Torubu 10:5 - Bibeli Gusunɔn Gari

⁵ Yɑfɛtin bwese terɑ tɑ dɑ tɑ sinɑ nim wɔ̃kun bɔkuɔ kɑ tem burenɔ. Miyɑ bɑ mɑrurɑ mɑ ben bɑɑwure u dɑ u sinɑ yɑm tem kɑ win bwese kɛrɑ, bɑ ben bɑrum ɡerumɔ.

Torubu 10:5 ပူးပေါင်းရင်းမြစ်များ

Torubu 10:20

Beyɑ bɑ sɑ̃ɑ Kɑmun bibu. Mɑ ben bɑɑwure u dɑ u sinɑ yɑm tem kɑ win bwese kɛrɑ, bɑ ben bɑrum ɡerumɔ.

Torubu 10:25

Mɑ Heberu u bii tɔn durɔbu yiru mɑrɑ. Turowɑ bɑ sokumɔ Pelɛɡi, yèn sɔ̃ win wɑɑti sɔɔrɑ duniɑɡibɑ tem bɔnu kuɑ. Win wɔnɔn yĩsirɑ mɑɑ Yokutɑni.

Torubu 10:32

Nɡe mɛ Nɔwɛn bibun bweserun kɛri yi sɑ̃ɑ kɑ sere mɑɑ tem mi bɑ dɑ bɑ wɑ̃ɑ wɑ̃ɑ kɑ bɑrum mɛ kɛrɑ bɑɑyere yɑ rɑ ɡere, mɛyɑ mi. Ben min diyɑ hɑnduniɑn bweseru bɑɑtere tɑ yɑrɑ nim yibu bɑkɑ ten biru.

Torubu 10:4

Yɑfɑniwɑ u mɑɑ Elisɑ kɑ Tɑɑsisi kɑ Kitimu kɑ Dodɑnimu mɑrɑ.

Torubu 10:6

Be bɑ mɑɑ sɑ̃ɑ Kɑmun bibu, be wee, Kusi kɑ Misirɑimu kɑ Puti kɑ Kɑnɑni.

Torubu 9:19

Be itɑ beyɑ bɑ sɑ̃ɑ Nɔwɛn bibu. Ben min diyɑ hɑnduniɑɡibɑ tɛriɑrɑ kpuro.

Ɛsitɛɛ 10:1

Sinɑ boko Asuresi u tɔn be bɑ wɑ̃ɑ win tem kpuro sɔɔ wɔ̃ɔ ɡobi surewɑ sere kɑ be bɑ wɑ̃ɑ dɑɑrun ɡoorɔ.

Womusu 72:10

Tɑɑsisi kɑ tem mɛ mu tomɑn sinɑmbu bɑ koo kɑ mɑn ɡbere ɡobi nɑɑwɑ. Sebɑ kɑ Sɑbɑn sinɑmbu bɑ koo kɑ mɑn kɛ̃nu nɑɑwɑ.

Esɑi 11:11

Sɑɑ ye sɔɔ, Yinni Gusunɔ u koo mɑɑ win dɑm sɔ̃ɔsi u kɑ win tɔn be bɑ tie yɑkiɑ be bɑ yɑrinɛ bɑ wɑ̃ɑ Asiriɔ kɑ Eɡibitiɔ kɑ Pɑturɔsiɔ kɑ Etiopiɔ kɑ Elɑmuɔ kɑ Bɑbiloniɔ kɑ Hɑmɑtiɔ Sirin temɔ, kɑ sere be bɑ wɑ̃ɑ nim wɔ̃kun ɡoonɔ.

Esɑi 24:15

bɛɛ be i wɑ̃ɑ sɔ̃ɔ yɑri yeru ɡiɑ kɑ be bɑ wɑ̃ɑ nim wɔ̃kun ɡooru ɡiɑ, i Gusunɔ Isirelibɑn Yinni bɛɛrɛ wɛ̃ɛyɔ.

Esɑi 40:15

Win mi, bwesenu kpuro nu sɑ̃ɑwɑ piiminu nɡe nim burɑ ye yɑ dɑ̃ɑre kotoru sɔɔ. Nu sɑ̃ɑwɑ nɡe kpee tɑnɑ ye yɑ wɑ̃ɑ kilo wɔllɔ, ǹ kun mɛ nɡe tuɑ ye woo ɡɑ kɑ doonɑmɔ.

Esɑi 41:5

Be bɑ wɑ̃ɑ mi n tomɑ bɑ wɑ ye nɑ kuɑ mɑ bɑ nɑndɑ bɑ diirimɔ. Be wee bɑ mɛnnɑ bɑ susimɑmɔ.

