3 Nɛ turowɑ u nɔmɑ doke bururu kɑ yokɑ.
Nɑ rɑɑ wɑ̃ɑ bɔri yɛndu sɔɔ mɑ u mɑn burisinɑ. U mɑn nɛnuɑ birun di, mɑ u mɑn kɔsukɑ. U mɑn kuɑ nɡe tũburu te u tweemɔ.
Nɛn bɔrɔbɑ, i nɛn wɔnwɔndu wɑɑwo. Domi Yinni Gusunɔwɑ u mɑn sɛɛyɑsiɑmɔ.
Nɑ ǹ ɡobeku ɡoo tɑki diire yèn sɔ̃ nɑ siri kowo ɡoo tɑ̃sɑ.
Domi Dɑm kpuroɡii u mɑn yɑburɑ kɑ sɛ̃ɛnu. Mɑ nin dɛ̃ɛ nɛn wɑsi duuri. Mɑ u mɑn ɡɑ̃ɑ nɑnumɡinu kpɑre nɡe tɑbu kowo.
Yinni Gusunɔ, ɑ ku mɑn sɛɛyɑsiɑ wunɛn mɔru sɔɔ. A ku mɑn so sɑnɑm mɛ ɑ mɔru bɛsire.
Kon bɛɛ nɔmɑ doke kpɑ n bɛɛ wɔ̃ nɡe sisu n bɛɛn disinu kpuro wunɑ kpɑ i dɛɛrɑ.
Yen sɔ̃nɑ win mɔru yɑ wɔrimɔ be sɔɔ. U bu nɔmɑ dokemɔ u ɡoomɔ. Guunu diirumɔ. Mɑ tɔmbun ɡonu nu sweenɛ swɛɛ sɔɔ nɡe kubɑnu. Adɑmɑ kɑ mɛ, win mɔru kun sure, mɑ u bu nɔmɑ dokemɔ u sɛɛyɑsiɑmɔ.
Adɑmɑ sɑ nùn seesi sɑ win Hunde nuki sɑnkɑ. Yen sɔ̃nɑ u kuɑ bɛsɛn yibɛrɛ mɑ u kɑ sun tɑbu kuɑ.
U koo yɛ̃ro wunɑwɑ Isirelibɑn bwese kɛrin suunu sɔɔn di nɡe mɛ bɔ̃ri yi, yi ɡerumɔ woodɑn tire te sɔɔ.
