Swĩi 4:2 - Bibeli Gusunɔn Gari

² Yerusɑlɛmun tɔn be bɑ rɑɑ ɡɑrisi nɡe wurɑ ɡeɑ, bɑ ɡisɔ bu ɡɑrisiwɑ nɡe tem mɔnnu.

Swĩi 4:2 ပူးပေါင်းရင်းမြစ်များ

Esɑi 30:14

I ko i kɔsikirɑwɑ muku muku nɡe wekeru tèn kɛ̃kɑ bɑ ǹ kpɛ̃ bu kɑ dɔ̃ɔ ɡurɑ, ǹ kun mɛ bu kɑ nim sɔkɑ.

Esɑi 51:18

Wunɛn bibu kpuro sɔɔ, be ɑ mɑrɑ ɑ seeyɑ, ɡoo sɑri wi u koo nun swɑɑ ɡbiiyɑ. Goo mɑɑ sɑri wi u koo nun nɔmɑ nɛnɛ.

Yeremi 19:1

Yinni Gusunɔ u Yeremi sɔ̃ɔwɑ u nɛɛ, ɑ doo mɔmɔn mi ɑ boo dwe ɡe bɑ kuɑ kɑ sɔndu. Kpɑ ɑ yɑ̃ku kowo be bɑ bukure kɑ wuun ɡuro ɡurobu mɛnnɑ,

Yeremi 19:11

Kpɑ ɑ nɛɛ, nɛ Gusunɔ, wɔllu kɑ tem Yinni nɑ nɛɛ, kon bu yɑrinɑsiɑ kpɑ n wuu ɡe kɔsuku nɡe boo ɡe, ɡe bɑ ǹ kpɛ̃ bu mɑɑ sɔmɛ. Tofɛtin wɔwɑ miyɑ bɑ koo tɔmbu sike yèn sɔ̃ bɑ ǹ mɑɑ ɑyeru wɑsi ɡɑm.

Yeremi 22:28

Gɑbɑ koo bikiɑ bu nɛɛ, Yoyɑkini wi, u sɑ̃ɑwɑ nɡe weke te tɑ kɔsire, ǹ kun mɛ, nɡe ɡɑ̃ɑ ni ɡoo kun mɑɑ kĩ? Aɑwo. Ǹ n mɛn nɑ, mbɑn sɔ̃nɑ bɑ wi kɑ win bweseru tem yɑrɑ mɑ bɑ kɑ bu dɑ sere mi bɑ ǹ yɛ̃.

Swĩi 2:21

Wee bukurobu kɑ bibun ɡonu nu kpĩ swɛɛ sɔɔ. Bɑ nɛn wɔndiɑbɑ kɑ ɑluwɑɑsibɑ ɡo tɑbu sɔɔ. A derɑ bɑ bu sɑkirɑ wɔnwɔndu sɑri, wunɛn mɔrun sɑɑ.

Swĩi 5:12

Bɑ bɛsɛn wiruɡibu mwɛɛrɑ bɑ soorɑ doke. Bɑ ǹ durɔ tɔkɔnu bɛɛrɛ wɛ̃.

Osee 8:8

Isirelibɑ bɑ derɑ bɑ bu mwɛ. Be wee bwesenu sɔɔ nɡe weke te ɡoo kun mɑɑ kĩ.

Sɑkɑri 9:13

Kon Yudɑ dendi nɡe tɛndu. Kpɑ Efɑrɑimu yɑ n sɑ̃ɑ ten sɛ̃ɛnu. Yerusɑlɛmu, kon wunɛn bibu suɑ bu Gɛrɛkibɑ tɑbu wɔri. Kon bu kowɑ nɡe tɑbu durɔ dɑmɡiin tɑkobi.

Korinti II 4:7

Adɑmɑ bɛsɛ be sɑ hunden dukiɑ ye mɔ, sɑ ye mɔ bɛsɛn wɑsi sɔɔ yi yi sɑ̃ɑ nɡe tem mɔndu kpɑ dɑm bɑkɑm mɛ, mu n kɑ sɑ̃ɑ Gusunɔɡim, n ǹ mɔ bɛsɛn tiiɡim.

Timɔte II 2:20

Dii burɑru sɔɔ ɡbɛ̃ɛ bwese bwesekɑwɑ rɑ n wɑ̃ɑ. Bɑ nin ɡɑnu kuɑ kɑ sii ɡeesu kɑ wurɑ ni bɑ rɑ dendi bu kɑ ɡɑ̃ɑ bɛɛrɛɡinu ko. Bɑ mɑɑ nin ɡɑnu kuɑ kɑ dɑ̃ɑ kɑɑru kɑ sɔndu ni bɑ rɑ dendi bu kɑ ko ye bɑ turɑ.