Torubu 1:28 - Bibeli Gusunɔn Gari

²⁸ Mɑ u bu domɑru kuɑ u nɛɛ, i mɑruro i dɑbiɑ i hɑnduniɑ yibu yɑ n sɑ̃ɑ bɛɛɡiɑ kpɑ i n yɛɛ kpuro nɔmɑ sikerenɛ. Yiyɑ swɛ̃ɛ kɑ ɡunɔsu kɑ yɛɛ yi yi sĩimɔ temɔ kpuro.

Torubu 1:28 ပူးပေါင်းရင်းမြစ်များ

Torubu 1:22

Yen biru u yi domɑru kuɑ u nɛɛ, yi kɔwɑro yi dɑbiɑ yi yibu nim wɔ̃kun nim sɔɔ kpɑ ɡunɔsu su dɑbiɑ hɑnduniɑ sɔɔ.

Torubu 17:16

Kon nùn domɑru kuɑ kpɑ u nun bii tɔn durɔ mɑruɑ. Nɛn domɑ ten sɑɑbu bwese dɑbinu kɑ sinɑmbu bɑ koo kɔwɑrɑ win min di.

Torubu 17:20

Mɛyɑ nɑ wunɛn kɑnɑru nuɑ te ɑ kuɑ Isimɛɛlin sɔ̃. Wee, kon mɑɑ nùn domɑru kuɑ kpɑ u mɑrurɑ, win bibu bu dɑbiɑ sere bɑ ǹ ɡɑrirɔ. U koo bibu wɔkurɑ yiru mɑ, kpɑ bii be, bu ko bwese bɑkɑrun kɛri wɔkurɑ yirun nuuru.

Torubu 24:60

Bɑ Rebekɑ domɑru kuɑ bɑ nɛɛ, wunɑ bɛsɛn sesu, Gusunɔ u de ɑ ko tɔn dɑbinun mɛro, kpɑ wunɛn bibun bweseru tu ten yibɛrɛbɑ tɑɑre tu ben wusu mwɛɛri.

Torubu 26:24

Yerɑ Yinni Gusunɔ u nùn kure wɔ̃ku te, u nɛɛ, nɛnɑ nɑ Gusunɔ wunɛn tundo Aburɑhɑmun Yinni. A ku bɛrum ko. Ko nɑ n wɑ̃ɑ kɑ wunɛ. Kon nun domɑru kuɑ kpɑ n de wunɛn bweseru tu dɑbiɑ nɛn bɔ̃ɔ Aburɑhɑmun sɔ̃.

Torubu 33:5

Ye Esɑu u nɔni seeyɑ u Yɑkɔbun kurɔ be kɑ bii be wɑ, yerɑ u nɛɛ, berɑ̀ beni. Yɑkɔbu u nùn wisɑ u nɛɛ, bii be Gusunɔ u mɑn kɑ̃ win durom sɑɑbu, berɑ mi.

Torubu 49:25

wiyɑ u koo nun somi u nun domɑru kuɑ, kpɑ ɡurɑ yu nun nɛɛyɑ, kpɑ nim mu n yibɑ bwiiyɔ yi ɑ mɔ wunɛn tem sɔɔ. U koo mɑɑ wunɛn kurɔbu ko bii mɛrobu, kpɑ wunɛn sɑbenu nu mɑ.

Torubu 5:2

U bu sokɑ tɔmbu mɑ u bu domɑru kuɑ.

Torubu 6:1

Sɑnɑm mɛ tɔmbɑ kɔwɑrɑbu toruɑ hɑnduniɑ sɔɔ mɑ bɑ bii tɔn kurɔbu mɑrumɔ,

Torubu 8:17

I kɑ yɛɛ bwese bwesekɑ kpuro yɑrio sɑɑ ɡunɔsu sere yɛɛ nɑɑsu nnɛɡii kɑ yɛɛ yi yi rɑ kɑbiri temɔ, kpɑ yi mɑrurɑ yi dɑbiɑ kpɑ yi tɛriɑ temɔ.

Torubu 9:1

Yen biru Gusunɔ u Nɔwɛ kɑ win bibu domɑru kuɑ u nɛɛ, i mɑruro i dɑbiɑ kpɑ i yibu tem sɔɔ.

Torubu 9:7

Adɑmɑ i n mɑrurɑmɔ i n dɑbiɑmɔ kpɑ i tɛriɑ tem sɔɔ.

