Swĩi 4:22 - Bibeli Gusunɔn Gari

²² Bɛɛ Yerusɑlɛmuɡibu, bɛɛn sɛɛyɑsiɑbu kpɑ. Bɑ ǹ mɑɑ bɛɛ yoru mwɑɑmɔ bu kɑ doonɑ. Adɑmɑ bɛɛ Edɔmubɑ, Yinni Gusunɔ u koo bɛɛ mɔru kɔsiɑ, kpɑ u bɛɛn torɑnu terɑsiɑ.

Swĩi 4:22 ပူးပေါင်းရင်းမြစ်များ

Womusu 137:7

Yinni Gusunɔ, ɑ de ɑ Edɔmubɑn ɡɑri yɑɑyɑ yi bɑ ɡeruɑ sɑnɑm mɛ bɑ Yerusɑlɛmu kɑm koosiɑmɔ bɑ nɛɛ, bu ye kɛro mɑm mɑm sere kɑ yen kpɛɛkpɛɛkuɔ.

Esɑi 40:2

I Yerusɑlɛmuɡibu nukuru yɛmiɑsio, i nɛɛ, ben yorɑ kpɑ. Domi nɑ bu ben ɡɔbɑ ye bɑ kuɑ kpuron ɑre wɛ̃. Nɑ bu sɛɛyɑsiɑ ben durum ye bɑ kuɑ kpuron sɔ̃.

Esɑi 52:1

Yerusɑlɛmu, wunɛ wi Yinni Gusunɔ u tii ɡɔsiɑ, ɑ dom yɑndo kpɑ wunɛn dɑm mu wurɑmɑ, kpɑ ɑ wunɛn burɑ yɑ̃nu doke. Domi be bɑ ǹ Yinni Gusunɔ sɑ̃ɑmɔ, ben ɡoo kun mɑɑ duɔ wunɛ sɔɔ.

Esɑi 60:18

Sɑɑ ye sɔɔ, bɑ ǹ mɑɑ sɑnnɔsun dɑmu nɔɔmɔ wunɛn temɔ. Mɛyɑ bɑ ǹ mɑɑ mu wɔrimɔ bu mɛn yɑ̃nu ɡurɑ kpɑ bu mu deri bɑnsu. Domi kon nun kɔ̃su nɡe ɡbɑ̃rɑru, kpɑ ɑ mɑn siɑrɑ nɛn fɑɑbɑn sɔ̃.

Yeremi 32:40

Kon kɑ bu ɑrukɑwɑni bɔke ye yɑ kun kpeemɔ. Nɑ ǹ bu biru kisimɔ, kon bu ɡeɑ kuɑwɑ, kpɑ n de bɑ n mɑn nɑsie ben ɡɔ̃ruɔ kpɑ bu ku rɑɑ mɑɑ ɡɛrɑ nɛn swɑɑn di.

Yeremi 33:7

Kon de be bɑ yoru mwɛɛrɑ Yudɑn di, ben wɑ̃ɑru tu kɔsi, kpɑ n bu swĩi nɡe yellu.

Yeremi 33:8

Kon bu ben durum kpuro wɔkɑ ye bɑ mɑn koosi. Kon ben torɑ ni bɑ mɑn torɑri sɑnɑm mɛ bɑ mɑn seesi suuru kuɑ.

Yeremi 49:10

Adɑmɑ nɛ, Yinni Gusunɔ, kon Esɑun bweseru kpuron yɑ̃nu ɡurɑwɑ. Kon bu sikiɑmɑ ben kuku yenun di. Bɑ ǹ kpɛ̃ bu kuke. Ben bibu kɑ ben dusibu kɑ be bɑ kɑ bu sikerenɛ kpuro bɑ koo ɡbiwɑ. Goo kun tiɑrɑmɔ.

Yeremi 50:20

Yen domɑ te, bɑ koo Isirelibɑ kɑ Yudɑbɑn durum kɑsu bɑ kun wɑ, domi be, be bɑ tie mi, kon bu ben durum wɔkɑ.

Swĩi 4:21

Bɛɛ mɑɑ Edɔmubɑ, bɛɛ be i wɑ̃ɑ Usiɔ, i ko kpĩ i nuku dobu ko tɛ̃, ɑdɑmɑ i n yɛ̃ mɑ siribu bɛɛ mɑrɑ. I ko i ko nɡe be tɑm mu ɡoomɔ kpɑ i tereru yɔ̃rɑ.

Swĩi 4:6

Nɛn tɔmbun sɛɛyɑsiɑbu bu kpɑ̃, bu Sodomuɡibu kere, wuu ɡe Yinni Gusunɔ u kpeerɑsiɑ nɔni kpɑki teeru ɡoon nɔmɑ sɑri mi sɔɔ.

Esekiɛli 37:28

Nɛn sɑ̃ɑ yeru tɑ̀ n wɑ̃ɑ ben suunu sɔɔ sere kɑ bɑɑdommɑɔ, sɑɑ ye sɔɔrɑ bwesenu nu koo ɡiɑ mɑ nɛnɑ nɑ sɑ̃ɑ Yinni Gusunɔ wi u Isirelibɑ ɡɔsɑ nɛnɛm.

Esekiɛli 6:12

Wi u tomɑ, bɑrɑrɑ tɑ koo nùn ɡo. Wi u mɑɑ wɑ̃ɑ turuku, tɑbu sɔɔrɑ bɑ koo nùn ɡo. Wi u koo sinɑ yɛnuɔ, bɑ koo nùn tɑrusiwɑ kpɑ u ɡbi ɡɔ̃ɔrun sɔ̃. Kon bu mɔru seesiwɑ mɑm mɑm.

Abudiɑsi 1:10

Bɛɛ Edɔmubɑ, wee i bɛɛn mɛro bisibu Yɑkɔbun bweseru mwɛɛrɑ i ɡo. Yen sɔ̃, i ko i sekuru wɑ. I ko i kɑm kowɑ sere kɑ bɑɑdommɑɔ.

Mɑlɑsi 1:3

mɑ nɑ Esɑu yinɑ. Nɑ derɑ ɡɑ̃ɑnu sɑri win tem ɡuunɔ. Mɑ nɑ derɑ ɡbeeku yɛɛ kɔ̃si yibɑ tem mɛ sɔɔ.

Mɑlɑsi 1:4

Esɑun bibun bweseru tɑ̀ n nɛɛ, bɑ ten wusu kɔsukɑ, ɑdɑmɑ tɑ koo sin bɑnsu seeyɑ, nɛ, Gusunɔ wɔllu kɑ tem Yinni, kon nɛɛ, bɑɑ tɑ̀ n su bɑnɑ, kon wure n su surɑ. Kpɑ bu ten tem soku nuku kɔ̃suruɡibun tem, ben tii mɑɑ bwese te nɛ, Yinni Gusunɔ nɑ kɑ mɔru sɑ̃ɑ bɑɑdommɑ.