Torubu 1:27 - Bibeli Gusunɔn Gari

²⁷ Ye u ɡeruɑ mɛ, mɑ u tɔnu tɑkɑ kuɑ u kɑ nùn weenɛ mɑm mɑm. U bu kuɑwɑ durɔ kɑ kurɔ.

Torubu 1:27 ပူးပေါင်းရင်းမြစ်များ

Torubu 2:18

Kɑ temɑ Yinni Gusunɔ u ɡbeeku yɛɛ kpuro kuɑ kɑ ɡunɔsu kpuro, mɑ u kɑ ye kpuro nɑ tɔnu win mi, u kɑ wɑ mɛ u koo ye yĩsiru kɛ̃. Mɑ tɔnu wi, u yɑɑ sɑbenu kpuro kɑ ɡunɔsu kɑ ɡbeeku yɛɛ kpuro yĩsɑ kɑ̃. Yĩsi te tɔnu wi, u mɑɑ yɑɑ bɑɑyere kɑ̃ teyɑ bɑ kɑ ye sokumɔ. Adɑmɑ ye kpuro sɔɔ, sɑri ye yɑ kɑ nùn weenɛ ye yɑ koo nùn somi. Yen sɔ̃nɑ Yinni Gusunɔ u nɛɛ, n ǹ wɑ̃ tɔnu u n wɑ̃ɑ wi turo. Kon nùn ɡoo kuɑ u n sɑ̃ɑ nɡe wi, wi u koo nùn somi.

Torubu 2:7

Yen biruwɑ Yinni Gusunɔ u tɔnu mɔmɑ kɑ tem u nùn wɑ̃ɑrun wom wɛ̃sie win wɛ̃rɔ, mɑ tɔnu kuɑ wɑso.

Torubu 9:6

Wi u tɔnun yɛm yɑri, tɔnuwɑ koo mɑɑ yɛ̃ron yɛm yɑri, domi nɑ tɔnu tɑkɑ kuɑwɑ nɛn weenɑsii.

Womusu 139:14

Nɑ nun siɑrɑ yèn sɔ̃ ɑ mɑn tɑkɑ kuɑ kɑ wunɛn dɑm mɑɑmɑɑkiɡim. Wunɛn nɔmɑn sɔmɑ kun ɡere mɔ. Yeniwɑ nɑ yɛ̃ sɑ̃ɑ sɑ̃ɑ nɛn ɡɔ̃ruɔ.

Wɑɑsu kowo 7:29

Ye nɑ tubɑ mi sɔɔ, yerɑ Gusunɔ u tɔmbu kuɑwɑ bɑ sɑ̃ɑ dee dee. Adɑmɑ ben tiiwɑ bɑ ben wɑ̃ɑru sɛ̃siɑsiɑ.

Esɑi 43:7

be, be bɑ nɛn yĩsiru sɔɔwɑ, be nɑ tɑkɑ kuɑ bu kɑ mɑn bɛɛrɛ wɛ̃.

Yeremi 29:6

I kurɔbu suo kpɑ i bibu mɑ. I de bɛɛn bii tɔn durɔbu bu kurɔbu suɑ bu bibu mɑ, kpɑ i bɛɛn bii tɔn kurɔbu durɔbu kɛ̃ kpɑ ben tii bu mɑɑ kɔwɑrɑ. I dɑbio mi i wɑ̃ɑ mi, i ku kɑɑrɑ.

Mɑlɑsi 2:15

Yinni Gusunɔ u ǹ bɛɛ kue tiɑ wɑsi sɔɔ kɑ bwisikunu sɔɔ? Mbɑ i nɑɑ ɡire sɑnnu. N ǹ Gusunɔ u bɛɛ bibu kɛ̃? Ǹ n mɛn nɑ, i n tii sɛ kpɑ bɛɛn bɑɑwure u ku win kurɔ ɡbiikoo yinɑ.

Mɑteu 19:4

Yesu u nɛɛ, i ǹ ɡɑrire Gusunɔn ɡɑri sɔɔ mɑ “Toren di Tɑkɑ kowo u bu kuɑwɑ durɔ kɑ kurɔ.”

Mɑɑku 10:6

Adɑmɑ sɑnɑm mɛ Gusunɔ u hɑnduniɑ tɑkɑ kuɑ u tɔmbu tɑkɑ kuɑwɑ durɔ kɑ kurɔ.

Efesu 2:10

Domi sɑ sɑ̃ɑwɑ Gusunɔn nɔmɑn sɔmburu. U sun tɑkɑ kuɑwɑ bɛsɛ kɑ Yesu Kirisin ɡbinnɑɑ sɔɔ su kɑ sɔm ɡeenu ko nìn sɔɔru u kuɑ sɑɑ yellun di.

Efesu 4:24

kpɑ i dɑɑ kpɑɑ sebe ye yɑ kɑ Gusunɔɡiɑ weenɛ mɑ yɑ sɔ̃ɔsirɑmɔ wɑ̃ɑ ɡeeru sɔɔ te tɑ dɛɛre mɑ tɑ wee sɑɑ ɡem ɡɑrin min di.

Sɔ̃ɔsiru 4:32

I bwisikuo ye yɑ koorɑ yellu, ye yɑ koorɑ tɛɛ tɛɛbun di sɑɑ mìn di Gusunɔ u tɔnu tɑkɑ kuɑ hɑnduniɑ sɔɔ. I bwisikuo ye yɑ koorɑ hɑnduniɑn ɡoonu nnɛ kpuro sɔɔ. Gɑ̃ɑ mɑɑmɑɑkiɡinu ɡɑnu nu koore nɡe nini? I nɔɔre bɑ ɡɑ̃ɑnu ɡerure nɡe mɛni?

Kolose 1:15

Gusunɔ u ǹ wɑɑrɔ ɑdɑmɑ Kirisi u sun nùn sɔ̃ɔsi mɑm mɑm win wɑsi sɔɔ. U sɑ̃ɑ win Bii yerumɑ wi u wɑ̃ɑ bɑ sere ɡɑ̃ɑnu kpuro tɑkɑ kuɑ.

Kolose 1:26

Gɑri yi, yi sɑ̃ɑ ɑsiri ye u rɑɑ tɔmbu kpuro berue sɑɑ yellun di, ɑdɑmɑ tɛ̃ u wiɡibu ye sɔ̃ɔsi.

Kolose 3:10

mɑ i dɑɑ kpɑɑ sebuɑ. Gusunɔwɑ u bɛɛ dɑɑ kpɑɑ ye wɛ̃ i n kɑ nùn ɡiɑmɔ kpɑ i n kɑ nùn weenɑmɔ.

Kpɑrobu 21:22

Ben mɔwɔbu bɑ̀ n nɑ, bɑ sun weeweenu koosi, sɑ ko bu wisi su nɛɛ, sɑǹ kpĩɑ sɑ bɛɛ kpuro kurɔbu wɑɑwe Yɑbɛsin tɑɑ bi sɔɔ. Nɡe mɛ n ǹ ben tii bɑ bɛɛ bii wɔndiɑ be wɛ̃, bɑǹ ben nɔɔ mwɛɛru kɔbie.