Swĩi 4:1 - Bibeli Gusunɔn Gari

¹ Yinni Gusunɔn sɑ̃ɑ yerun wurɑ ɡeɑ ye, yɑ tĩrɑ. Ten kpenu nu yɑri swɛɛ kpuro sɔɔ.

Swĩi 4:1 ပူးပေါင်းရင်းမြစ်များ

Esɑi 1:21

Gusunɔ u nɛɛ, Yerusɑlɛmu, wunɛ wi nɑ rɑɑ nɑɑnɛ sɑ̃ɑ, wee ɑ kuɑ nɡe kurɔ sɑkɑrɑ kowo, wi u win durɔ deri. Domi yellu ɡemɡibɑ rɑɑ yibɑ wunɛ sɔɔ. Adɑmɑ ɡisɔ, tɔn ɡowobu tɔnɑwɑ bɑ nun wɑ̃ɑsi.

Esɑi 14:12

Wunɛ wi ɑ sɑ̃ɑ nɡe buruku kperɑ ye yɑ bɑllimɔ, wee ɑ wɔrumɑ wɔllun di. Wunɛ wi ɑ bwesenu kpuro tɑbu di, wunɛ wee bɑ surɑ temɔ, ɑ kpĩ.

Yeremi 52:13

Mɑ u Yinni Gusunɔn sɑ̃ɑ yeru dɔ̃ɔ mɛni, kɑ sinɑ kpɑɑru, kɑ yɛnu si su tie Yerusɑlɛmu mi kpuro, kɑɑ sere ɡere dɑmɡibun yɛnusu?

Swĩi 2:19

A seewo ɑ wuri ko wɔ̃kuru, ɑ wunɛn ɡɔ̃ru kpuro kusiɑ Yinni Gusunɔn wuswɑɑɔ. A nɔmɑ yiiyo ɑ nùn kɑnɑ wunɛn bibun sɔ̃ be bɑ ɡbimɔ swɛɛ sɔɔ ɡɔ̃ɔrun sɔ̃.

Esekiɛli 22:18

tɔnun bii, wee nɛn nɔni sɔɔ Isirelibɑ bɑ sɑ̃ɑ nɡe sii bisu ǹ kun mɛ nɡe sii ɡɑndu ǹ kun mɛ nɡe sii kpikisu ǹ kun mɛ nɡe pɛɛrum ǹ kun mɛ nɡe sii wɔ̃kusu si bɑ doke sɔwɑtiɑ sɔɔ bu kɑ su sɔwɑ. Bɑ sɑ̃ɑwɑ nɡe sii ɡeesun bisu.

Misee 1:6

Yinni Gusunɔ u nɛɛ, yenibɑrɑ yɑ koo de Sɑmɑri yu ko bɑnsu kpɑ bu resɛm duure mi. U koo yen ɡɑnin kpenu sure sere wɔwɑn sɔɔwɔ. Kpɑ bu yen kpɛɛkpɛɛku wɑ.

Mɑteu 24:2

Yerɑ u bu sɔ̃ɔwɑ u nɛɛ, i yɑbu ye kpuro wɑ? Kɑ ɡeemɑ nɑ bɛɛ sɔ̃ɔmɔ bɑ koo ye kpuro surɑ, bɑɑ kpee teeru tɑ ǹ ko n sɔndi ten tensim wɔllɔ.

Mɑɑku 13:2

Mɑ Yesu nùn sɔ̃ɔwɑ u nɛɛ, ɑ dii bɑkɑ ni wɑ? Bɑɑ kpee teeru tɑ ǹ ko n sɔndi ten tensim wɔllɔ. Bɑ koo ni kpuro surɑwɑ.