Torubu 1:5 - Bibeli Gusunɔn Gari

⁵ Mɑ u yɑm bururɑm sokɑ sɔ̃ɔ sɔɔ, yɑm wɔ̃kuru mɑɑ wɔ̃kuru. Mɑ sɔ̃ɔ sɔɔ ɡe kɑ wɔ̃ku te, n swĩinɑ mɑ n kuɑ tɔ̃ɔ ɡbiikiru.

Torubu 1:5 ပူးပေါင်းရင်းမြစ်များ

Torubu 1:13

Ye u yebɑ mɔ̀, sɔ̃ɔ sɔɔ kɑ wɔ̃kuru n swĩinɑ mɑ n kuɑ tɔ̃ru itɑse.

Torubu 1:19

Sɑɑ ye u yebɑ mɔ̀, sɔ̃ɔ sɔɔ kɑ wɔ̃kuru n swĩinɑ mɑ n kuɑ tɔ̃ru nnɛse.

Torubu 1:23

Sɑɑ ye u yebɑ mɔ̀, sɔ̃ɔ sɔɔ kɑ wɔ̃kuru n swĩinɑ mɑ n kuɑ tɔ̃ru nɔɔbuse.

Torubu 1:31

Yerɑ u mɛɛrɑ kpuro ye u kuɑ, mɑ n nùn wɛ̃re ɡem ɡem. Sɑɑ ye u yebɑ mɔ̀, sɔ̃ɔ sɔɔ kɑ wɔ̃kuru n swĩinɑ mɑ n kuɑ tɔ̃ru nɔɔbɑ tiɑse.

Torubu 1:8

Mɑ u ɡɑ̃ɑ ni sokɑ wɔllu. Sɑɑ ye u yebɑ mɔ̀, sɔ̃ɔ sɔɔ kɑ wɔ̃kuru n swĩinɑ mɑ n kuɑ tɔ̃ru yiruse.

Torubu 8:22

Sere duniɑ yu kɑ kpe, duurubu kɑ ɡɛ̃ɛbun sɑɑ kɑ wooru kɑ yɑm susurun sɑɑ kɑ sɔ̃ɔ sɑ̃reru kɑ wuburun sɑɑ, kɑ sere mɑɑ sɔ̃ɔ sɔɔ kɑ wɔ̃kuru, yen ɡɑɑ kun kpeemɔ.

Womusu 104:20

Yɑm wɔ̃kuru tɑ̀ n tunumɑ, yɑm tĩrɑwɑ mi. Sɑɑ ye sɔɔrɑ ɡbeeku yɛɛ yi rɑ bɔsum se.

Womusu 19:2

Wɔllu kɑ kperi yi Gusunɔn yiiko sɔ̃ɔsimɔ. Sɔ̃ɔ kɑ suru bɑ Gusunɔn bɛɛrɛ sɔ̃ɔsimɔ. Kɑ win nɔmɑ u sɑɑbɑ yi yi.

Womusu 65:8

Wunɑ ɑ rɑ nim wɔ̃kun wɔkinu mɑrisie, kpɑ ɑ ɡen nim kurenu yɔ̃rɑsiɑ. Mɛyɑ ɑ rɑ mɑɑ tɔmbun wurenu kpeesie.

Womusu 74:16

Wunɑ ɑ wɔ̃kuru kɑ sɔ̃ɔ sɔɔ kuɑ. Wunɑ ɑ yɑm bururɑm kɑ sɔ̃ɔ kuɑ.

Esɑi 45:7

Nɛnɑ nɑ rɑ de yɑm bururɑm kɑ yɑm wɔ̃kurɑ n wɑ̃ɑ. Nɛnɑ nɑ rɑ mɑɑ de ɑlɑfiɑ kɑ wɑhɑlɑ yɑ n wɑ̃ɑ. Nɛ, Yinni Gusunɔwɑ nɑ rɑ ye kpuro ko.

Yeremi 33:20

nɛnɑ nɑ kɑ sɔ̃ɔ sɔɔ kɑ wɔ̃kuru ɑrukɑwɑni bɔkuɑ. Ì n ko i kpĩ i yen ɡɑɑ yɔ̃rɑsiɑ yu ku mɑɑ sɔmburu ko yen sɑɑ sɔɔ, kpɑ yu nɛn ɑrukɑwɑni ye kusiɑ,

Gbɑburu 20:29

Ye Isirelibɑ bɑ wɑ mɑ Aroni u ɡuwɑ, yerɑ be kpuro bɑ win ɡɔɔ swĩ sɔ̃ɔ tɛnɑ.

Korinti I 3:13

bɑɑwuren sɔmburɑ koo sɔ̃ɔsirɑ domi siribun tɔ̃ru tɑ koo tu terɑsiɑ, yèn sɔ̃ dɔ̃ɔwɑ tɑ koo kɑ nɑ kpɑ dɔ̃ɔ wi, u bɑɑwuren sɔmburun dɑm mɛɛri.

Efesu 5:13

Adɑmɑ kookoo si, sù n terɑ yɑm bururɑm sɔɔ, su koo sɔ̃ɔsirɑ kpɑsɑsɑ.

Tɛsɑlonikɑ I 5:5

Bɛɛ kpurowɑ i sɑ̃ɑ yɑm bururɑm tɔmbu kɑ mɑɑ sɔ̃ɔ sɔɔɡibu. Sɑ ǹ sɑ̃ɑ wɔ̃kuruɡibu be bɑ wɑ̃ɑ yɑm wɔ̃kuru sɔɔ.