Swĩi 5:9 - Bibeli Gusunɔn Gari

⁹ Sɑ rɑ bɛsɛn wɑ̃ɑru kɑri bɔriewɑ, domi sɑ rɑ kɑ yibɛrɛbɑ tɑbu kowɑ ɡbɑburɔ su sere wɑ su di.

Swĩi 5:9 ပူးပေါင်းရင်းမြစ်များ

Sɑmuɛli II 23:17

U nɛɛ, Gusunɔ u mɑn ɡbɑrɑ bu nɛɛ, nɛnɑ nɑ nim mɛ nɔrɑ. Domi mɛn sɔ̃nɑ tɔn beni bɑ ben wɑ̃ɑru kɑri bɔrie. Nim mɛ, mu sɑ̃ɑwɑ nɡe ben yɛm mɛ mu koo rɑɑ yɑri. Yen sɔ̃nɑ u yinɑ u mu nɔ. Yenibɑ kpurowɑ Dɑfidin tɑbu durɔbu itɑ be, bɑ kuɑ.

Yeremi 41:18

Domi bɑ Bɑbiloniɡibun bɛrum mɔ yèn sɔ̃ Isimɛɛli u Gedɑliɑ ɡo wi Bɑbilonin sinɑ boko u kuɑ Yudɑbɑn kpɑro.

Yeremi 42:14

i ko i dɑwɑ Eɡibitiɔ mi i ǹ tɑbu wɑsi, bɑɑ bin kɔbɑn swĩi i ǹ nɔɔmɔ, i ǹ mɑɑ dĩɑnu biɑmɔ, yen sɔ̃, miyɑ i ko sinɑ,

Yeremi 42:16

sɑnɑm mɛyɑ tɑɑ bìn bɛrum i mɔ̀, bu koo bɛɛ deemɑ Eɡibiti mi. Gɔ̃ɔ tèn weeweenu i mɑɑ mɔ̀ mi, tɑ koo bɛɛ deemɑ, kpɑ i ɡbisuku mi ɡiɑ.

Kpɑrobu 6:11

Yen biruwɑ Yinni Gusunɔn ɡɔrɑdo u nɑ Ofɑrɑɔ u sinɑ dɑ̃ru ɡɑrun nuurɔ. Dɑ̃ɑ te, tɑ sɑ̃ɑwɑ Yoɑsiɡiru wi u sɑ̃ɑ Abiesɛɛn bweseru. Win bii Gedeoni u ɑlikɑmɑ soomɔ dɑ̃ɑ bii ɡɑmɑ yerɔ Mɑdiɑnibɑ bu ku rɑɑ kɑ nùn wɑ.