Titu 1:7 - Bibeli Gusunɔn Gari

⁷ N weenɛwɑ yiɡbɛ kpɑro u n sɑ̃ɑ tɑɑrɛ sɑriruɡii yèn sɔ̃ u Gusunɔn sɔmburu nɛni. N ǹ weenɛ u n sɑ̃ɑ tii suo, ǹ kun mɛ mɔruɡii, ǹ kun mɛ tɑm nɔro, ǹ kun mɛ nɔɔ ɡɔmunuɡii, ǹ kun mɛ wi u dukiɑ kɑsu kɑ keetɑ.

Titu 1:7 ပူးပေါင်းရင်းမြစ်များ

Torubu 49:6

Bɛɛn mɔrun sɔ̃ i tɔmbu ɡo. Bɛɛn nuku kɔ̃surun sɔ̃ i kɛtɛ kinɛnun nɑɑ sĩinu bɔɔrɑ. Yen sɔ̃, nɛn ɡɔ̃ru ɡu ku rɑɑ du bɛɛn kɑnkɑm wesiɑnɔ sɔɔ. Nɛn bwɛ̃rɑ yu ku rɑɑ kɑ bɛɛ mɛnnɛ.

Mɔnnu 14:17

Wi u rɑ mɔru se fuuku, ɡɑri bɑkɑ kookoosɑ u mɔ̀. Wi u bwisi kɔ̃si yibɑ, u tii tusiru ɡuremɔwɑ.

Mɔnnu 15:18

Wi u mɔru mɔ, u rɑ sɑnnɔsu seeyewɑ, ɑdɑmɑ wi u suuru mɔ u rɑ su kpeesiewɑ.

Mɔnnu 16:32

Wi u kpĩɑ u win mɔru kɑmiɑ, u sɑ̃ɑwɑ tɑbu durɔ kɑ ɡem. Wi u kpĩɑ u tii nɛnuɑ, u kere tɑbu durɔ wi u wuu bɔkɔ kɑmiɑ.

Wɑɑsu kowo 7:9

A ku de wunɛn mɔru yɑ n dɑ fuuku se. Domi ɡɑri bɔkɔn miyɑ mɔru yɑ rɑ n wɑ̃ɑ.

Esɑi 28:7

Adɑmɑ tɛ̃, bɑɑ kɑ Gusunɔn sɔmɔbu kɑ yɑ̃ku kowobu, tɑm bɔɔbɔm mu bu tirekirɑmɔ mɑ bɑ bɑ̃ɑrimɔ mɛn sɔ̃, sere Gusunɔn sɔmɔbu bɑ ǹ mɑɑ win ɡɑri mɔ̀ dee dee. Yɑ̃ku kowobun tii bɑ ǹ mɑɑ kpɛ̃ bu siri dee dee.

Esekiɛli 44:21

Yɑ̃ku kowo ɡoo u ku rɑɑ tɑm nɔ u sere dɑ nɛn sɑ̃ɑ yerun yɑɑrɑ sɔɔkɑɑɔ.

Sɑ̃ɑrun Woodɑ 10:9

ɑ ǹ kɑɑ tɑm bɔɔbɔm ɡɑm nɔ wunɛ kɑ wunɛn bibu ì n dɔɔ nɛn kuu bekuruɡirɔ, kpɑ i ku rɑ kɑ ɡbin sɔ̃. Kpɑ i kɑ kpĩ i wunɑnɑ ye yɑ sɑ̃ɑ sɑ̃ɑruɡiɑ kɑ ye yɑ ǹ sɑ̃ɑ sɑ̃ɑruɡiɑ. Mɛyɑ i ko i mɑɑ kpĩ i wunɑnɑ ye yɑ dɛɛre kɑ ye yɑ ǹ dɛɛre. Mɛyɑ i ko i mɑɑ kpĩ i Isirelibɑ Gusunɔn woodɑbɑ kpuro sɔ̃ɔsi ye u Mɔwisi wɛ̃. Yeni yɑ ko n sɑ̃ɑwɑ woodɑ sere kɑ bɛɛn bibun bweserɔ.

Mɑteu 24:45

Mɑ Yesu nɛɛ, wɑrɑ sɑ̃ɑ yoo lɑɑkɑriɡii wi u nɑɑnɛ mɔ. Wiyɑ wi win yinni u win sɔm kowo be bɑ tie nɔmu sɔndiɑ, u kɑ bu nɔɔri sɑɑ ye n weenɛ.

Luku 12:42

Mɑ Yinni u nɛɛ, wɑrɑ yoo lɑɑkɑriɡii wi u nɑɑnɛ mɔ. Wiyɑ wi yɛnu yɛ̃ro u koo ko yobun wiruɡii u kɑ bu dĩɑnu yɑbuɑ sɑɑ ye n weenɛ.

Efesu 5:18

I ku de tɑm mu bɛɛ ɡo, domi mi sɔɔrɑ dɑɑ bɛrɛtɛkɛ wɑ̃ɑ, ɑdɑmɑ i de Hunde Dɛɛro u n bɛɛ yibɑ.

Filipi 1:1

Bɛɛ Yesu Kirisiɡibu bɛɛ be i wɑ̃ɑ Filipiɔ, kɑ sere bɛɛn yiɡbɛ tɔnwerobu kɑ bɛɛn yiɡbɛ sɔm kowobu, nɛ Pɔlu kɑ Timɔte, bɛsɛ Yesu Kirisin yobu, sɑ bɛɛ tɔburɑ.

Titu 1:5

Nɑ nun deriwɑ Kɛrɛtiɔ ɑ kɑ ye yɑ tien wunɑnɔ ko, kpɑ ɑ Yesun yiɡbɛ tɔnwerobu ɡɔsi wuu bɑɑɡere sɔɔ nɡe mɛ nɑ nun yiire.

Titu 2:3

Mɛyɑ mɑɑ kurɔ tɔkɔnu, ɑ nu sɔ̃ɔwɔ nu de nin sɑnu sɑnusu su n dɛɛre, kpɑ nu kun sɑ̃ɑ tɔn wĩɔbu ǹ kun mɛ tɑm yobu. N weenɛwɑ nu n bwisi ɡee sɔ̃ɔsimɔ

Piɛɛ I 4:10

Bɛɛn bɑɑwure u de u kɑ win kɛ̃ɛ te Gusunɔ u nùn nɔmu sɔndiɑ dendi ɡɑbun sɔ̃ nɡe wi u kɑ Gusunɔn kɛ̃ɛ bwese bwesekɑ sɔmburu mɔ̀ dee dee.

Piɛɛ I 5:2

Nɑ bɛɛ kɑnɑmɔ, i Gusunɔn tɔn be bɑ wɑ̃ɑ bɛɛn suunu sɔɔ kpɑro kɑ kĩru nɡe mɛ Gusunɔ u kĩ, n ǹ mɔ kɑ tilɑsi ǹ kun mɛ kɔsiɑ bɑkɑrun sɔ̃, ɑdɑmɑ i tii wɛ̃ɛyɔ bɛɛn sɔmburu sɔɔ.

Piɛɛ II 2:10

n mɑm nɛɛre be bɑ ben wɑsin kĩru kɑnkɑm mɔ̀ mɑ bɑ Gusunɔn yiiko ɡɛmɑ. Keu koosio weesuɡii be, bɑ sɑ̃ɑwɑ wɔbiɑɡibu kɑ tii suobu, bɑ ǹ mɑɑ bɛrum mɔ bu kɑ wɔllun yiikoɡibu wɔmɛ.