Swĩi 5:5 - Bibeli Gusunɔn Gari

⁵ Wee, bɛsɛn yibɛrɛbɑ bɑ sun yoru diisiɑmɔ. Sɑ wɑsire, bɑ ǹ mɑɑ sun wɛ̃rɑbu wɛ̃ɛmɔ.

Swĩi 5:5 ပူးပေါင်းရင်းမြစ်များ

Yeremi 27:2

Yeremi, ɑ tii suɡubɑ kuo kɑ mɑɑ wɛ̃ɛ ɑ ye sɔbe,

Yeremi 27:8

Bweseru ɡɑru tɑ̀ n yinɑ tu Nɛbukɑnɛsɑɑ sɑ̃ tu nùn yoru diiyɑ, nɛ, Yinni Gusunɔ, kon de u bwese te tɑbu wɔri. Kon mɑɑ tu bɑrɑru kɑ ɡɔ̃ɔru kpɛ̃ɛ, u kɑ kpĩ u tu kpeerɑsiɑ.

Yeremi 28:14

Nɛ Gusunɔ, Isirelibɑn Yinni, nɛ wi nɑ wɔllu kɑ tem mɔ, nɑ nɛɛ, wee nɑ suɡu sisuɡiɑ dokemɔ bwese ni kpuron wĩinɔ, kpɑ nu kɑ Nɛbukɑnɛsɑɑ, Bɑbilonin sinɑ boko yoru diiyɑ. Bɑɑ kɑ ɡbeeku yɛɛyɔ, kon nùn ye nɔmu bɛriɑwɑ.

Yeremi 51:58

Bɑbilonin ɡbɑ̃rɑ bɑkɑ ni, nu koo wɔrumɑ. Nin kɔnnɔ bɑkɑ si, su koo dɔ̃ɔ mwɑɑrɑ. Nɡe mɛyɑ sɔmbu te bɑ kuɑ ɡbɑ̃rɑ ten sɔ̃, tɑ koo kɑm ko. Ben hɑniɑ kpuro yɑ koo kɑm kowɑ dɔ̃ɔ sɔɔ.

Swĩi 1:14

U nɛn torɑnu kpuro mɛnnɑ nɡe wɛ̃ɛ yi bɑ tɑrɑ. Mɑ u nu ɡbinisi nɛn wĩirɔ. U nɛn dɑm buɑ. Mɑ u mɑn yibɛrɛ nɔmu bɛriɑ mi nɑ ǹ kpɛ̃ n kɑ tii yinɑ.

Swĩi 1:3

Bɑ Yudɑbɑ ɡurɑ bɑ kɑ doonɑ tem tukumɔ. Mɛyɑ, bɑ bu dɑm dɔremɔ bɑ yoru diisiɑmɔ. Bɑ ku rɑ n wɛ̃rɑbu mɔ. Ben yibɛrɛbɑ bɑ bu wɔri subɑru sɔɔ bɑ deemɑ bɑ wɑ̃ɑ nɔni swɑ̃ɑru ɡɑru sɔɔ.

Swĩi 4:19

Bɛsɛn yibɛrɛ be, bɑ ɡunɔ bɑkeru sɑ̃ɑbu kere. Bɑ sun yɔɔru bwɛ̃ɛyɛ ɡbɑburɔ. Bɑ sun nɑɑ ɡire sere ɡuunu wɔllɔ.

Misee 2:3

Yen sɔ̃nɑ Yinni Gusunɔ u nɛɛ, wee nɑ kɔ̃sɑn sɔɔru mɔ̀ tɔn ben sɔ̃. Bɑ ǹ mɑɑ kpɛ̃ bu ye dukɑ suuri. Mɛyɑ bɑ ǹ mɑɑ kpɛ̃ bu sĩ bɑ n wĩiru yɔ̃rɑsie dɑm dɑm. Domi tɔ̃ɔ te tɑ wee mi, tɔ̃ɔ kɔ̃surɑ.

Mɑteu 11:29

I wuro n bɛɛ kpɑrɑ kpɑ i ko nɛn bwɑ̃ɑbu, domi nɛ tɔn duuduo kɑ tii kɑwowɑ, mɛyɑ kon de i n wɑ̃ɑ bɔri yɛndu sɔɔ.

Gɔrobun Kookoosu 15:10

Ǹ n mɛn nɑ, mbɑn sɔ̃nɑ i Gusunɔn lɑɑkɑri mɛɛrimɔ tɛ̃ ye i kɑ nɑɑnɛ dokeo be sɔmunu sɔbimɔ ni bɛsɛn sikɑdobɑ kɑ mɑɑ bɛsɛn tii sɑ kpɑnɑ su sɔbe.

Sɔ̃ɔsiru 28:48

Yen sɔ̃nɑ u koo bɛɛ yibɛrɛbɑ sure kpɑ i bu yoru diiyɑ i n wɑ̃ɑ ɡɔ̃ɔru kɑ nim nɔru kɑ sɑ̃ɑru kɑ tereru sɔɔ. Bɑ koo bɛɛ yoo te diisiɑwɑ sere bu kɑ bɛɛ kɑm koosiɑ.