Torubu 1:11 - Bibeli Gusunɔn Gari

¹¹ Yerɑ u nɛɛ, tem mu ɡɑ̃ɑ dɑbinu kpiiyo, kɑ yɑkɑ si su ko n binu mɑrumɔ kɑ dɑ̃ɑ binuɡii bwese bwesekɑ ni nu nin bweseru mɔ nin mɑrum sɔɔ. Ye u ɡeruɑ mɛ, mɑ n koorɑ.

Torubu 1:11 ပူးပေါင်းရင်းမြစ်များ

Torubu 1:12

Tem mu ɡɑ̃ɑ dɑbinu kpiɑ, kɑ yɑkɑ bwese bwesekɑ si su binu mɑrumɔ, kɑ dɑ̃ɑ binuɡii bwese bwesekɑ ni nu bweseru mɔ nin mɑrum sɔɔ. Mɑ n nùn wɛ̃re.

Torubu 1:29

U mɑɑ nɛɛ, wee ye i ko n dɑ di. Yeyɑ yɑkɔ bweseru bɑɑtere tem sɔɔ kpuro te tɑ rɑ binu mɑ, kɑ dɑ̃ɑ binuɡiru bɑɑtere te tɑ ten bweseru mɔ ten mɑrum sɔɔ.

Torubu 2:16

Mɑ u nùn woodɑ yeni wɛ̃ u nɛɛ, kɑɑ kpĩ ɑ ɡbɑɑ ten dɑ̃nu kpuron binu di.

Torubu 2:5

dɑ̃ru ɡɑrɑ kun ɡinɑ kpiɑ tem sɔɔ, yɑkɑsu ɡɑsu kun mɑɑ kpiɑ domi Yinni Gusunɔ kun ɡinɑ ɡurɑ nɛɛsie sɑnɑm mɛ. Tɔnu mɑɑ sɑri wi u koo tem mɛ wuku.

Torubu 2:9

Mɑ u dɑ̃ɑ bwese bwesekɑ kpiisiɑ te sɔɔ, ni nu wɑɑbu wɑ̃ kɑ ni nu dim do, kɑ sere dɑ̃ɑ tèn binu nu koo tɔnu wɑ̃ɑru wɛ̃, kɑ mɑɑ tèn binu nu koo tɔnu ɡeɑ kɑ kɔ̃sɑ ɡiɑsiɑ. Dɑ̃nu yiru ye, nu wɑ̃ɑwɑ ɡbɑɑ ten suunu sɔɔ.

Yoobu 28:5

Tem wɔllɔwɑ dĩɑnu rɑ kpi. Adɑmɑ mɛn sɔɔwɔ, n sɑ̃ɑwɑ nɡe ɡɑ̃ɑnu kpuro dɔ̃ɔ mwɑɑre.

Womusu 1:3

U sɑ̃ɑ nɡe dɑ̃ɑ te tɑ yɔ̃ dɑɑrɔ. Ten wurusu rɑ n bekusu sɑ̃ɑwɑ sɑɑ kpuro. Tɑ rɑ mɑwɑ ten mɑrubun sɑɑ sɔɔ. Tɔnu wi u sɑ̃ɑ nɡe mɛ, ye u seewɑ u wɔri kpuro, yɑ rɑ koorewɑ.

Womusu 147:8

U rɑ de ɡuru wiru tu wɔllu wukiri, kpɑ u ɡurɑ sɔɔru kuɑ yu kɑ nɛ tem sɔɔ, kpɑ u yɑkɑsu kpiisiɑ ɡuunu wɔllɔ.

Esɑi 61:11

Nɡe mɛ tem mu rɑ de dĩɑ bweseru tu kpi, nɡe mɛyɑ Yinni Gusunɔ u koo win tɔmbu fɑɑbɑ ko u bu bɛɛrɛ wɛ̃, kpɑ bwesenu kpuro nu ye wɑ.

Yeremi 17:8

Yɛ̃ro ko n sɑ̃ɑwɑ nɡe dɑ̃ɑ te tɑ yɔ̃ dɑɑrun ɡoorɔ, tèn ɡbini yi ku rɑ nim bie. Dɑ̃ɑ ten bweseru tɑ ku rɑ n yɑm susuru ɡɑrɑ. Ten wurusu rɑ n bekusu sɑ̃ɑwɑ sɑɑ kpuro. Sɔ̃ɔ sɑ̃rerun sɑɑ yɑ̀ n nɑ, tɑ ku rɑ ɡbere, bɑɑ wɔ̃ɔ ɡe ɡbeburɑ yɔ̃rɑ. Mɛyɑ tɑ ku rɑ mɑɑ mɑrubu yɔ̃re.

Mɑteu 3:10

Wee, bɑ ɡbɑ̃ɑ wɑsi kɔ bu kɑ dɑ̃ɑ wukiri. Dɑ̃ru bɑɑtere te tɑ ǹ bii ɡeenu mɑrumɔ terɑ bɑ koo burɑ kpɑ bu doke dɔ̃ɔ sɔɔ.

Mɑteu 6:30

Gusunɔwɑ u yɑkɑsu burɑru wɛ̃ɛmɔ ɡberɔ, si su wɑ̃ɑ ɡisɔ ɑdɑmɑ siɑ bɑ koo su kpɛ̃ɛ dɔ̃ɔ sɔɔ. Yerɑ u ǹ koo bɛɛ yɑ̃nu wɛ̃ n kere yɑkɑ si? Annɑ ɑ wɑ mɛ bɛɛn nɑɑnɛ dokebu piibu kuɑ.

Mɑɑku 4:28

Temɑ mu kɑ mɛn tii tu kpiisiɑmɔ, ɡbiikɑɑ kpii nɔnu, yen biru kɛri, dɑ̃kuru kpɑ tu bɛm doke.

Korinti I 15:38

Gusunɔ u biɑ ye kpii pɔturɑ wɛ̃ɛmɔ nɡe mɛ u kĩ. Biɑ bɑɑyere yɑ yen kpii pɔturɑ mɔ.

Heberu 6:7

Sɑnɑm mɛ tem mu ɡuri nim nɔrumɔ kiri kiri mɑ mu dĩɑnu kpiisiɑmɔ ni nu koo mɛn yɛ̃robu ɑrufɑɑni kuɑ, Gusunɔ u rɑ mu domɑru kuewɑ.

Yɑkɔbu 3:12

Nɛɡibu, mɑnɡo yɑ koo sɔ̃ɔbun binu mɑ? Nɡe bere tɔ̃kɑ yɑ koo mɑnɡo mɑ? Mɛyɑ mɑɑ bɑ ku rɑ nim durom sɔke nim mɛ mu bɔru mɔn di.