Esɑi 42:10

I Yinni Gusunɔ wom kpɔɔ kuo. I nùn siɑro hɑnduniɑn ɡoonu nnɛ ye sɔɔ. Hunde koni be bɑ wɑ̃ɑ nim wɔ̃ku sɔɔ, kɑ bɛɛ be i sĩimɔ ɡen wɔllɔ, kɑ sere be bɑ wɑ̃ɑ n tomɑ, i Yinni Gusunɔ siɑro.

Esɑi 42:4

U ǹ mwiɑ kpɑnɑmɔ. U ǹ mɑɑ wɑsirɑmɔ sere u kɑ de ɡem mu n wɑ̃ɑ hɑnduniɑ kpuro sɔɔ, kpɑ tɔn be bɑ wɑ̃ɑ sere mi n tomɑ bɑ n win woodɑbɑ nɑɑnɛ sɑ̃ɑ.

Esɑi 49:1

Bɛɛ be i wɑ̃ɑ i tomɑ, i swɑɑ dɑkio i nɔ. Yinni Gusunɔwɑ mɑn ɡɔsɑ sɑɑ nɛn mɛron nukurun di. U mɑn sokɑ kɑ nɛn yĩsiru ye bɑ mɑn mɑrɑ wurɛ.

Esɑi 51:5

Nɑ kɑ fɑɑbɑ wee, kpɑ n siri dee dee bwesenu kpuro sɔɔ, kɑ nɛn nɔm dɑmɡuu. Sɑɑ yerɑ be bɑ wɑ̃ɑ n tomɑ bɑ ko n yĩiyɔbu mɔ nɛ sɔɔ, kpɑ bɑ n nɛn dɑm nɑɑnɛ sɑ̃ɑ.

Esɑi 59:18

U koo bɑɑwure siri nɡe mɛ̀n nɔɔ win kookoosu nɛ, kpɑ u kɑ win yibɛrɛbɑ mɔru ko, bɑɑ be bɑ kɑ nùn tomɑ,

Esɑi 60:9

Wunɛn bibɑ bɑ wee tem mi n tomɑn di. Goo nimkuu bɑkɑsɑ su ɡbiɑ su kɑ bu sisi tontonden di, kɑ ben sii ɡeesu kɑ wurɑ bu kɑ mɑn bɛɛrɛ wɛ̃, nɛ, wunɛn Yinni Dɛɛro, nɛ wi nɑ nun wɔlle suɑ.

Yeremi 2:10

I be bɑ wɑ̃ɑ nim wɔ̃kun tem bure te bɑ sokumɔ Sipu mɛɛrio. I ɡoo ɡɔrio Kedɑɑɔ u mɛɛri sɑ̃ɑ sɑ̃ɑ u kɑ wɑ bɑ̀ n mɔ̀ nɡe bɛɛ,

Yeremi 25:22

kɑ Tirin sinɑmbu kɑ Sidonin sinɑmbu, kɑ sere sinɑm be bɑ wɑ̃ɑ nim wɔ̃kun berɑ ɡiɔ,

Esekiɛli 26:15

Wee ye Yinni Gusunɔ u ɡerumɔ Tiri yen sɔ̃. U nɛɛ, be bɑ wɑ̃ɑ n tomɑ nim wɔ̃kun ɡoorɔ, bɑ̀ n nuɑ Tiri yɑ bɑnsu kuɑ mɑ bɑ be bɑ mɛɛrɑ wɑn weeweenu nɔɔmɔ, bɑ koo diiri.

Esekiɛli 26:18

Wee be bɑ wɑ̃ɑ tem burenɔ bɑ diirimɔ Tiri yen kɑm kobun sɔ̃. Be bɑ tomɑ bɑ kɑ wɑ̃ɑ nim wɔ̃kun ɡoorɔ bɑ nɑnde yen kpeerun sɔ̃.

Dɑniɛli 11:18

Yen biru, u koo sĩirɑ wuu si su wɑ̃ɑ nim wɔ̃kun bɔkuɔ kpɑ u sin dɑbinu mwɛɛri. Adɑmɑ tɑbu sunɔ ɡoo u koo win dɑm mɛ buɑ sere u kpɑnɑ u mɔru kɔsiɑ.

Sofoni 2:11

Wi, Yinni Gusunɔ, u ǹ kɑ bu wɔnwɔndu mɔ̀. U koo hɑnduniɑ kpuron bũnu kɑm koosiɑ. Bɑɑ bwese ni nu wɑ̃ɑ tem burenɔ, nu koo yiirɑ win wuswɑɑɔ nin wusɔ.

Sɔ̃ɔsiru 32:8

Sɑnɑm mɛ u tɔmbu tem bɔnu kuɑ, kɑ sɑɑ ye u bweseru bɑɑtere ten tem nɔɔ burɑ yeru kuɑ, u nin bɑɑtere ɡoo wɛ̃ wɔllun di wi u ko n tu kpɑre.