49 Nɛn nɔni yĩresu kokumɔ, su ǹ yɔ̃re,
Yeremi u nɛɛ, Gusunɔ u mɑn sɔ̃ɔwɑ n tɔn be sɔ̃ n nɛɛ, nɛn nɔni yĩresu su kokumɔ bururu kɑ yokɑ, su ǹ yɔ̃re. Domi wɑhɑlɑ bɑkɑ yɑ nɛn tɔmbu deemɑ. Bɑ bu so bɑ mɛɛrɑ kuɑ.
Nɑ Gusunɔ nɔɔɡiru sue. Nɑ nùn soku, u koo mɑn swɑɑ dɑki.
Yen sɔ̃nɑ nɑ wurɑ mɔ̀, nɑ nɔni yĩresu kokumɔ. Wi u koo mɑn nukuru yɛmiɑsiɑ u mɑn wɑ̃ɑru wesiɑ, u mɑn deri. Nɛn bibɑ nuki sɑnkire, domi yibɛrɛ u mɑn kɑmiɑ.
Yerusɑlɛmu, ɑ Yinni Gusunɔ nɔɔɡiru sueyo, ɑ de u wunɛn wuri nɔ. A nɔni yĩresu kokuo nɡe dɑɑru. A ku wɛ̃rɑ, ɑ ku wuri mɑri.
