Torubu 1:3 - Bibeli Gusunɔn Gari

³ Yerɑ Gusunɔ u nɛɛ, yɑm bururɑm mu kooro. Ye u ɡeruɑ mɛ, mɑ mu koorɑ.

Torubu 1:3 ပူးပေါင်းရင်းမြစ်များ

Torubu 2:4

Sɑnɑm mɛ Yinni Gusunɔ u wɔllu kɑ tem tɑkɑ kuɑ,

Yoobu 36:30

Yoobu, ɑ yɛ̃ mɑ Gusunɔwɑ u ɡuru mɑɑkinu kuɑ nu kɑ nùn sikerenɛ. Mɑ yɑm wɔ̃kurɑ wɑ̃ɑ nim wɔ̃kun sɔɔwɔ.

Yoobu 38:19

Mɑnɑ swɑɑ wɑ̃ɑ ye yɑ dɔɔ yɑm bururɑm ɡiɑ. Mɑnɑ yɑm wɔ̃kuru tɑ ten wɑ̃ɑ yeru mɔ.

Womusu 104:2

A rɑ tii yɑm bururɑm wukiri nɡe bekuru. A rɑ wɔllu tɛrie nɡe beku bɑkɑru.

Womusu 118:27

Gusunɔ u sɑ̃ɑwɑ Yinni. Wiyɑ u sun yɑm bururɑsie. I yɑ̃ku yɑɑ bɔkuo. I kɑ ye doo sere yɑ̃ku yerun kɑ̃ɑnɔ.

Womusu 148:5

U woodɑ wɛ̃, ye kpuro yɑ koorɑ. Ye kpuro yu nùn siɑro.

Womusu 33:6

Win nɔɔn ɡɑriyɑ wɔllɑ kɑ tɑkɑ koorɑ, kɑ ɡɑ̃ɑ ni nu wɑ̃ɑ te sɔɔ kpuro.

Womusu 33:9

Domi ye u ɡeruɑ kpuro, yerɑ yɑ rɑ koore. Ù n woodɑ wɛ̃ kpɑ yu koorɑ.

Womusu 97:11

Yɑm bururɑm mu wɑ̃ɑwɑ ɡemɡiin sɔ̃. Nuku dobu bu wɑ̃ɑwɑ bèn ɡɔ̃ru ɡɑ dɛɛren sɔ̃.

Esɑi 45:7

Nɛnɑ nɑ rɑ de yɑm bururɑm kɑ yɑm wɔ̃kurɑ n wɑ̃ɑ. Nɛnɑ nɑ rɑ mɑɑ de ɑlɑfiɑ kɑ wɑhɑlɑ yɑ n wɑ̃ɑ. Nɛ, Yinni Gusunɔwɑ nɑ rɑ ye kpuro ko.

Esɑi 60:19

N ǹ mɑɑ sɔ̃ɔ u koo nun yɑm bururɑsiɑ sɔ̃ɔ sɔɔ. N ǹ mɑɑ suru u koo nun yɑm dɛɛrɑsiɑ wɔ̃kuru. Adɑmɑ nɛ, Yinni Gusunɔwɑ ko nɑ n nun yɑm bururɑsie sere kɑ bɑɑdommɑɔ, kpɑ ɑ bɛɛrɛ wɑ nɛn sɔ̃.

Mɑteu 8:3

Yesu u win nɔmu dɛmiɑ u nùn bɑbɑ mɑ u nɛɛ, nɑ wurɑ, ɑ bɛkuro kpɑ ɑ dɛɛrɑ. Mii mii u bɛkurɑ u dɛɛrɑ sɑɑ win bɑrɑrun di.

Yohɑnu 1:5

Yɑm bururɑm mɛ, mu bɑllimɔ yɑm wɔ̃kurɔ. Yɑm wɔ̃ku te, tɑ ǹ mɑɑ yɑm bururɑm mɛ ɡo.

Yohɑnu 1:9

Yɑm bururɑm mɛ tɔnɑwɑ mu sɑ̃ɑ yɑm bururɑm ɡem mɛ mu nɑ hɑnduniɑɔ mu tɔmbu kpuro yɑm dɛɛrɑsiɑmmɛ.

Yohɑnu 11:43

Sɑnɑm mɛ u yeni ɡeruɑ u kpɑ, mɑ u ɡbɑ̃rɑ kɑ dɑm u nɛɛ, Lɑsɑɑ, ɑ yɑrimɑ!

Yohɑnu 3:19

N wee mìn di tɑɑrɛ wɛ̃ɛbu nɑ. Yɑm bururɑm mu nɑ hɑnduniɑɔ, ɑdɑmɑ tɔmbɑ yɑm wɔ̃kuru kĩɑ n yɑm bururɑm kere yèn sɔ̃ ben kookoosu kun wɑ̃ si bɑ mɔ̀.

Korinti II 4:6

Gusunɔ wi u nɛɛ, yɑm bururɑm mu bɑllio yɑm wɔ̃kurɔ, wiyɑ mɑɑ win yɑm bururɑm bɑllisiɑ bɛsɛn ɡɔ̃ruɔ, su kɑ win yiiko ɡiɑ ye yɑ bɑllimɔ Kirisin wuswɑɑn di.

Efesu 5:14

Geemɑ ɡɑ̃ɑnu bɑɑnire ni nu sɔ̃ɔsirɑ kpɑsɑsɑ, nu rɑ kowɑ yɑm bururɑm. Yen sɔ̃nɑ Gusunɔn ɡɑri nɛɛ, “A yɑndo wunɛ wi ɑ do. A seewo ɡɔrin di. Kpɑ Kirisi u nun yɑm bururɑsiɑ.”

Efesu 5:8

Yellu bɛɛn tii i rɑɑ wɑ̃ɑwɑ yɑm wɔ̃kuru sɔɔ. Adɑmɑ tɛ̃, bɛɛ kɑ Yinnin ɡbinnɑɑn sɔ̃, i wɑ̃ɑ yɑm bururɑm sɔɔ. Ǹ n mɛn nɑ, i de i n sĩimɔ nɡe yɑm bururɑmɡibu.

Timɔte I 6:16

Wi turowɑ sɑ̃ɑ wi u kun ɡbimɔ. U wɑ̃ɑ yɑm bururɑm sɔɔ mɛ ɡoo kun kpɛ̃ u susi. Goo kun nùn wɑɑre, ɡoo u ǹ kpɛ̃ u mɑm nùn wɑ. Wiɡiɑ bɛɛrɛ kɑ sinɑru te tɑ ku rɑ kpe. Ami.

Yohɑnu I 1:5

Lɑbɑɑri wee ye sɑ nuɑ sɑɑ Yesu Kirisi win min di, mɑ sɑ bɛɛ ye nɔɔsiɑmɔ. Gusunɔ sɑ̃ɑwɑ yɑm bururɑm, yɑm wɔ̃kuru sɑri win mi.

Yohɑnu I 2:8

Kɑ mɛ, woodɑ ye nɑ bɛɛ yoruɑmmɛ yɑ sɑ̃ɑwɑ woodɑ kpɑɑ, mɑ yen ɡem mu sɔ̃ɔsirɑ Kirisi sɔɔ kɑ mɑɑ bɛɛ sɔɔ. Domi yɑm wɔ̃kurɑ doonɔ, mɑ yɑm bururɑm ɡem mu bɑllimɔ.