Torubu 1:9 - Bibeli Gusunɔn Gari

⁹ Mɑ Gusunɔ u nɛɛ, nim mɛ mu wɑ̃ɑ wom dirum temɔ mu subenu koowo kpɑ tem ɡbebum mu terɑ. Ye u ɡeruɑ mɛ, mɑ n koorɑ.

Torubu 1:9 ပူးပေါင်းရင်းမြစ်များ

Torubu 1:8

Mɑ u ɡɑ̃ɑ ni sokɑ wɔllu. Sɑɑ ye u yebɑ mɔ̀, sɔ̃ɔ sɔɔ kɑ wɔ̃kuru n swĩinɑ mɑ n kuɑ tɔ̃ru yiruse.

Nɛɛmi 9:6

Mɑ Isirelibɑ bɑ kɑnɑ teni kuɑ bɑ nɛɛ, Yinni, wunɛ turowɑ ɑ sɑ̃ɑ Gusunɔ. Wunɑ ɑ wɔllu kuɑ tɑ kpɑ̃. Wunɑ ɑ mɑɑ kperi kuɑ too. Wunɑ ɑ tem tɑkɑ kuɑ kɑ ye yɑ wɑ̃ɑ mɛ sɔɔ. Wunɑ ɑ nim wɔ̃ku kuɑ kɑ ye yɑ wɑ̃ɑ ɡe sɔɔ. Wunɑ ɑ hunde koni kpuro wɑ̃ɑru wɛ̃. Mɑ kperi kɑ suru kɑ sɔ̃ɔ, ye kpuro yɑ nun bɛɛrɛ wɛ̃ɛmɔ.

Yoobu 26:10

Mɑ u bubenu kuɑ nim wɔ̃kun wɔllɔ, mi yɑm bururɑm kɑ yɑm wɔ̃kurɑ kɑrɑnɛ.

Yoobu 26:7

Wiyɑ u sɔ̃ɔ yɛ̃sɑn nɔm ɡeu doke wom dirum sɔɔ. Mɑ u tem bwɛ̃ kɑm dirum sɔɔ.

Womusu 104:3

Wunɛn wɑ̃ɑ yerɑ wɑ̃ɑ sere wɔllun nim wɔllɔ. Mɑ ɡuru wirɑ sɑ̃ɑ wunɛn tɑbu kɛkɛ. Mɑ ɑ bɛllimɔ wom wɔllɔ.

Womusu 33:7

Mɑ u derɑ nim wɔ̃kun nim mu mɛnnɑ yɑ̃ɑtem.

Womusu 95:5

Nim wɔ̃ku ɡɑ sɑ̃ɑwɑ wiɡuu. Wiyɑ u ɡu kuɑ. Win nɔmɑ yɑ mɑɑ tem kuɑ.

Wɑɑsu kowo 1:7

Dɑɑ bɑkɑnu kpurowɑ nu rɑ nin nim sure nim wɔ̃kuɔ. Adɑmɑ nim wɔ̃ku ɡe, ɡɑ ku rɑ yibu. Swɑɑ tiɑ yerɑ dɑɑ ni, nu kɑ nin nim mɛ suremɔ ɡe sɔɔ.

Yeremi 5:22

Bɑ ǹ koo mɑn nɑsiɑ? Bɑ ǹ koo diiri nɛn wuswɑɑɔ? Nɛnɑ nɑ derɑ yɑni sɛɛri yi nim wɔ̃kun nim ɡunuɑ. Mɑ nɑ nɛɛ, mu ǹ mɑɑ sɑrɑmɔ mi nɑ mɛn nɔɔ burɑ yeru yi mi. Miyɑ mu ko n wɑ̃ɑ sere kɑ bɑɑdommɑɔ. Bɑɑ mɛ nim kurenu nu rɑ se, nu ǹ dɑm mɔ. Bɑɑ mɛ nu rɑ wɔki, mu ku rɑ ɡɑm de.

Yonɑsi 1:9

Mɑ Yonɑsi u bu wisɑ u nɛɛ, nɑ sɑ̃ɑwɑ Heberu. Yinni Gusunɔwɑ nɑ rɑ sɑ̃ wi u wɔllu kɑ tem kɑ nim wɔ̃ku tɑkɑ kuɑ.

Piɛɛ II 3:5

Bɑ yeni duɑri sobun sɔ̃, mɑ ɡɑsɔ ɡɑriyɑ Gusunɔ u ɡeruɑ u kɑ wɔllu kɑ tem tɑkɑ kuɑ. U tem wunɑ nim sɔɔn di, mɑ u mu mɔmɑ kɑ nim.

Kɑ̃siru 10:6

mɑ u bɔ̃ruɑ kɑ Gusunɔn yĩsiru wi u wɑ̃ɑ sere kɑ bɑɑdommɑɔ, wi u wɔllu kɑ ten ɡɑ̃ɑnu tɑkɑ kuɑ, kɑ tem kɑ mɛn ɡɑ̃ɑnu kɑ mɑɑ nim wɔ̃ku kɑ ɡen ɡɑ̃ɑnu. Gɔrɑdo wi, u ɡeruɑ u nɛɛ, sɑɑ kun mɑɑ dɛnyɑsiɑrɔ.