Bɑndun Gɑri I 26:5

kɑ Amiɛli kɑ Isɑkɑri kɑ sere Pɛlitɑi.

Bɑndun Gɑri I 4:10

Yɑbɛsi wi, u kɑnɑru kuɑ u nɛɛ, Gusunɔ, Isirelibɑn Yinni, ɑ de wunɛn domɑru tɑ n mɑn wɑ̃ɑsi. A nɛn tem kpɑ̃ɑru sosio. A wunɛn nɔmu dɛmiɔ ɑ mɑn kɔ̃su. Kpɑ ɑ de nɔni swɑ̃ɑru kɑ wɑhɑlɑ yu kɑ mɑn tondɑ. Mɑ Gusunɔ u nùn kuɑ ye u bikiɑ.

Yoobu 39:11

Kɑɑ ye nɑɑnɛ ko yèn sɔ̃ yɑ dɑm bɑkɑm mɔ? Kɑɑ ye wunɛn sɔmburu kpuro nɔmu sɔndiɑ?

Yoobu 42:12

Gusunɔ u nùn domɑru kuɑ win sɑnɑm dɑ̃ɑkim mɛ sɔɔ n kere win yellun wɑ̃ɑru. Win ɑrumɑni ye u wɑ wee, yɑ̃ɑnu nɔrɔbun subɑ wɔkurɑ nnɛ (14.000) kɑ yooyoosu nɔrɔbun subɑ nɔɔbɑ tiɑ (6.000) kɑ nɑɑ wuku nɔrɔbun subɑ yiru (2.000) kɑ kɛtɛku ninu nɔrɔbu (1.000).

Womusu 107:38

U rɑ bu domɑru kue bu dɑbiɑ. Kpɑ u ben yɑɑ sɑbenu kuurɑsiɑ.

Womusu 115:16

Wɔllu tɑ sɑ̃ɑwɑ wiɡiru, mɑ u tɔmbu tem wɛ̃.

Womusu 69:34

Domi Yinni Gusunɔ u rɑ sɑ̃ɑrobun ɡɑri nɔ. U ku rɑ wiɡibu duɑri be bɑ wɑ̃ɑ dɛsiru sɔɔ.

Womusu 8:6

Wee, ɑ nùn tɑkɑ kuɑ u kɑ nun ɡɛrɛrɛm dɑ. Wee, ɑ nùn yiiko kɑ bɛɛrɛ wɛ̃ nɡe sunɔ.

Womusu 8:7

Wee, ɑ nùn kuɑ wiruɡii tɑkɑ koorɑ kpuro sɔɔ. Wiyɑ u kpɑɑku yɛɛ nɔmɑ sikerenɛ. Wiyɑ u ɡbeeku yɛɛ nɔmɑ sikerenɛ. Wiyɑ u ɡunɔsu nɔmɑ sikerenɛ. Wiyɑ u swɛ̃ɛ nɔmɑ sikerenɛ, kɑ hunde konibɑ kpuro nim sɔɔ.

Esɑi 45:18

Yinni Gusunɔ turowɑ u sɑ̃ɑ Gusunɔ. Wiyɑ u wɔllu tɑkɑ kuɑ, mɑ u tem kuɑ. U ǹ mɑɑ dere mu n wɑ̃ɑ dirum, kpɑ hunde konibɑ bɑ n kɑ wɑ̃ɑ mɛ sɔɔ. Wiyɑ u ɡeruɑ u nɛɛ, wiyɑ Yinni Gusunɔ. Goo mɑɑ sɑri nɡe wi.

Sɑ̃ɑrun Woodɑ 26:9

Kon kɑ bɛɛ nɔnu ɡeu mɛɛri kpɑ n de i mɑrurɑ i kɔwɑrɑ kpɑ n de nɛn ɑrukɑwɑni yɑ n wɑ̃ɑ sere kɑ bɛɛn bibun bibɔ.

Timɔte I 4:3

Tɔn ben bweserɑ bɑ ɡerumɔ mɑ n ǹ wɑ̃ tɔmbu bu suɑnɑ, yen biru n ǹ mɑɑ weenɛ bu dĩɑnu kpuro di. Adɑmɑ Gusunɔ u ye kpuro tɑkɑ kuɑwɑ nɑɑnɛ dokeobu be bɑ ɡem ɡiɑ bu kɑ di kɑ siɑrɑbu sɑnnu.