Titu 1:16 - Bibeli Gusunɔn Gari

¹⁶ Bɑ ɡerumɔ kɑ nɔɔ bɑ Gusunɔ yɛ̃, ɑdɑmɑ ben kookoosu ben ɡɑri siki. Bɑ sɑ̃ɑ tɔn kɔ̃sobu kɑ mɛm nɔɔ sɑriruɡibu, bɑ ǹ kpɛ̃ bu ɡɑ̃ɑ ɡeenu ɡɑnu ko.

Titu 1:16 ပူးပေါင်းရင်းမြစ်များ

Yoobu 15:16

wunɛ tɔnu ɑmɔnɑ kɑɑ kɑ kpĩ ɑ n dɛɛre win wuswɑɑɔ, wunɛ wi ɑ rɑ kɔ̃sɑ ko kiri kiri nɡe mɛ bɑ rɑ nim nɔ.

Mɔnnu 30:12

Gɑbɑ wɑ̃ɑ bɑ rɑ n tɑmɑɑ bɑ dɛɛrewɑ, ɑdɑmɑ bɑ ǹ dɛɛre.

Esɑi 29:13

Yinni Gusunɔ u nɛɛ, bwese teni tɑ̀ n nùn sɑ̃ɑmɔ, nɔɔwɑ tɑ rɑ kɑ nùn bɛɛrɛ wɛ̃. Ben ɡɔ̃ru ɡɑ kɑ nùn tomɑ. Tɔmbun woodɑ kɑ ben sɔ̃ɔsinɑ bɑ swĩi, bɑ kɑ nùn sɑ̃ɑmɔ.

Esɑi 48:1

I swɑɑ dɑkio i nɔ, Isirelibɑ bɛɛ Yɑkɔbun yɛnuɡibu, bɛɛ be i yɑrɑ Yudɑn bweserun di, wee i bɔ̃rumɔ kɑ nɛ, Gusunɔ Isirelibɑn Yinnin yĩsiru, mɑ i mɑn nɔɔɡiru suemɔ, ɑdɑmɑ n ǹ mɔ kɑ ɡem.

Esɑi 58:2

Tɔ̃ɔ bɑɑtere bɑ rɑ n mɑn sokuwɑ bɑ n kĩ bu ɡiɑ ye nɑ kĩ bu ko. Bɑ mɔ̀ nɡe tɔn be bɑ ɡem swĩi, be bɑ ǹ nɛn woodɑbɑ deri. Bɑ rɑ mɑn kɑnɛ n bu siriɑ dee dee, kpɑ bɑ n kĩ bɑ n kɑ mɑn wɑ̃ɑ.

Esɑi 59:13

Sɑ kuɑ tɑɑrɛɡibu kɑ nɑɑnɛ sɑriruɡibu wunɛ Yinni Gusunɔn mi. Sɑ nun deri wunɛ wi ɑ sɑ̃ɑ bɛsɛn Yinni, mɑ sɑ nun seesi, sɑ tɔmbu dɑm dɔre. Bwisiku weesuɡinɑ nu rɑ n yibɑ bɛsɛn ɡɔ̃rusɔ.

Yeremi 12:2

Wunɑ ɑ bu duurɑ nɡe dɑ̃ru, mɑ bɑ nuuru kuɑ, bɑ kpɛ̃ɑ bɑ binu mɑrumɔ. Mɛyɑ wunɛn ɡɑri rɑ n wɑ̃ɑ ben nɔɔwɔ. Adɑmɑ yi ǹ wɑ̃ɑ ben ɡɔ̃ruɔ.

Yeremi 5:2

Mɑ Yeremi u nɛɛ, wee, bɑ rɑ n bɔ̃rumɔ bɑ n mɔ̀, kɑ Yinni Gusunɔn wɑ̃ɑru, ɑdɑmɑ weesu sɔɔrɑ bɑ bɔ̃ri yi mɔ̀.

Yeremi 6:30

mɑ bɑ bu sokumɔ sii si su ǹ ɡeɑ sɑ̃ɑ. Domi Yinni Gusunɔ u bu biru kisi.

Esekiɛli 33:31

Mɑ bɑ nɑɑmɔ dɑbi dɑbinu bɑ nun swɑɑ dɑki. Adɑmɑ bɑ ǹ mɔ̀ ye ɑ bu sɔ̃ɔmɔ. Bɑ wunɛn ɡɑri yɑɑkoru sɑ̃ɑ mɑ bɑ ben tii tiin ɑrufɑɑni nɑɑ ɡire.

Gbɑburu 24:16

Nɑ rɑ Yinni Gusunɔn nɔɔ nɔ. Nɑ mɑɑ wi, Wɔrukoon himbɑ yɛ̃. Nɑ rɑ wi Dɑm kpuroɡiin kɑ̃sinu wɑ, domi u rɑ mɑn tii sɔ̃ɔsi nɑ̀ n nùn sɑ̃ɑmɔ.

Romu 1:28

Gusunɔ u bu deri ben bwisiku kɔ̃sunu sɔɔ bu kɑ ko ye n kun weenɛ yèn sɔ̃ bɑ ǹ wure bu nùn ɡiɑ.

