔbu kɑ ɡem. Wunɛn miyɑ bɑ rɑ ben tɛrɛnu kɑ ben sii furɔ kɔkɔnu bwɛ̃ kpɑ ye kpuro yɑ n nun bɛɛrɛ doke.

Esekiɛli 38:5

Pɛɛsibɑ kɑ Etiopiɡibu kɑ Putiɡibu be kpuro bɑ tɛrɛnu kɑ sii furɔ kɔkɔnu doke, be kpurowɑ bɑ koo kɑ nùn dɑ.