Efesu 5:6

I ku rɑ de ɡoo u kɑ bɛɛ ɡɑri diri swɑɑ nim wiɑ, domi yenin sɔ̃nɑ Gusunɔn mɔru wee ben wirɔ be bɑ ǹ nùn mɛm nɔɔwɑmmɛ.

Timɔte I 1:9

Kpɑ u n yɛ̃ mɑ bɑ ǹ woodɑ kue ɡemɡibun sɔ̃. Bɑ ye kuɑwɑ woodɑ sɑrobu kɑ mɛm nɔɔ sɑriruɡibun sɔ̃, kɑ be bɑ ǹ Gusunɔn bɛɛrɛ yɛ̃, kɑ durumɡibu, kɑ mɑɑ tɔn be bɑ ǹ Gusunɔ kɑ ɡɑ̃ɑ dɛɛrɑnun bɛɛrɛ yɛ̃, kɑ sere be bɑ ben tundobu ǹ kun mɛ ben mɛrobu ɡoomɔ, kɑ mɑɑ tɔn ɡowobu ɡɑbu,

Timɔte I 5:8

Wi u kun win dusibu nɔɔri n ku mɑm ko win yɛnuɡibu, wiyɑ u nɑɑnɛ dokebu yinɑ, mɑ u nɑɑnɛ doke sɑriruɡii dukurɑm kerɑ.

Timɔte II 3:17

Kpɑ Gusunɔɡii u kɑ ko tɔn ɡiro wi u sɔɔru sɑ̃ɑ u kɑ sɔm ɡeeru bɑɑtere ko.

Titu 3:1

A wunɛn tɔmbu yɑɑyɑsio bɑ n tem yɛ̃robu kɑ wuun tɔnwerobu wiru kpĩiyɑmmɛ bɑ n bu mɛm nɔɔwɑmmɛ, kpɑ bɑ n sɔɔru sɑ̃ɑ sɔm ɡeenu kpuron sɔ̃.

Titu 3:3

Domi bɛsɛn tii sɑ rɑɑ sɑ̃ɑ ɡɑri bɑkɑsu kɑ mɛm nɔɔ sɑriruɡibu kɑ be bɑ tore. Sɑ rɑɑ sɑ̃ɑ ɡɔ̃ru kĩru kɑnkɑm kɑ hɑnduniɑn kĩru bɑɑteren yobu. Sɑ rɑɑ wɑ̃ɑ nuku kɔ̃suru kɑ binɛ sɔɔ. Sɑ sɑ̃ɑ be tɔmbɑ tusɑ, sɑ mɑɑ tusinɛ.

Yohɑnu I 2:4

Goo ù n nɛɛ, u nùn yɛ̃, mɑ u kun win woodɑ mɛm nɔɔwɑmmɛ, yɛ̃ro sɑ̃ɑwɑ weesuɡii, ɡee sɑri wi sɔɔ.

Yudu 1:4

Domi tɔn kɔ̃sobu ɡɑbɑ duɑ ɡbɛnum bɛɛn suunu sɔɔ be bɑ Gusunɔn durom ɡɔsikiɑ, bu kɑ ben kom kɔ̃sum ɡɑfɑrɑ wɑ, mɑ bɑ Yesu Kirisi yinɑ, wi u sɑ̃ɑ bɛsɛn Yinni boko. Sɑɑ ɡɑsɔ ɡɑsɔn diyɑ bɑ yoruɑ ye n koo bu deemɑ siribun biru.

Kɑ̃siru 21:27

Adɑmɑ ɡɑ̃ɑ kɔ̃sunu kun duɔ wuu ɡe sɔɔ pɑi, mɛyɑ mɑɑ tɔnu wi u kom kɔ̃sum kɑ weesu mɔ̀. Be bɑ koo du mi, beyɑ bèn yĩsɑ bɑ yoruɑ Yɑ̃ɑ kinɛ kpɛm ten tireru sɔɔ te tɑ sɑ̃ɑ wɑ̃ɑrun tireru.

Kɑ̃siru 21:8

Adɑmɑ bɛrurobu kɑ nɑɑnɛ doke sɑriruɡibu kɑ kom kɔ̃sumɡibu kɑ tɔn ɡowobu kɑ sɑkɑrɑ kowobu kɑ dobo doboɡibu kɑ bũu sɑ̃ɔbu kɑ wee kowobu kpuro, bɑ koo ben bɔnu wɑ dɔ̃ɔ bwerɔ wi u mwɑɑmɔ kɑ sɔ̃ɔ bisu. Yerɑ yɑ sɑ̃ɑ ɡɔɔ yiruse.

Sɑmuɛli I 15:22

Sɑmuɛli u nɛɛ, mbɑ Yinni Gusunɔ u kĩru bo. Yɑ̃kunu? Nɡe mɛm nɔɔbu. Wee mɛm nɔɔbu bu yɑ̃kuru kere. Wii kpĩibu bu mɑɑ yɑ̃ku yɑɑ ɡum kere.

Sɑmuɛli I 15:24

Yerɑ Sɔɔlu u Sɑmuɛli sɔ̃ɔwɑ u nɛɛ, nɑ durum kuɑ, nɑ Yinni Gusunɔn woodɑ sɑrɑ kɑ mɑɑ wunɛn ɡere. Nɑ nɛn tɔmbun bɛrum kuɑ mɑ nɑ ben ɡere wurɑ.